Tâi-pak Tiān-iáⁿ Cheh

Wikipedia (chū-iû ê pek-kho-choân-su) beh kā lí kóng...
2013 nî ê Tâi-pak Tiān-iáⁿ-cheh soan-thoân hái-pò

Tâi-pak Tiān-iáⁿ-cheh (Hàn: 台北電影節; Eng: Taipei Film Festival) sī Tâi-oân ta̍k-nî tī Tâi-pak-chhī kí-pān ê tiān-iáⁿ-cheh. Chú-iàu iû 2-toā kēng-sài tan-goân "Kok-chè Sin Tō-ián Kēng-sài" (國際新導演競賽), "Tâi-pak Tiān-ián-chióng" (台北電影獎) kap chú-tê siâⁿ-chhī tan-goân só͘ cho͘-sêng.

1988 nî iû Tiong-sî Boán-pò chhòng-li̍p ê "Tiong-sî Boán-pò Tiān-iáⁿ-chióng" (中時晚報電影獎), tī 1994 nî khai-sí kái-miâ chò "Tâi-pak Tiān-iáⁿ-chióng" (台北電影獎), hun chò siong-gia̍p kap hui-siōng-gia̍p 2 lūi. Ùi 1998 nî khí, Tâi-pak-chhī Chèng-hú ka-ji̍p chú-pān hâng-lia̍t. 2002 nî khí, Tâi-pak Tiān-iáⁿ-cheh ka-ji̍p "Siâⁿ-chhī Chú-tê Tan-goân", kui-ōe hit-ê siâⁿ-chhī ia̍h-sī kok-ka ê tiān-iáⁿ kap chō-tâm-hōe téng-téng oa̍h-tāng.