Sin-ka-pho Hok-kiàn-ōe

Wikipedia (chū-iû ê pek-kho-choân-su) beh kā lí kóng...
(Tùi Sin-ka-pho Hok-kiàn-oē choán--lâi)
Sin-ka-pho-lâng Tân Bûn-ha̍k (Tan Boon Hak) ê Hok-kiàn-ōe Pe̍h-ōe-jī bûn-su.

Sin-ka-pho Hok-kiàn-oē, chāi-tē-lâng mā kiò Hokkien, sī Sin-ka-pho liû-thong ê Hok-kiàn-oē, sǹg Bân-lâm-gí chi̍t khoán khiuⁿ-kháu, kap Má-lâi-se-a ê Hok-kiàn-oē sio-kīn, chham Tâi-oân-oē, Ē-mn̂g-oē ē-tàng sio-thong, in lóng sǹg sī "Chiang-choân-lām".

Chóng-sī Sin-ka-pho ê Hok-kiàn-oē siū chin chē Tiô-chiu-oē ê éng-hióng, mā lām ji̍p khah chē Eng-gí kap Má-lâi-gí ê sû-gí.

Lēng-goā, Hok-kiàn-oē mā hoán-èng tī teh Sin-ka-pho tong-tē ê Eng-gí, in-ê Sin-ka-pho Eng-gí lām chin chē Hok-kiàn-oē sû-gí, chèng-sek ê Eng-gí tē-miâ, lâng-miâ, mā tiaⁿ ēng Hok-kiàn-oē ê ho͘-im lâi pheng-siá.