Tâi-tiong Chia̍t-ūn

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Tâi-tiong Chia̍t-ūn ê lō͘-sòaⁿ-tô͘

Tâi-tiong To͘-hōe-khu Tāi-chiòng Chia̍t-ūn Hē-thóng (臺中都會區大眾捷運系統), kán-chheng Tâi-tiong Chia̍t-ūn (臺中捷運) ia̍h Tiong-chia̍t (中捷), sī Tâi-oân chi̍t chō heng-kiàn tiong ê tāi-chiòng chia̍t-ūn hē-thóng, ho̍k-bū Tâi-tiong to͘-hōe-khu.

Tâi-tiong Chia̍t-ūn bāng-lō͘ hoān-ûi hâm-kài Tâi-tiong-chhī, Chiang-hòa-koān kap Lâm-tâu-koān, lō͘-sòaⁿ pau-koat Le̍k-sòaⁿ, Nâ-sòaⁿ, Ki-tiûⁿ-sòaⁿ kap Tāi-pêng-bū-sòaⁿ, lēng-gōa ū Le̍k-sòaⁿ iân-sin chì Chiang-hòa, Tōa-kheⁿ, í-ki̍p Nâ-sòaⁿ tē-jī kai-tōaⁿ téng kè-ōe. Tâi-tiong-chhī jîn-kháu cheng-ka khoài-sok, hō͘ Tâi-tiong Chiang-hòa to͘-hōe-khu ê jîn-kháu chóng-sò͘ í-keng chiâⁿ-chò Tâi-oân tē-jī tōa ê to͘-hōe-khu, tāi-chiòng ūn-su ê su-iàu-sèng kap pek-chhiat-sèng ji̍t-ek cheng-ka, chia̍t-ūn hē-thóng tng-teh heng-kiàn kap kui-ōe tiong.