Chéng (hun-lūi-ha̍k)

"Chéng" ê kî-tha ì-sù, khòaⁿ chéng (khu-pia̍t-ia̍h).

Seng-bu̍t He̍k (域) Kài (界) Mn̂g (門) Kong (綱) Bo̍k (目) Kho (科) Sio̍k (屬) Chéng (種)
Chéng sī seng-bu̍t ê ki-pún hun chàn lāi-té ê boé chi̍t kip.

Tī seng-bu̍t-ha̍k, chéng (Eng-gí: species), ia̍h sī bu̍t-chéng, tû-liáu sī hun-lūi ê ki-pún téng-kip, mā ē-tàng ēng-lâi chí pâi tī chi̍t-ê téng-kip ê hun-lūi tan-oân, chhan-chhiūⁿ "lâng" (Homo sapiens) tio̍h sī chi̍t-ê "chéng".

Tēng-gī

Kho-ha̍k-kài tùi chèng ū chin-chē bô-kâng ê jīn-tēng hong-sek. Chi̍t-ê khah phó͘-thong m̄-koh bô chún-khak ê tēng-gī sī kóng "bô-kâng sèng-piat ē-sái kau-phoè, pēng-chhiá seⁿ hā ū seng-thòaⁿ lêng-le̍k ê āu-tāi ê chi̍t kûn seng-bu̍t."

Ernst Mayr ū chi̍t thò tēng-gī sī kóng chéng sī "si̍t-chè he̍k-chiá ē-tàng kau-phòe chū-jiân cho̍k-kûn kûn-thé, in kap kî-tha kûn-thé ê seⁿ-thòaⁿ hō͘-siong sī to̍k-li̍p--ê" (groups of actually or potentially interbreeding natural populations, which are reproductively isolated from other such groups).

Ē-chân

Chèng ê ē-kha mā ē-sái koh hun á-chéng (subspecies), ia̍h sī kî-tha hō͘-siōng chha-piat pí chéng kap chéng chi kan koh khah sió ê hun-lūi, chhan-chhiūⁿ phín-chéng, piàn-chéng, ia̍h chai-poê-chéng téng-téng.