Tāi-ke-lo̍k

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Tāi-ke-lo̍k (大家樂) sī 1980 nî-tāi tī Tâi-oân chin sî-kiâⁿ ê chi̍t-khoán hui-hoat ê poa̍h-kiáu hong-sek.

Tāi-ke-lo̍k tī Tâi-oân siōng-sî-kiâⁿ ê sî-chūn, sī tī 1980 nî-tāi tiong-kî. Tong-sî bô-lūn siáⁿ-mih chit-gia̍p ê lâng, sīm-chì seng-lí-lâng, chèng-tī jîn-bu̍t ia̍h-sī kong-bū jîn-oân lóng tâu-ji̍p chhiam-kiáu. In-ūi tong-sî Tâi-oân ê keng-chè phông-pu̍t hoat-tián, bîn-kan chu-kim im kha-ba̍k, koh ka-siōng chèng-sek tâu-chu kó͘-phiò, chèng-koàn, kî-hòe kap ki-kim ê koán-tō iáu-bōe khai-hòng kap phó͘-phiàn, it-poaⁿ bîn-chiòng ūi-tio̍h beh kiû hoat-châi, tiō tōa-la̍t tâu-ji̍p kok-chióng tē-hā keng-chè.