Tâi-thih khu-kan khoài-chhia
Khu-kan khoài-chhia (區間快車) sī Tâi-oân Thih-lō͘ Koán-lí-kio̍k ê êng-ūn chhia-chióng chi it, tī 2006 nî 11 goe̍h chhe 1 tiâu-chéng sî-khek-piáu liáu-āu hām khu-kan-chhia tông-sî sán-seng. Siong-tùi kok-chām lóng thêng ê khu-kan-chhia, khu-kan khoài-chhia ūi-tio̍h hō͘ sêng-kheh tī khu-he̍k kan koh-khah khoài-sok kàu-ta̍t, ē tùi pō͘-hūn ūn-liōng khah sè ê chhia-chām thong-kòe bô thêng. Sú-iōng ê chhia-lióng lūi-hêng lóng sī thong-khîn tiān-liân-chhia, hùi-lu̍t hām Ho̍k-heng-hō kap khu-kan-chhia kāng-khoán, ta̍k kong-lí Sin-tâi-phiò 1.46 îⁿ.