Tân Kia̍t-hiàn

Tân Kia̍t-hiàn
Tit-kàu ê chióng
Tāi-piáu Tiong-hôa Tâi-pak
Lâm-chú iá-kiû
Sè-kài Iá-kiû 12-kiông Sài
21U Sè-kài-poe Iá-kiû-sài

Tân Kia̍t-hiàn
陳傑憲
Tân Kia̍t-hiàn; 陳傑憲
Thóng-it 7-ELEVEn Sai – No. 24
	iû-kek-chhiú, gōa-iá-chhiú
	Chhut-sì: 1994 nî 1 goe̍h 7 ji̍t (32 hòe); Tiong-hôa Bîn-kok Ko-hiông-chhī
Táⁿ-kek: tó	Tâu-kiû: chiàⁿ
Chho͘-chhù chhut-sài
	2016-nî 7-goe̍h 29, tī Thóng-it 7-ELEVEn Sai
Seng-gâi sò͘-kì thóng-kè ; (chì 2025 nî ûi-chí)
Táⁿ-kek-lu̍t	0.337
An-táⁿ	1177
Choân-lûi-táⁿ	37
Táⁿ-tiám	422
Thau-luí	126
Tūi-ngó͘
	Thóng-it 7-ELEVEn Sai (2016-nî 7-goe̍h 11－);
Seng-gâi cheng-chhái piáu-hiān kah ti̍t-chióng
	Tiong-hôa Chit-pāng nî-tō͘ chóng-koan-kun: 2020; Tiong-hôa Chit-pāng Táⁿ-kek-ông: 2020; Tiong-hôa Chit-pāng An-táⁿ-ông: 2018, 2020; Tiong-hôa Chit-pāng Chòe-ka 10-jîn Chióng Iû-kek-chhiú: 2017, 2018; Gōa-iá-chhiú: 2020－2024; ; Tiong-hôa Chit-pāng Kim-chhiú-thò Chióng gōa-iá-chhiú: 2022－2025; Tiong-hôa Chit-pāng tan-goe̍h MVP：2017/07, 2020/08, 2024/07; Tiong-hôa Chit-pāng Bêng-chheⁿ-sài: 2017, 2018, 2022－2025; Sè-kài Iá-kiû 12-kiông Sài koan-kun, Táⁿ-kek-ông, Chòe-ka siú-pī kiû-oân, MVP: 2024;

Tân Kia̍t-hiàn (1994-nî 1-goe̍h 7-hō chhut-sì ) sī Tâi-oân Ko-hiông-chhī chhut-sin ê chit-gia̍p iá-kiû soán-chhiú, chú-iàu siú-pī ūi-tì sī gōa-iá-chhiú, mā ē-sái tam-jīm lāi-iá-chhiú. Chit-má tī Tiong-hôa Chit-pāng Thóng-it 7-ELEVEn Sai hāu-le̍k. In-ūi khòaⁿ--khí-lâi chok-sêng ián-oân Ngô͘ Kî-liông, só͘-í koh hőng kiò-chò "Sì-iâ".

2025-nî 3-goe̍h 21, Thóng-it 7-ELEVEn Sai soan-pò͘ kah Tân Kia̍t-hiàn chhiam--leoh 10-nî sûn-kiû-oân ê pó-chiòng ha̍p-iok, chóng kè-ta̍t 2-ek Sin-tâi-phiò, pau-koat pó-chiàng sin-chu 1.68-ek, lēng-gōa koh ū 3200-bān ê kek-lē chióng-kim. Kî-tiong ha̍p-iok chóng kè-ta̍t 2-ek, chhiau-kòe Kang Khun-ú ha̍p-iok ê 1.4-ek kho͘, phah-phòa Tiong-chit kì-lo̍k, chiâⁿ-chò sú-siōng thâu-chi̍t-ūi "2-ek-lâm (2億男)", pó-chiong sin-chu 1.68-ek, kāng-khoán sī Tiong-chit ê sin kì-lo̍k^[1].

Seng-pêng

Ko-tiong ê sî khì Ji̍t-pún tha̍k Okayama Kiōng-seng Ko-hāu, kah chêng Tiong-sìn Hiaⁿ-tī chóng-kàu-liān Ngô͘ Ho̍k-liân in kiáⁿ, Tâi-kǹg Hiông-eng iá-chhiú Ngô͘ Liām-têng sī sam-iû ê tàu-thâu^[2]. Pit-gia̍p liáu-āu bat chham-ka Ji̍t-pún Chit-pāng soán-siù, tān-sī lo̍h-bóe bô hőng kéng-tio̍h^[3]. Āu-lâi i tńg-lâi Tâi-oân ka-ji̍p gia̍p-û ê Tâi-oân Tiān-le̍k Iá-kiû-tūi phah-kiû, mā bat hőng kéng--ji̍p-khì 2014-nî 21U Sè-kài-poe Iá-kiû-sài kok-ka-tūi, hit-tang-chūn tio̍h ū Tiong-chit tūi-ngó͘ khì mn̄g i kám beh chham-ka lâi-nî ê soán-siù-hōe, tān-sī i soán-te̍k kè-sio̍k lâu tī Tâi-tiān, it-ti̍t kàu 2016-nî chiah koat-tēng beh chham-ka Tiong-hôa Chit-pāng soán-siù.

2016-nî 6-goe̍h, tī kùi-tiong soán-siù-hōe hō͘ Thóng-it 7-ELEVEn Sai-tūi í tē-2-lûn tē-5-ūi kéng-tio̍h, kah kâng-nî tē-1-lûn hőng kéng-tio̍h ê tūi-iú So͘ Tì-kia̍t lóng hőng jīn-ûi sī gōa-piáu seⁿ kah bē-bái ê kiû-oân^[4]. Kâng-nî 7-goe̍h 11, í chhiam-iok-kim 440-bān kho͘, kek-lē chióng-kim 100-bān kho͘ ka-bêng Thóng-it 7-ELEVEn Sai-tūi. Chū-chiông Thóng-it goân-pún ê iû-kek-chhiú Tân Iông-ki choán-jīm sam-lúi-chhiú liáu-āu, Thóng-it Sai tio̍h bat chhì-kòe iōng kúi-nā ê lâng lâi chiap-thè siú iû-kek, tān-sī hāu-kó lóng bô-siáⁿ hó. Tân Kia̍t-hiàn ê ka-ji̍p, hőng jīn-ûi sī Sai-tūi bī-lâi kúi-nā nî ê iû-kek-chhiú, m̄-koh it-poaⁿ jīn-ûi i sī kong-kek pí hông-siú koh-khah hó ê soán-chhiú, só͘-í i mā ū siú-pī bô-kàu ún-tēng ê būn-tê.

2018-nî 9-goe̍h, in-ūi hit-nî tī iû-kek ê siú-pī chōng-hóng khah bái, Thóng-it tio̍h koat-tēng tī chhun-ê pí-sài tang-tiong kā Tân Kia̍t-hiàn sóa-khì gōa-iá lâi kiám-khin i tī siú-pī siōng ê ap-le̍k.

2019-nî in-ūi kū-nî ê siú-pī būn-tê, siú-pī ūi-tì kái-chò jī-lúi-chhiú. 4-goe̍h 20 tī Thian-bú Iá-kiû-tiôⁿ bīn-tùi Tiong-sìn Hiaⁿ-tī ê pí-sài tong-tiong hō͘ tùi-hong ê sian-hoat tâu-chhiú Iôⁿ Chì-liông kiat-tio̍h chiàⁿ-chhiú chhiú-ba̍k, siōng-pòaⁿ kiû-kùi chhun-ê sài-sū bô-hoat-tō͘ phah^[5]^[6]. 8-goe̍h 30 hőng sóa-chhut kiû-tūi 60-lâng miâ-toaⁿ, hit1-kùi khak-tēng pò-siau.

2020-nî khai-kùi ê sî sī iû-kek-chhiú, tān-sī 11-tiôⁿ chhut-sài tio̍h chhut-hiān 7-pái sit-gō͘ chō-sêng sìn-sim ê būn-tê, mā éng-hióng tio̍h táⁿ-kek ê piáu-hiān^[7]。Chū 5-goe̍h 10-hō khai-sí kái-siú gōa-iá, kiat-kó kah So͘ Tì-kia̍t, Lîm An-khó cho͘-sêng "gōa-iá 3 sòe", chiâⁿ-chò Sai-tūi chiàn-chek hó--khí-lâi, sīm-chì sī thang chham-ka kùi-āu-sài ê chi̍t tōa koan-kiān^[8].

Keng-le̍k

Ko-hiông-chhī Lêng-ngá-khu Tiong-chèng Kok-sió Siàu-pāng-tūi
Ko-hiông-chhī Tāi-jîn Kok-tiong Chheⁿ-siàu-pāng-tūi
Ko-hiông-chhī Sam-bîn Ko-tiong Chheng-pāng-tūi
Ji̍t-pún Okayama-koān Kiōng-seng Ko-téng Ha̍k-hāu
Tâi-oân Tiān-le̍k Iá-kiû-tūi (2013-nî－2016-nî)
Tiong-hôa Chit-pāng Thóng-it 7-ELEVEn Sai-tūi (2016-nî 7-goe̍h 11－)

Te̍k-sû Sū-chek

2016-nî 8-goe̍h 3-hō tī Tâi-lâm Iá-kiû-tiôⁿ bīn-tùi Tiong-sìn Hiaⁿ-tī Tēⁿ Khái-bûn, phah chhut chi̍t-ki jī-lúi an-táⁿ, sī i seng-gâi thâu-1-ki an-táⁿ, mā tit-tio̍h seng-gâi thâu-1-ê táⁿ-tiám; 8-goe̍h 7-hō kāng-khoán tī Tâi-lâm kiû-tiôⁿ, bīn-tùi Lamigo Thô-oân Roman, kòng-chhut seng-gâi thâu-1-ki hőng-bú-láng, ū 3-hun ê táⁿ-tiám.
2017-nî 3-goe̍h 1-hō tī Fukuoka Kī-tàn kí-hêng ê Tiong-chit Ji̍t-chit Tùi-khòng-sài tē-2-chiàn sian-hoat chiōⁿ-tiôⁿ, phah-chhut 3-ki an-táⁿ, pēng-chhiáⁿ phah--tńg-lâi Tiong-hôa Chit-pāng Liân-tūi ê ûi-it 1-hun táⁿ-tiám.
2018-nî 8-goe̍h 4-hō tī Tâi-lâm Iá-kiû-tiôⁿ, 9-kio̍k-hā bīn-tùi Lamigo Thô-oân Ngô͘ Sêng-tiat, phah-chhut seng-gâi thâu-1-ki chài-kiàn an-táⁿ.
2019-nî 4-goe̍h 9-hō tī Thô-hn̂g Kok-chè Iá-kiû-tiôⁿ, 9-kio̍k-siōng bīn-tùi Lamigo Thô-oân Tân Ú-hun, phah-chhut seng-gâi thâu-1-ki móa-lúi hőng-bú-láng.
2020-nî 7-goe̍h 31, tī Sai-Oân-chiàn tang-tiong, phah-chhut i chit-pāng seng-gâi ê tē-500-ki an-táⁿ.
2020-nî 9-goe̍h 29, tī Tâi-lâm Iá-kiû-tiôⁿ bīn-tùi Tiong-sìn Hiaⁿ-tī ê pí-sài tang-tiong, tī 3-kio̍k-hā phah-chhut seng-gâi tē-200-hun táⁿ-tiám.
2020-nî 10-goe̍h 31, tī Chiu-chè Iá-kiû-tiôⁿ tùi-chiàn Tiong-sìn Hiaⁿ-tī ê Tâi-oân Tōa-sài thâu-1-chiàn, 6-kio̍k-siōng bīn-tùi Rogers tī 1-ê táⁿ-se̍k lāi-té tio̍h tîⁿ liáu 14-kiû, chhòng-chō Tiong-chit chóng-koan-kun-sài ê kì-lo̍k. (Lo̍h-bóe kéng-tio̍h sì-pháiⁿ-kiû pó-sàng)^[9]
2020-nî 11-goe̍h 8-hō, tī Chiu-chè Iá-kiû-tiôⁿ tùi-chiàn Tiong-sìn Hiaⁿ-tī ê Tâi-oân Tōa-sài tē-7-chiàn, 7-kio̍k-siōng bīn-tùi N̂g Un-sù kòng-chhut i tī chóng-koan-kun-sài ê tē-1-ki hőng-bú-láng.
2024-nî 5-goe̍h 25, tī Tâi-lâm Iá-kiû-tiôⁿ tùi-chiàn Tiong-sìn Hiaⁿ-tī Mengden, 1-kio̍k-hā phah-chhut kò-jîn chit-pāng seng-gâi tē-1000-ki an-táⁿ, sī Tiong-chit sú-siōng tē-2-kín ta̍t-sêng chhian-an ê thûi-á-chhiú.
2024-nî 11-goe̍h 24, Sè-kài Iá-kiû 12-kiông Sài Koan-kun-chiàn, tī Tang-kiaⁿ Kī-tàn tùi-chiàn Ji̍t-pún, 5-kio̍k-siōng kòng-chhut chi̍t-ki 3-hun ê hőng-bú-láng, lo̍h-bóe Tâi-oân í 4:0 the̍h-tio̍h tūi-sú thâu-1-ê Sè-kài 3 Tōa-sài ê kim-pâi, Tân Kia̍t-hiàn mā í 12-kiông sú-siōng siōng koân ê 0.625 táⁿ-kek-lu̍t tit-tio̍h táⁿ-kek-ông, chòe-ka siú-pī kiû-oân, chòe-ka tiong-gōa-iá-chhiú kah MVP.

Kî-thaⁿ

2016-nî 7-goe̍h 13, Tân Kia̍t-hiàn kah Ngô͘ Kî-liông tī N̂g Chú-káu ê bāng-lō͘ chiat-bo̍k téng-koân sio-kìⁿ^[10].

Chit-pāng Seng-gâi Sêng-chek

(Chho͘-o͘-jī sī hit1-nî siōng-hó ê sêng-chek)

Nî-tō͘	Kiû-tūi	Chhut-sài	Táⁿ-sò͘	An-táⁿ	Hőng-bú-láng	Táⁿ-tiám	Tit-hun	Thau-luí	Sì-sí	Sa̋n-sín	Lúi-táⁿ-sò͘	Siong-sat	Táⁿ-kek-lu̍t	Chiōⁿ-lúi-lu̍t	Tn̂g-táⁿ-lu̍t	OPS
2016	Thóng-it 7-ELEVEn Sai	37	116	40	2	14	18	5	12	11	53	0	0.345	0.403	0.457	0.860
2017		114	437	169	3	48	113	17	69	36	222	6	0.387	0.466	0.508	0.974
2018		112	463	165	8	60	102	16	59	43	229	8	0.356	0.428	0.495	0.923
2019		20	78	29	2	15	17	5	9	5	38	2	0.372	0.432	0.487	0.919
2020		115	484	174	3	67	99	21	56	42	223	5	0.360	0.420	0.461	0.881
2021		104	394	128	3	36	69	22	49	40	162	5	0.325	0.399	0.411	0.810
2022		108	408	126	6	42	64	17	50	37	172	8	0.309	0.380	0.422	0.802
2023		109	403	127	4	49	70	10	69	43	160	10	0.315	0.413	0.397	0.810
2024		112	401	134	2	55	71	7	63	50	167	15	0.334	0.421	0.416	0.810
2025		104	307	85	4	36	51	6	39	23	120	5	0.277	0.357	0.391	0.748
Ha̍p-kè	10-tang	935	3491	1177	37	422	674	126	475	330	1546	64	0.337	0.413	0.443	0.856

Chham-khó Chu-liāu

↑ 陳立勳 (2025-03-21). "史上首位2億男！　統一獅10年大約綁定陳傑憲" (ēng Hôa-gí). ETtoday運動雲. 2025-03-21 khòaⁿ--ê.
↑ 高中曾與陳傑憲搭檔三游　吳念庭日職首年靠特守熬出頭 Archived 2016-07-15 at the Wayback Machine.，ETtoday運動雲，20160710
↑ 臨危受命守游擊　陳傑憲心向職棒 Archived 2017-07-31 at the Wayback Machine.，蘋果日報，20141113
↑ 中職》「傑尼獅」顏值態度俱佳蘇泰安愈看愈喜歡 Archived 2016-08-18 at the Wayback Machine.，自由時報，20160711
↑ 陳傑憲遭楊志龍觸身球　送醫診斷為右手掌骨折 Archived 2021-04-13 at the Wayback Machine.，三立新聞網，20190420
↑ 中職／陳傑憲手又傷！獅隊下半季難為 Archived 2019-06-26 at the Wayback Machine.，聯合報，20190626
↑ 賴冠文. "中職／陳傑憲游擊屢屢失誤重挫信心　餅總：看了很椎心". ETtoday運動雲. goân-loē-iông tī 2021-01-22 hőng khó͘-pih. 2020-05-03 khòaⁿ--ê.
↑ 蕭保祥. "猛獅新生代外野三鬼成型　蘇智傑終於看到橘色彩帶". 三立新聞台. goân-loē-iông tī 2020-12-05 hőng khó͘-pih. 2020-10-24 khòaⁿ--ê.
↑ 纏鬥14球陳傑憲扮磨王 Archived 2020-11-08 at the Wayback Machine.，聯合新聞網，2020-11-01
↑ 吳奇隆會陳傑憲　根本就是兩個四爺 Archived 2016-07-13 at the Wayback Machine.，蘋果日報，20160713

Gōa-pō͘ Liân-kiat

Tân Kia̍t-hiàn tī Instagram
Tân Kia̍t-hiàn ê Facebook choan-ia̍h

Tâi-oân Pāng-kiû Wiki-koán：陳傑憲(Hàn-gí)

Thóng-it gōa-iá 3-kúi 1.0

Tân Kia̍t-hiàn - So͘ Tì-kia̍t - Lîm An-khó

Chióng-hāng
chêng-jīm: Chiu Su-chê	Tâi-pak-chhī Chit-gia̍p Iá-kiû-oân Kang-hōe Lí-sū-tióⁿ 2022-nî 1-goe̍h－2025-nî 5-goe̍h	kè-jīm: Giljegiljaw Kungkuan
chêng-jīm: Ông Pek-iông Chu Io̍k-hiân	Tiong-hôa Chit-pāng An-táⁿ-ông 2018-nî 2020-nî	kè-jīm: Chu Io̍k-hiân Ông Ui-sîn
chêng-jīm: Lîm Sêng-hui	Tiong-hôa Chit-pāng Chòe-ka 10-jîn Chióng (iû-kek-chhiú) 2017－2018-nî	kè-jīm: Lîm Sêng-hui
chêng-jīm: Lîm Li̍p	Tiong-hôa Chit-pāng Táⁿ-kek-ông 2020-nî	kè-jīm: Tân Chùn-siù
chêng-jīm: Chiam Chú-hiân, So͘ Tì-kia̍t, Nâ În-lûn	Tiong-hôa Chit-pāng Chòe-ka 10-jîn Chióng (gōa-iá-chhiú) 2020－2024-nî	kè-jīm: Sòng Sēng-jōe, Lîm Ka-hūi, Tân Sîn-ui
chêng-jīm: Koeh Thian-sìn, Khu Tan, Chiam Chú-hiân	Tiong-hôa Chit-pāng Kim-chhiú-thò Chióng (gōa-iá-chhiú) 2022－2025-nî	kè-jīm: Hiān-jīm

[1] 陳立勳 (2025-03-21). "史上首位2億男！　統一獅10年大約綁定陳傑憲" (ēng Hôa-gí). ETtoday運動雲. 2025-03-21 khòaⁿ--ê.

[2] 高中曾與陳傑憲搭檔三游　吳念庭日職首年靠特守熬出頭 Archived 2016-07-15 at the Wayback Machine.，ETtoday運動雲，20160710

[3] 臨危受命守游擊　陳傑憲心向職棒 Archived 2017-07-31 at the Wayback Machine.，蘋果日報，20141113

[4] 中職》「傑尼獅」顏值態度俱佳蘇泰安愈看愈喜歡 Archived 2016-08-18 at the Wayback Machine.，自由時報，20160711

[5] 陳傑憲遭楊志龍觸身球　送醫診斷為右手掌骨折 Archived 2021-04-13 at the Wayback Machine.，三立新聞網，20190420

[6] 中職／陳傑憲手又傷！獅隊下半季難為 Archived 2019-06-26 at the Wayback Machine.，聯合報，20190626

[7] 賴冠文. "中職／陳傑憲游擊屢屢失誤重挫信心　餅總：看了很椎心". ETtoday運動雲. goân-loē-iông tī 2021-01-22 hőng khó͘-pih. 2020-05-03 khòaⁿ--ê.

[8] 蕭保祥. "猛獅新生代外野三鬼成型　蘇智傑終於看到橘色彩帶". 三立新聞台. goân-loē-iông tī 2020-12-05 hőng khó͘-pih. 2020-10-24 khòaⁿ--ê.

[9] 纏鬥14球陳傑憲扮磨王 Archived 2020-11-08 at the Wayback Machine.，聯合新聞網，2020-11-01

[10] 吳奇隆會陳傑憲　根本就是兩個四爺 Archived 2016-07-13 at the Wayback Machine.，蘋果日報，20160713

[1]

[2]

[3]

[4]

[5]

[6]

[7]

[8]

[9]

[10]