Tân Ūn-bûn (iá-kiû)
 | 這篇文章有漢字的版本。 參考這篇文章的漢字的版本。 |
| Tân Ūn-bûn 陳韻文 | |||
|---|---|---|---|
 | |||
| Thóng-it 7-ELEVEn Sai – No. 12 | |||
Tâu-chhiú | |||
| |||
| Chho͘-chhù chhut-sài | |||
2015 nî 9 goe̍h 12, tī Thóng-it 7-ELEVEn Sai | |||
| Seng-gâi sò͘-kì thóng-kè (chì 2025 nî ûi-chí) | |||
| Sèng-tâu — pāi-tâu | 31—28 | ||
| Tiong-kè — kiù-oān | 40—175 | ||
| Sa̋n-sín—sì-bái | 494—211 | ||
| Hông-gū-lu̍t | 3.45 | ||
| Tūi-ngó͘ | |||
| |||
| Seng-gâi cheng-chhái piáu-hiān kah ti̍t-chióng | |||
| |||
Tân Ūn-bûn (1995 nî 11 goe̍h 28 chhut-sì ) sī Tâi-oân Pîn-tong-koān chhut-sin ê chit-gia̍p iá-kiû tâu-chhiú, bo̍k-chiân tī Tiong-hôa Chit-pāng ê Thóng-it 7-ELEVEn Sai.
Seng-pêng
[siu-kái | kái goân-sí-bé]Tân Ūn-bûn tī ko-jī chiah-koh têng liān-si̍p tâu-kiû, chi̍t-nî lāi tio̍h kā kiû-sok thê-seng kah beh 150km/h, pit-gia̍p chìn-chêng bat hőng jīn-ûi ē khì Bí-kok phah-kiû, kin-kì i ko-tiong ê lāu-su Lîm Séng-giân kóng ê, hit-tang-chūn ū kúi-nā ki kiû-tūi khòaⁿ i tâu-kiû, lāi-té koh ū kiû-thàm pō͘-tióⁿ[1], tān-sī lo̍h-bóe Tân Ūn-bûn soán-te̍k pò-miâ hit-nî ê kùi-tiong soán-siù-hōe, lí-iû sī "chū-sè-hàn tio̍h kah-ì khòaⁿ Tiong-hôa Chit-pāng"[2].
2014 nî Thóng-it 7-ELEVEn Sai tī soán-siù-hōe téng-koân í tē-1-lûn pó͘-soán Tân Ūn-bûn[chù 1], lo̍h-bóe ta̍t-sêng hia̍p-gī í 505-bān chhiam-iok-kim chiâⁿ-chò hit-tang-chūn ko-tiong-seng siōng koân ê, mā hőng jīn-ûi sī Tiong-hôa Chit-pāng ē-tàng kā bē-bái ê kiû-oân lâu--lo̍h-lâi ê tiōng-iàu chí-piau[3]. Kah Kang Sîn-àn, Lîm Chú-ui hőng kiò-chò "3-sió-sai"[4]。
2021 nî 8 goe̍h 31, tùi-chiàn Lo̍k-thian Thô-oân tī 9-kio̍k-hā móa-lúi ê sî, Tân Ūn-bûn chiap-thè Tēⁿ Kun-jîn chiōⁿ-tiôⁿ tâu-kiû, chòe-āu thè Thóng-it 7-ELEVEn Sai í 9:5 tit-tio̍h sèng-lī, mā tit-tio̍h seng-gâi pah-kiù-oān ê kì-lo̍k, sī Tiong-chit tē-4-lâng[5], mā tùi 2019 nî khai-sí liân-sòa 3-tang tit-tio̍h Tiong-hôa Chit-pāng kiù-oān-ông, chiâⁿ-chò thâu-chi̍t-ê tī Tiong-hôa Chit-pāng ta̍t-sêng kiù-oān-ông saⁿ-liân-pà, mā-sī tē-2-ūi liân-sòa 3-tang kiù-oān sêng-kong tī choân liân-bêng siōng chē pái ê tâu-chhiú (tē-1-ūi sī Garcia).
2023 nî 4 goe̍h 5 hō, tī Têng-chheng-ô͘ Iá-kiû-tiôⁿ tùi-chiàn Bī-choân Liông, 9-kio̍k-siōng chiōⁿ-tiôⁿ tâu-kiû, thè Thóng-it 7-ELEVEn Sai í 3:1 tit-tio̍h sèng-lī, mā-sī i seng-gâi tē-130-pái kiù-oān sêng-kong, chhiau-kòe Lîm Ga̍k-pêng tùi 2013 nî khai-sí pó-chhî beh 10-tang ê 129-pái kì-lo̍k.[6]
Keng-le̍k
[siu-kái | kái goân-sí-bé]- Pîn-tong-koān Lāi-po͘-hiong Hong-tiân Kok-sió Siàu-pāng-tūi
- Pîn-tong-koān Lāi-po͘-hiong Hù-tiân Kok-sió Siàu-pāng-tūi
- Pîn-tong-koān Lîn-lo̍k Kok-tiong Chheng-siàu-pāng-tūi
- Pîn-tong-koān Pîn-tong Ko-tiong Chheng-pāng-tūi
- Tiong-hôa Chit-pāng Thóng-it 7-ELEVEn Sai (2014 nî－)
Chit-pāng Seng-gâi Sêng-chek
[siu-kái | kái goân-sí-bé]Tiong-hôa Chit-pāng
[siu-kái | kái goân-sí-bé]- (Chho͘ o͘-jī sī hit-nî siōng-hó ia̍h siōng-koân ê sêng-chek)
- (Chho͘ âng-jī sī liân-bêng le̍k-sú lāi-té siōng-hó ia̍h siōng-koân ê sêng-chek)
| Nî-tō͘ | Kiû-tūi | Chhut-sài | Sian-hoat | Sèng-tâu | Pāi-tâu | Tiong-kè | Kiù-oān | Oân-tâu | Oân-hong | Sa̋n-sín | Sì-sí | Chek-sit | Tâu-kiû kio̍k-sò͘ | Chū-chek-hun-lu̍t | Hőng chiōⁿ-lúi-lu̍t |
|---|---|---|---|---|---|---|---|---|---|---|---|---|---|---|---|
| 2015 | Thóng-it 7-ELEVEn Sai | 10 | 2 | 0 | 1 | 0 | 0 | 0 | 0 | 17 | 10 | 16.0 | 10 | 5.63 | 1.69 |
| 2016 | 35 | 5 | 5 | 7 | 0 | 0 | 6 | 2 | 60 | 33 | 60.1 | 52 | 7.76 | 1.76 | |
| 2017 | 55 | 0 | 3 | 3 | 0 | 0 | 11 | 11 | 62 | 32 | 60.0 | 24 | 3.60 | 1.33 | |
| 2018 | 49 | 0 | 3 | 1 | 0 | 0 | 19 | 4 | 61 | 26 | 46.0 | 19 | 3.72 | 1.26 | |
| 2019 | 48 | 0 | 2 | 3 | 0 | 0 | 24 | 1 | 55 | 24 | 47.2 | 16 | 3.02 | 1.45 | |
| 2020 | 56 | 0 | 5 | 2 | 0 | 0 | 23 | 3 | 54 | 28 | 56.0 | 13 | 2.09 | 1.16 | |
| 2021 | 52 | 0 | 1 | 3 | 0 | 0 | 32 | 3 | 41 | 17 | 53.0 | 9 | 1.53 | 1.11 | |
| 2022 | 44 | 0 | 3 | 2 | 0 | 0 | 13 | 5 | 43 | 24 | 47.0 | 13 | 2.49 | 1.36 | |
| 2023 | 34 | 0 | 1 | 1 | 0 | 0 | 16 | 4 | 27 | 11 | 33.1 | 6 | 1.62 | 1.17 | |
| 2024 | 39 | 0 | 2 | 4 | 0 | 0 | 10 | 4 | 36 | 13 | 33.1 | 17 | 4.59 | 1.47 | |
| 2025 | 46 | 0 | 6 | 1 | 0 | 0 | 21 | 3 | 38 | 20 | 47.2 | 13 | 2.45 | 1.38 | |
| Ha̍p-kè | 11-tang | 468 | 7 | 31 | 28 | 0 | 0 | 175 | 40 | 494 | 238 | 500.1 | 192 | 3.45 | 1.36 |
Te̍k-sû Sū-chek
[siu-kái | kái goân-sí-bé]Chheng-pāng
[siu-kái | kái goân-sí-bé]- 2013 nî 5 goe̍h 29 tī Gio̍k-san-poe Choân-kok Chheng-pāng Kím-phiau-sài tong-tiong tùi-chiàn Sin-pak-chhī tāi-piáu-tūi "Kok-pó Ka-siong", kiù-oān 1.2-kio̍k tâu-chhut saⁿ-pái sa̋n-sín bô sit-hun, siōng-kín-ê kiû-sok sīm-chì ū 149km/h. Mā tī kâng-chi̍t-nî, í iá-chhiú ê sin-hūn tit-tio̍h Tē-it-kài O͘-pà-kî ê iû-kek-chhiú bêng-seng kiû-oân-chióng.
Chit-pāng
[siu-kái | kái goân-sí-bé]- Ji̍p-khì chit-pāng liáu-āu tio̍h in-ūi tio̍h-siong hiu-ióng ê Tân Ūn-bûn, 2015 nî 9 goe̍h 12 tī Tâi-lâm Iá-kiû-tiôⁿ tùi-chiàn Lamigo Thô-oân ê pí-sài sī i chit-pāng it-kun seng-gâi thâu-chi̍t-pái teng-pán, bīn-tùi thâu-chi̍t-ê thûi-á-chhiú Lîm Tì-sèng tio̍h iōng seng-gâi 200-hong "Welcome to CPBL", tī āu-chi̍t-ê táⁿ-se̍k bīn-tùi Lîm Hông-io̍k koh kiat-tio̍h lâng, só͘-í àn-chiàu kui-tēng ài lo̍h-tiôⁿ bē-sái koh-tâu, bô kái-koat jīm-hô thûi-á-chhiú.
- 2016 nî 6 goe̍h 2 hō tī Sin-tek bīn-tùi Lamigo Thô-oân, chiap-thè tio̍h-siong ê sian-hoat tâu-chhiú Jair Jurrjens|Jair]]. 5-kio̍k kan-na sit 1-hun tit-tio̍h Tiong-chit it-kun seng-gâi siú-sèng[7].
Chham-khó Chu-liāu
[siu-kái | kái goân-sí-bé]- ↑ 〈CPBL〉選擇中職不旅外 陳韻文掙扎一個月 Archived 2018-11-13 at the Wayback Machine.，TSNA，20140611
- ↑ 從小迷職棒 陳韻文一心留台灣 Archived 2016-08-09 at the Wayback Machine.，Nownews，2014年8月30日
- ↑ 史上第二高／新獅陳韻文 簽約金破500萬 Archived 2018-12-15 at the Wayback Machine.，自由時報，20140828
- ↑ 「3小獅」質都很好 高建三看小老弟「給他們3年時間」 Archived 2019-11-30 at the Wayback Machine.，ETtoday運動雲，20160509
- ↑ 滿壘驚險守成 陳韻文生涯百救援達陣 Archived 2021-08-31 at the Wayback Machine.，自由時報，2021-08-31
- ↑ "成績看板". 中華職業棒球大聯盟全球資訊網. 中華職業棒球大聯盟. 2023-04-05. Goân-pún bāng-ia̍h Pó-chûn tī 2023-04-05. 2023-04-05 khòaⁿ--ê.
- ↑ 陳韻文等到生涯首勝 獻給天上的爸爸 Archived 2016-08-14 at the Wayback Machine.，蘋果日報，20160602
Chù-kha
[siu-kái | kái goân-sí-bé]- ↑ Tē-1-lûn pún-té 4-tūi lóng chí-miâ Tân Chùn-siù, loh7-bóe thiu-chhiam thiu--tio̍h Lamigo Thô-oân, Thóng-it chiah pó͘ chí-miâ Tân Ūn-bûn.
Gōa-pō͘ Liân-kiat
[siu-kái | kái goân-sí-bé]Tâi-oân Pāng-kiû Wiki-koán：陳韻文(Hôa-gí)
| chêng-jīm: Tân Ú-hun |
Tiong-hôa Chit-pāng kiù-oān-ông 2019 nî–2021 nî |
kè-jīm: Hô-Kìng |
| 3-sió-sai |
| Kang Sîng-gān - Lîm Chú-ui - Tân Ūn-bûn |
| ||||||||||||
| ||||||||||||||||||||||||||||||||
| ||||||||||||||||||||||||||||||||