Au-chiu

Chit phiⁿ thó-lūn Europa tāi-lio̍k. Bo̍k-chheⁿ ū 1 lia̍p oē-chheⁿ mā hō-chò Europa (oē-chheⁿ).

Au-chiu, mā hō-chò Au-lô-pa, O͘-lô-pa ia̍h-sī O͘-ló͘-pà, sī tī A-chiu sai-pêng ê chiu, mā ē-sái kóng sī Au-A Tāi-lio̍k ê sai-pêng pō͘-hūn. Au-chiu tī Pak-ke̍k-iûⁿ ê lâm-hong; sai-hong ū Tāi-se-iûⁿ, lâm-hong ū Tē-tiong-hái, O͘-hái. Tang-hong ū Ural-soaⁿ.

Bīn-chek sī tē-2-sè ê, ū 10,400,000 km², pí Ò-chiu khah tōa--tām-po̍h-á.

Jîn-kháu pí A-chiu, Hui-chiu khah chió, liōng-kî-iok ū 666,498,000 lâng (2001 nî). Che chha-put-to sī sè-kài jîn-kháu ê 7 hun chi 1.

Au-chiu kok-ka tōa-pō͘-hūn sī Au-chiu Phêng-gī-hoē (Council of Europe) ê hōe-oân, kan-na Belarus, Vaticano, Kazakhstan, Monaco bô chham-ka. Bo̍k-chêng ū 25 kok chham-ka Au-chiu Liân-bêng. Iū-koh ū kî-thaⁿ kok-ka tng teh kau-sia̍p ka-ji̍p ê tiâu-kiāⁿ, mā ū kok-ka àn-sǹg khai-sí sin-chhéng. Taⁿ in-ūi Au-chiu Liân-bêng ná lâi ná tōa, Au-chiu chit ê bêng-sû ū lâng lia̍h chò sī tông-gī-sû.

Tē-lí seng-thài

Au-chiu ê sim-lîm chū 9,000 nî-chêng khai-sí ū lông-gia̍p tō ta̍uh-ta̍uh-á kiu--khì. 16 sè-kí ê sî-chūn ū Tek-gí tē-khu khai-sí hoat-tián koán-lí sim-lîm ê hoat-tō͘, hiah-ê ki-su̍t tùi hia thoân kàu Au-chiu kî-thaⁿ só͘-chāi. Tò-kiu ê chhu-sè tī 19 sè-kí khai-sí kiâⁿ hoan-thâu. Bo̍k-chêng Au-chiu sī thong-sè-kài sim-lîm pó-chûn liáu siāng hó ê tē-khu.

Kok-ka

Au-chiu tē-lí-tô·

Au-chiu Liân-bêng í-gōa, iū-koh ū ē-kha chia ê kok:

• Albania
• Andorra
• Armenia - pō͘-hūn tī A-chiu
• Ò-tē-lī
• Azerbaijan - pō͘-hūn tī A-chiu
• Abkhazia -- pō͘-hūn tī A-chiu, pō͘-hūn sêng-jīn
• Artsakh Kiōng-hô-kok -- pō͘-hūn sêng-jīn
• Belarus
• Pe̍k-ní-gī
• Bosnia kap Herzegovina
• Bulgaria
• Croatia
• Ku-pí-lō͘ -- pō͘-hūn tī A-chiu
• Pak Ku-pí-lō͘ -- pō͘-hūn tī A-chiu, pō͘-hūn sêng-jīn
• Chesko
• Tan-be̍h
• Estonia
• Hun-lân
• Hoat-kok
• Gruzia - pō͘-hūn tī A-chiu
• Tek-kok
• Hi-lia̍p
• Hông-gâ-lī
• Peng-tó
• Ài-ní-lân
• Í-tāi-lī
• Kazakhstan - pō͘-hūn tī A-chiu
• Kosovo -- pō͘-hūn sêng-jīn
• Latvia
• Liechtenstein
• Lietuva
• Luxembourg
• Macedonia
• Malta
• Moldova
• Monaco
• Montenegro
• Hô-lân
• Ná-ui
• Pho-lân
• Phû-tô-gâ
• Romania
• Lō͘-se-a - pō͘-hūn tī A-chiu
• San Marino
• Serbia
• Slovakia
• Slovenia
• Se-pan-gâ
• Lâm Ossetia -- pō͘-hūn tī A-chiu, pō͘-hūn sêng-jīn
• Sūi-tián
• Sūi-se
• Transnistria -- pō͘-hūn sêng-jīn
• Thó͘-ní-kî - pō͘-hūn tī A-chiu
• Ukraina
• Liân-ha̍p Ông-kok
• Vaticano

I-lāi-tē

Ē-kha ê niá-thó͘ to-siáu ū in bûn-hòa-siōng he̍k-chiá tē-lí-siōng ê te̍k-sek. Tōa-pō͘-hūn bó͘-chióng thêng-tō͘ ū chū-tī koân. Bó-kok lia̍t tī āu-piah.

• Åland Kûn-tó (Hun-lân)
• Gibraltar (Liân-ha̍p Ông-kok)
• Guernsey (Liân-ha̍p Ông-kok)
• Pang-bô͘:Country data Jan Mayen and Svalbard¹ (Lo̍k-ui)
• Jersey (Liân-ha̍p Ông-kok)
• Man-tó (Liân-ha̍p Ông-kok)
• Faroe Kûn-tó (Tan-be̍h)

¹ Kin-kù Lo̍k-ui chèng-hú ê kóng-hoat, Jan Mayen kap Svalbard sī Lo̍k-ui Ông-kok ê 1 pō͘-hūn, m̄ sī i-lāi-tē.

Khu-he̍k

1 chióng hun-hoat: lâm (chheⁿ-sek), se (âng-sek), tiong (nâ-sek), pak (kiô-á-sek)

• Se Au
• Tiong Au
• Tang Au
• Pak Au
• Lâm Au

Cho͘-chit

• Au-chiu An-choân kap Ha̍p-chok Cho͘-chit (OSCE)
• Pak Tāi-se-iûⁿ Kong-iok Cho͘-chit (NATO)
• Au-chiu Liân-bêng (EU)
• CERN
• Au-chiu Ho̍k-heng kap Khai-hoat Gîn-hâng (EBRD)
• Au-chiu Phêng-gī-hoē (Council of Europe)