Rwanda

Republic of Rwanda Repubulika y'u Rwanda République du Rwanda Rwanda Kiōng-hô-kok
kî-á kok-hui
Chu-kù: "Ubumwe, Umurimo, Gukunda Igihugu" "Unity, Work, Patriotism"
Kok-koa: Rwanda nziza Beautiful Rwanda
Rwanda ê tē-tiám  (dark blue) – ,tī Africa  (light blue & dark grey) – Tī the African Union  (light blue)
Siú-to͘ kap siāng-tōa siâⁿ-chhī	Kigali
Koaⁿ-hong gí-giân	Kinyarwanda English French
Jîn-bîn hō-miâ	Rwandan Rwandese
Chèng-hú	Unitary semi-presidential republic
• President	Paul Kagame
• Prime Minister	Anastase Murekezi
Li̍p-hoat ki-kò͘	Parliament
• Siōng-īⁿ	Senate
• Hā-īⁿ	Chamber of Deputies
Independence
• from Belgium	1 July 1962
Bīn-chek
• Lóng-chóng	26,338 km2 (10,169 sq mi) (tē 145th miâ)
• chúi-he̍k (%)	5.3
Jîn-kháu
• 2015 nî kó͘-kè	11,262,564 (tē 76th miâ)
• 2012 nî phó͘-cha	10,515,973
• Bi̍t-tō͘	(tē 29th miâ)
GDP (PPP)	2016 nî kó͘-kè
• Lóng-chóng	$21.970 billion
• Pêng-kin	$1,905
GDP (bêng-gī)	2016 nî kó͘-kè
• Lóng-chóng	$8.341 billion
• Pêng-kin	$723
Gini (2010 nî)	51.3 ko
HDI (2014 nî)	0.483 kē · tē 163rd miâ
Hoè-pè	Rwandan franc (RWF)
Sî-khu	UTC+2 (CAT)
Khui-chhia hong-hiòng	right
Tiān-oē khu-hō	+250
ISO 3166 tāi-hō	RW
Siōng-téng domain	.rw

Rwanda Kiōng-hô-kok tī Hui-chiu tiong-pō·, Tōa-ô· (Eng-gí: Great Lakes) tē-khu hit-tah-á. Pak ū Uganda, tang ū Tanzania, lâm ū Burundi, sai ū Congo Bîn-chú Kiōng-hô-kok.

Rwanda bat hoat-seng kúi-nā-pái tōa-tô·-sat, téng-1-pái (1994 nî) iok-lio̍k sí 1 pah-bān lâng.

Ki-pún chu-liāu

• Koaⁿ-hong gí-giân: Hoat-gú, Kinyarwanda, Eng-gú, Swahili
• Siú-to·: Kigali
• Siāng-tōa ê siâⁿ-chhī: Kigali
• Chóng-thóng: Paul Kagame
• Chhōa-thâu ê pō·-tiúⁿ: Bernard Makuza
• Bīn-chek: 26,338 km² (pâi tē-144-ūi)
• Jîn-kháu:
  • 7,954,013 (2004, kó·-kè)
  • Bi̍t-tō·: 281/km²

Tē-lí seng-thài

Siā-hōe

Rwanda ê jîn-kháu kiat-kò· chin sêng kè-piah ê Burundi. Hutu-lâng jîn-kháu siāng chē (chiàm 85%), Tutsi-lâng tē-2 chē (14%), Twa-lâng siāng chió-ê (1%). It-poaⁿ lâi kóng, Hutu-lâng thé-keh khah chho·-ióng, phôe-hu khah o·, ū ha̍k-chiá jīn-ûi in sī Bantu-chéng. Tutsi-lâng pí-kàu khah lò, phôe-hu khah chhián-sek, sio̍k-î Nile-chéng, it-poaⁿ jīn-ûi sī āu--lâi chiah sóa--lâi ê lâng-tīn. Twa-lâng sī "É-lâng-chéng" (Eng-gí: Pygmy), é-pûi é-pûi, sī siāng chá kàu-ūi ê goân-chū-bîn, siā-hōe tē-ūi siāng kē.

Chóng--sī oân-ná ū ha̍k-chiá jīn-ûi Hutu kap Tutsi 2 cho̍k pún-té kāng goân-thâu, āu--lâi chiah ū khu-hun. Si̍t-chè-siōng nā tùi kò-jîn-te̍k--ê chân-chhù lâi khòaⁿ, Hutu kap Tutsi ê sin-hūn ē-iōng-tit tùi-oāⁿ. In pēng-bô àn-chiàu cho̍k-kûn pun tē-pôaⁿ; in ê chong-kàu, bûn-hòa, gí-giân lóng kāng-khoán, mā chin chia̍p thong-hun. Sīm-chì tan khòaⁿ gōa-piáu mā bī-pit ū-hoat-tō· chèng-kha̍k phoàⁿ-toān bó·-mi̍h-lâng ê cho̍k-kûn sin-hūn. Siāng tōa ê chha-pia̍t sī keng-chè kak-sek kap chèng-tī tē-ūi: Hutu-lâng choh-sit--ê khah chē, Tutsi-lâng khò pàng-chhī cheng-seⁿ-á--ê khah chē. Tutsi-lâng sui-bóng sī chió-sò· m̄-koh tn̂g-kî chiáng-ak chèng-tī-la̍t, koh in-ūi gōa-hêng khah sêng Au-chiu-lâng, België thóng-tī-chiá khoàⁿ in khah tāng, ū te̍k-pia̍t hō· in hó-khang. België si̍t-bîn chèng-koân mā bat kui-tēng cho̍k-kûn sin-hūn bē-sái kái-piàn, án-ne lâi chhim-hòa Hutu kap Tutsi chi-kan ê chha-pia̍t.

Jîn-kháu

Jîn-kháu sêng-tióng tô· (1961-2003). Tōa-tô·-sat hoat-seng liáu-āu, jîn-kháu kè-sio̍k chhèng-koân.

Rwanda ê jîn-kháu bi̍t-tō· sī Hui-chiu siāng-kài koân ê, thong-sè-kài oân-ná pâi thâu-chêng-ūi. 1994 nî ê tōa-tô·-sat bô siáⁿ éng-hióng--tio̍h chhu-sè.

Keng-chè

Hutu-cho̍k kap Tutsi-cho̍k keng-chè-siōng ū khu-pia̍t. Hutu-lâng chú-iàu khò choh-sit, Tutsi-lâng chú-iàu khò pàng-chhī cheng-seⁿ-á.