Té pò

**Té pò**
Type	Tsìng-hú thuân-ta̍t kong-sī
Format	Tuā-pò [en]
Owner(s)	Tsìng-hú tshut-pán
Founded	Se-hàn - Tshing-tiâu Iong-tsìng
Language	Hàn-gú
Headquarters	Tiong-kok
Country	Tiong-kok

Té pò (hàn-gú: 邸报; ing-gú: Dibao (ancient Chinese gazette)); koh kiò-tsò Té Tshau (邸抄), Tiâu pò (朝報), Tiâu pó (條報), Tsa̍p pó (雜報)) sī iōng teh Tiong-kok kok tiâu-tāi tiâu-tîng thong-pó ê tsi̍t-tsióng kong-kò-sìng ê sin-bûn pò-tsuá, tsuan-bûn iōng teh tiâu-tîng thuân-ti kong-sī ê bûn-su hām tsìng-tī tsìng-iàu ê sin-bûn bûn-tshau, siōng-tsá tshut-hiān teh Tiong-kok ê hân-tài. Té pò ê tsok-iōng siong-tong kin-á-ji̍t ê tsù-tsāi Pak-kiann ê sin-bûn ki-kòo, sī teh Tiong-iong tsìng-hú tiong-tshu pōo-mn̂g thóng-it kuán-lí tsi-hā huat-hîng. Té pò ê tiōng-tiám teh thuân-ta̍t tiâu-tsìng siau-sit, nā-sī thian-tsú ê tsiàu-thik (詔敕), sîn-liâu tsàu-gī (臣僚奏議) í-kip iú-kuan kuann-uân jīm-bián tiàu-tshian tíng-tíng, lóng-sī té-lī (邸吏) in sóo su-iàu siu-tsi̍p tshau-lio̍k ê luē-iông.^[1]

İû-î Té pò siōng-tāi-sian sī-iû tiâu-tîng lāi-pōo thuân-tshau, liáu-āu tō tah--ê kiong-mn̂g, hōo ta̍k-ke thuân-tshau, "ia̍h hōo-siong thuân-pò, án-ne hông tsai-iánn tiâu-tsìng."^[2], sóo-í koh kiò-tsò "kiong-mn̂g tshau" (宮門抄), "uân-mn̂g tshau" (轅門抄), si̍t-tsè siōng tio̍h-sī siōng-tsá ê tsi̍t-tsióng sin-bûn huat-pòo ê hong-sik.