Lân-sū

Lân-sū (Tao-gí: Ponso no Tao, Hôa-gí: 蘭嶼, Eng-gí: Orchid Island), tī Tâi-oân tang-lâm-kak ê sió-tó. Mā sī hêng-chèng tan-ūi Lân-sū-hiong ê miâ.

Ivatan kûn-tó (Batan), Bashi Hái-kiap

Jîn-kháu: 4,000 chó-iū.

Miâ-chheng

Puyuma-cho̍k kiò chit ê tó hō·-chò Botol. Pangcah-cho̍k kiò i Buturu. Ji̍t-pún-lâng 1607 nî ê tē-tô· kiò i hō·-chò Tabako Sima (?島). Se-pan-gâ-lâng 1626 nî ê tē-tô· mā ū hián-sī chit ê tó. Hoat-kok-lâng 1654 nî ê tē-tô· hóng Ji̍t-gí im, chù Tabaco Xima. Kē-tē-kok Ioannes van Keulen ê kong-si tī 1680 nî chhut-pán ê tē-tô· mā chheng-ho· Lân-sū chò Tabaco Xima. Jean-Francois de Galaup (La Pérouse ê comte) tī 1780 nî-tāi ê hâng-hái-kì iōng Botel Tabaco-xima chit sû. Chheng-tiâu 1878 nî ê Tâi-oân tē-tô· thâu-1-pái hián-sī Lân-sū. Tiong-kok hō miâ chò Âng-thâu-sū (紅頭嶼); Ji̍t-pún-lâng thóng-tī Tâi-oân ê sî, kā chioh lâi iōng, tha̍k Kôtôsho. Âng-thâu-sū mā ū lâng kóng sī Âng-tāu-sū (紅豆嶼). Āu--lâi Se-hng khah chia̍p iōng Botel Tobago chit ê miâ.

In-ūi chhut-sán 1 khoán lân-hoe (ô·-tia̍p-lân) chhut-miâ, Tiong-hôa Bîn-kok chèng-hú tī 1947 nî kā kái miâ chò Lân-sū (蘭嶼). Eng-bûn hoan-e̍k Orchid Island.

Chāi-tē thoân-thóng ê miâ ū 2 chióng: Ponso no Tao (mā ū siá chò Pongso no tawo) kah Irala. Ponso no Tao ì-sù kóng, "Lâng ê tó". Irala khah chia̍p chhut-hiān tī bîn-kan thoân-soat, ì-sù sī "lio̍k-tē".

Tē-lí

tē-tô·

Le̍k-sú

Chāi-tē thoân-soat. Hām Ivatan ê koan-hē.

• He̍k-lêng hùi-liāu

Hêng-chèng

Lân-sū hêng-chèng-siōng sio̍k-î Tâi-tang-koān ê 1 ê hiong, ē-kha siat 4 ê chhoan.

• Tang-chheng-chhoan (東清, Iranmilek)
• Âng-thâu-chhoan (紅頭, Imorod)
• Lóng-tó-chhoan (朗島, Iraralay)
• Iâ-iû-chhoan (椰油, Ya Yo)

Siā-hōe

Pō·-lo̍k

Tao-cho̍k-lâng kap in ê chûn-á (1931 nî chìn-chêng hip ê siòng)

Hiān-tāi ê Lân-sū ū 6 ê pō·-lo̍k:

• Iratay (漁人)
• Imorod (紅頭)
• Iraralay (朗島)
• Iranmilek (東清)
• Ya Yo (椰油, mā hō·-chò Imatoron)
• Valino (野銀)

Bûn-hòa

Lân-sū ê Tao-cho̍k bûn-hòa ē-sái kóng sī Bashi bûn-hòa siāng pak-pêng ê tāi-piáu.

In-ūi Lân-sū ê chū-jiân chu-goân iú-hān, Ji̍t-pún Tè-kok kè-oē Lân-sū pó-chûn--khí-lâi chò jîn-lūi-ha̍k ê gián-kiù hn̂g-tē. Koh in-ūi tē-lí ūi-tī khah phian-phiah, Lân-sū ê Tao-cho̍k ê bûn-hòa pí-kàu-te̍k khah thoân-thóng.

Chiàn-āu ū chin chē Ki-tok-kàu cho·-chit phài thoân-kàu-sū lâi tī Lân-sū, tùi Tao-lâng ê siā-hōe ū chin tōa ê éng-hióng.

Gōa-pō· liân-kiat

• http://www.sinica.edu.tw/~dlproj/
• http://lanyu.taitung.gov.tw/
• Dezso Benedek ê gián-kiù pò-kò (Eng-bûn)