Tâi-pak-chhī VIS Sè-kài Kái-chō Si̍t-giām-sek Si̍t-giām Kàu-io̍k Ki-kò͘

VIS Sè-kài Kái-chō Si̍t-giām-sek Si̍t-giām Kàu-io̍k Ki-kò͘ 臺北市VIS世界改造實驗室實驗教育機構
Sêng-li̍p	2019 nî
Lūi-hêng	si̍t-giām kàu-io̍k Ki-kò͘
Nî-kip	5-12
Kok-ka	Tiong-hôa Bîn-kok
Chū-chí	Tâi-pak-chhī Tiong-chèng-khu Lô-su-hok-lō͘ 97 hō
Bāng-chām	vis.tp.edu.tw

Tâi-pak-chhī VIS Sè-kài Kái-chō Si̍t-giām-sek Si̍t-giām Kàu-io̍k Ki-kò͘ (Eng-gí: Taipei VIS@betterworld lab Experimental Education Institution; Hôa-gí: 臺北市VIS世界改造實驗室實驗教育機構, kán-chheng: VIS) sī ūi tī Tâi-oân Tâi-pak-chhī Tiong-chèng-khu ê hui-ha̍k-hāu hêng-thài ê si̍t-giām kàu-io̍k Ki-kò͘, sī 2019 nî chiàu Kàu-io̍k-pō͘ ê Si̍t-giām kàu-io̍k Sam-hoat siong-koan ê kui-tēng siat-li̍p, sī hō͘ Siā-thoân-hoat-jîn Bān-hiòng Kok-chè Bûn-kàu Hia̍p-hōe the̍h-chhut sin-chhéng, siāng-nî mā keng-kòe Tâi-pak-chhī Chèng-hú Kàu-io̍k-kio̍k he̍k-chún. Chit-má ū thê-kiong kok-hāu gō͘-nî-kip kàu ko-tiong saⁿ-nî-kip ê khò-thêng.

Iân-kek

VIS sī 2019 nî hō͘ Kàu-io̍k-kio̍k ún-chún siat-li̍p ko-tiong-hāu-khu, m̄-koh iáu-bē chi̍t-tang tio̍h khai-sí chio kok-tiong-seng. Chū 2024 nî khai-sí ū kok-hāu gō͘-nî kah la̍k-nî-kip ê khò͘-thêng. I ê chú-iàu kà-o̍h-hong-sek sī choan-àn ia̍h-sī būn-tê-sek ha̍k-si̍p (Project/Problem-Based Learning, PBL), bo̍k-tek sī hō͘ ha̍k-seng-á to̍k-li̍p ha̍k-si̍p. Chêng-kàu-taⁿ ū chha-put-to 300 ūi ha̍k-seng, lāu-su kap hêng-chèng-lîn-oân ū 99 ê lâng, chi̍t-poaⁿ lâi-kóng ta̍k pan ū chha-put-to 15 ê lâng.

Kà-o̍h ê Só͘-chai

Ko-tiong kà-o̍h ê só͘-chai sī tī Kok-li̍p Tâi-oân Tāi-ha̍k ê Hêng-oán-lâu; kok-tiong kap kok-hāu ê kà-o̍h ê só͘-chai sī Tâi-pak-chhī ê Bîn-cho̍k Si̍t-giām Tiong-ha̍k.

Kok-chè-ha̍p-chok

VIS kap Eng-kok Bûn-hòa Hia̍p-hōe (British Council) ū sio-phuānn-kuan-hē, mā sī Bí-kok Tāi-ha̍k Lí-sū-hōe (College Board) siū-khoân ê kàu-io̍k ki-kò͘, chit-má ū thê-kiong Bí-kok AP khò-thêng.