Hì (khì-koan)

Jîn-lūi heng-khám--nih ê toā hoeh-kńg kap sim-chōng piⁿ--á ê hì. (Lâi-goân: Gray ê jîn-thé kái-phoà-ha̍k, 20 pán. 1918.)

Hì-chōng ia̍h hì sī chek-chui tōng-bu̍t ēng lâi chhoán-khùi ê 1 chióng ho͘-khip khì-koan. Chú-iàu ê kong-lêng sī kā tāi-khì-chân khip--ji̍p-lâi ê sng-sò͘ sàng ji̍p-khì hoeh-laû--nih, koh kā ùi hoeh-laû lâi ê CO₂ sàng--chhut-khì. Khì-thé kau-oāⁿ ê só͘-chāi tiàm tī kúi-nā pah-bān sè koh po̍h ê te̍k-sû sè-pau, hō chò hì-pau (alveoli).