Tōa-pā-bián

Tōa-pā-bián (大罷免) a̍h-sī Tāi-pā-bián sī tī 2024 kàu 2025 nî--ê Tâi-oân, chú-iàu sī iû hoán-tùi Tiong-kok Kok-bîn-tóng--ê siā-hōe jîn-sū kap chèng-tóng chham-ú pā-bián tī 2024 nî tòng-soán--ê tē 11 kài Kok-bîn-tóng khu-he̍k li̍p-úi kap Sin-tek-chhī chhī-tiúⁿ (Ko Hông-an (高虹安), bat sio̍k tī Tâi-oân Bîn-chiòng Tóng, āu-lâi thé-tóng)--ê oa̍h-tāng. Lo̍h-bóe, 31 miâ Kok-bîn-tóng li̍p-úi, 1 miâ chhī-tiúⁿ kap 1 miâ Bîn-chú Chìn-pō͘-tóng gī-oân ê Pā-bián-àn thong-kòe, kî-tiong 24 miâ li̍p-úi kap Sin-tek chhī-tiúⁿ--ê pā-bián-àn tī 2025 nî 7 goe̍h 26 ji̍t tâu-phiò, kî-thaⁿ--ê 7 miâ li̍p-úi tī 8 goe̍h 23 ji̍t kí-hêng pā-bián tâu-phiò, in-ūi bô-tông-ì phiò pí tông-ì phiò khah chē, lóng siū hió-koat (否決); 7 goe̍h 13 Lâm-tâu-koān gī-goân Tân Gio̍k-lêng (陳玉鈴)--ê pā-bián-àn mā in-ūi tông-ì-phiò phiò-sò͘ bô kòe hō͘-tēng mā siū hió-koat.