Tâi-pak Pin-koán

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Tâi-pak Pin-koán ê chiàⁿ-bīn

Tâi-pak Pin-koán (台北賓館) sī Tiong-hôa Bîn-kok Chèng-hú ê kok-ka chiau-thāi-só͘, ūi-tī Tâi-oân Tâi-pak-chhī Phok-ài Te̍k-khu lāi, mn̂g-pâi hō-bé sī Tâi-pak-chhī Tiong-chèng-khu Lê-bêng-lí Ke-ta-ga-lán Tāi-tō 1-hō. Tâi-pak Pin-koán sī choan-bûn teh chiau-thāi kok-pin ia̍h-sī kí-pān khèng-chiok oa̍h-tāng ê só͘-chāi.

Tâi-pak Pin-koán goân-lâi sī Ji̍t-pún sî-tāi ê Tâi-oân Chóng-tok Koaⁿ-tí (台灣總督官邸). Hit-sî-chūn mā sī chò-ûi iàn-chhiáⁿ kùi-pin kap hông-cho̍k ê só͘-chāi. Chū tē-4 jīm Tâi-oân Chóng-tok Kodama Gentarô khai-sí, it-ti̍t kàu boa̍t-jīm chóng-tok Andô Rikiti ûi-chí, lóng-chóng ū 16-ūi chóng-tok chan-keng tòa tī chia.