Tâi-oân Bîn-chiòng Tóng (1927 nî)

Wikipedia (chū-iû ê pek-kho-choân-su) beh kā lí kóng...
(Tùi Tâi-oân Bîn-chiòng Tóng choán--lâi)
跳至導覽 跳至搜尋
Tâi-oân Bîn-chiòng Tóng tóng-kî

Tâi-oân Bîn-chiòng Tóng (台灣民眾黨), sī Tâi-oân le̍k-sú siōng ê chi̍t ê pún-thó͘ chèng-tóng. 1927 nî 7 goe̍h 10 hō tī Tâi-tiong-chhī Sin-hù-teng Chū-eng-lâu sêng-li̍p, sī Tâi-oân-lângJi̍t-pún sî-tāi sêng-li̍p ê tē-it ê chèng-tóng, sêng-li̍p tāi-hōe iû Chhòa Sek-kok chú-chhî. Chi̍t khai-sí, tī Ji̍t-pún Tâi-oân Chóng-tok-hú ê chó͘-jiáu hā, Lîm Hiàn-tông, Chiúⁿ Ūi-súi téng lâng put-toān ōaⁿ tóng-miâ, siu-kái tóng-kong, ùi "Tâi-oân Chū-tī Hōe" (台灣自治會) kàu "Tâi-oân Bîn Tóng" (台灣民黨), chòe-āu chiah tī ū tiâu-kiāⁿ ún-chún hā sêng-li̍p.

Chho͘-kî chú-iàu jîn-bu̍t ū Lí Èng-chiong, Chiúⁿ Ūi-súi, Lîm Hiàn-tông, Chhòa Pôe-hóe kap N̂g Chiu téng lâng. Tóng-kî siāng chá hóng Tiong-kok Kok-bîn Tóng tóng-kî, āu-lâi kái chò hóng Tiong-hôa Bîn-kok Kok-kî ê sam-seng tóng-kî.