Sin-chng-á (Liông-chéⁿ-khu)
Sin-chng-á (新庄仔, -子) sī Tâi-oân Tâi-tiong-chhī Liông-chéⁿ-khu ē-té ê tē-hng, tē-chèng siōng hō-chò Sin-chng-á-tōaⁿ (-段), lāi-bīn ū Sin-chng-á kū chng-siā (Sin-chng-lí) kap Sin-tong-lí, Tong-hái-lí nn̄g-ê sin pun ê hêng-chèng-khu[1].
Tē-lí[siu-kái | kái goân-sí-bé]
Sin-tong-lí lāi hâm hiān-chāi só͘ kóng ê Tong-hái Pia̍t-chong siā-lí só͘-chāi-tē, nā Tong-hái-lí sī óa pak hâm sin khai-hoat ê Kok-chè-siâⁿ (國際城) siā-khu kap āu-bóe hoat-tián chhut--lâi ê "Gē-su̍t-ke" siong-gia̍p-tē[1].
Le̍k-sú[siu-kái | kái goân-sí-bé]
Sin-chng-á sī 1920 nî só͘ siat Liông-chéⁿ-chng (-庄) ē-té ê tōa-jī hêng-chèng khu chi it, chiàu 1935 nî thóng-kè, ū khiā-khí jîn-kháu 2134 lâng[2].
1970 nî-tāi, Sin-chng-á chng-thâu tang-pêng ê thó͘-tē khai-sí ū tōa-liōng ê chū-the̍h khai-hoat, Sin-tong-chhoan (āu-lâi ê lí) sī 1982 nî tùi chá-chêng Sin-chng-chhoan hun--chhut-lâi-ê, óa-ùi Tong-hái Tāi-ha̍k sì-ûi, kàu 1987 nî koh koah chhut--lâi chi̍t hūn chò Tong-hái-chhoan[1].
Chham-khó[siu-kái | kái goân-sí-bé]
- ↑ 1.0 1.1 1.2 熊增仁 (2013). 臺中市龍井區城鄉規劃之研究 (sek-sū thesis). 逢甲大學.
- ↑ 臺灣總督官房調查課 (1936). 昭和十年末 臺灣常住戶口統計.
Liân-kiat[siu-kái | kái goân-sí-bé]
- Google (2017-01-13). "新庄子" (Map). Google Maps. Google. 2017-01-13 khòaⁿ--ê.