Tâi-oân Kok-gí

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Tâi-oân Kok-gí (台灣國語), iā hō-chò Tâi-oân-khiuⁿ (台灣腔), sī chí tòa ū Tâi-oân-ōe khiuⁿ-kháu kap iōng-gí ê Tiong-hôa Bîn-kok Kok-gí. Tiong-iong Gián-kiù-īⁿ Gí-giân-ha̍k Gián-kiù-só͘ tī koaⁿ-hong bāng-chām téng kā Tâi-oân Kok-gí lia̍t chò Tâi-oân pún-thó͘ gí-giân hun-hāng ē-kha ê tiōng-tiám gián-kiù tùi-siòng.

Tē-jī-chhù Sè-kài Tāi-chiàn liáu-āu ê pòaⁿ sè-kí tiong, Tiong-kok lāi-chiàn pāi-thè lâi Tâi-oân ê Tiong-kok Kok-bîn Tóng chèng-khoân thàu-kòe kok-gí ūn-tōng thui-hêng Pak-kiaⁿ Koaⁿ-ōe chò ki-té ê kok-gí. In-ūi Koaⁿ-ōe tī Tâi-oân tī sû-lūi kap gí-im hong-bīn siū-tio̍h Tâi-gí ê éng-hióng, sán-seng chhut piàn-chit ê Koaⁿ-ōe, chiū hō-chò "Tâi-oân Kok-gí".

Tâi-oân Kok-gí pún-sin mā ū pun chò Tâi-pak-khiuⁿ, Tâi-tiong-khiuⁿ, Tâi-lâm-khiuⁿ kap Tang-pō͘-khiuⁿ téng bô-kāng lūi-pia̍t.