Tōa-cho͘

Wikipedia (chū-iû ê pek-kho-choân-su) beh kā lí kóng...

Tōa-cho͘ (大租) sī tōa-cho͘-hō͘ hiòng sió-cho͘-ho͘ siu ê cho͘. Che sī Chheng-kok thóng-tī Tâi-oân ê sî liû-hêng ê thó͘-tē khui-khún koan-hē chi̍t khoán. Tōa-cho͘-hō͘ hiòng koaⁿ-hú chhéng lâi thó͘-tē liáu-āu, koh kā thó͘-tē sòe hō͘ sió-cho͘-hō͘, chia sió-cho͘-hō͘ chài chiong chhan-hn̂g kau hō͘ tiān-hō͘ chò-sit. Nā sió-cho͘-hō͘ hiòng tiān-hō͘ siu ê cho͘ tio̍h kiò sió-cho͘ (小租)

Sui-jiân tōa-cho͘-hō͘ tē-ûi khah koân, m̄ koh tiāⁿ-tiāⁿ lî chhân-hn̂g chin hn̂g, si̍t-chè ê chāi-tē sè-le̍k āu-bóe sī sió-cho͘-hō͘ só͘ khòng-chè.

Ji̍t-pún thóng-tī Tâi-oân liáu-āu, keng-kòe thó͘-tē tiāu-cha, chiong tōa-cho͘-khoân siu-bé, hùi-tû pún chè-tō͘.