Tōng-oân Kham-loān Sî-kî Lîm-sî Tiâu-khoán

Tōng-oân Kham-loān Sî-kî Lîm-sî Tiâu-khoán sī Tiong-hoâ Bîn-kok Hiàn-hoat chân-keng chûn-chāi ê hù-sio̍k tiâu-khoán, iû Kok-bîn Tāi-hōe chè-tēng, pēng-chhiáⁿ tī tōng-oân kham-loān sî-kî pí Tiong-hoâ Bîn-kok Hiàn-hoat tāi-seng sek-iōng. Chū 1948 nî 5 goe̍h 10 hō kong-pò͘ si̍t-si khai-sí, it-ti̍t-kàu 1991 nî keng-iû Kok-bîn Tāi-hōe koat-gī kap sî-jīm chóng-thóng Lí Teng-hui kong-kò͘ liáu-āu chiah tī kāng-nî ê 5 goe̍h 1 hō hòe-chí, lóng-chóng si-hêng 43 tang.

Pōe-kéng

1947 nî, Kok-bîn Chèng-hú pan-pò͘ Tiong-hoâ Bîn-kok Hiàn-hoat. Tān-sī tī Tiong-kok khòng Ji̍t chiàn-cheng kiat-sok sî, 中Tiong-kok Kiōng-sán-tóng kun-tūi sè-le̍k ta̍uh-ta̍uh khok-tāi. 7 goe̍h, Kok-bîn Chèng-hú Kok-bu6 Hōe-gī thong-kòe si̍t-si choân-kok chóng-tōng-oân àn, Chiúⁿ Kài-chio̍h chheng-chū chú-chhî, pēng tì-sû soat-bêng ūi-tio̍h kái-kiù Tiong-kiōng khòng-chè-khu jîn-bîn, pó-chiòng bîn-cho̍k seng-chûn, kióng-kò͘ kok-ka thóng-it, kham-pêng Tiong-kok Kiōng-sán-tóng, jû-kî si̍tsi hiàn-chèng, pit-su si̍t-si choân-kok chóng-tōng-oân, iû Kok-bîn Chèng-hú pan-lēng si-hêng. Kok-bū Hōe-gī thong-kòe Tōng-oân Kham-loān Oân-sêng Hiàn-chèng Si̍t-si Kong-iàu. 7 goe̍h 4 hō, Chiúⁿ Kài-chio̍h tī Kok-bîn Chèng-hú Tē-la̍k-chhù Kok-bū Hōe-gī thê-kau "lē-hêng choân-kok chóng-tōng-oân, í kham kiōng-húi poàn-loān" ê tōng-oân-lēng, pēng tī keh-tńg-kang kong-pò͘, chiông-chhú Tiong-kok chìn-ji̍p "Tōng-oân Kham-loān" sî-kî.

参考文献

1. 全國法規資料庫
2. 動員戡亂時期臨時條款半世紀的變遷動力 (曾建元 200209) http://asiademo.org/b5/2002/09/20020912b.htm Archived 2010-07-11 at the Wayback Machine.
3. 國民大會 官方網站 http://www.na.gov.tw Archived 2020-05-09 at the Wayback Machine.