Baker-tó

Baker-tó (Eng-gí: Baker Island) sī tiàm-tī tiong Thài-pêng-iûⁿ, chhiah-tō khah pak--chi̍t-sut-á ê 1-ê khoân-chiau, iok-lio̍k tī Honolulu sai-lâm-hiòng 3100 km hn̄g ê só͘-chāi. Téng-koân bô tòa lâng. Bo̍k-chêng sī Bí-kok ê 1-tè bô-pian-ji̍p koh bōe-cho͘-chit léng-thó͘ (unorganized territory).

Baker-tó hiān-chú-sî sī 1-ê Kok-ka Iá-seng-bu̍t Siu-iông-khu, hō-chò Baker-tó Kok-ka Iá-seng-bu̍t Siu-iông-khu, hêng-chèng-siōng kui Bí-kok Hî kap Iá-seng-bu̍t Ho̍k-bū-chhù koán-lí. I ê hoān-ûi tû-liáu tó-siōng ê 1.64 km² í-gōa, iū-koh pau-koah iân-hái 123.45 km² ê hái-té-tē.

Bí-kok kin-kù kok-lāi ê Guano Islands Act (1856) tī 1857 nî niá chit-ê tó. Bí-kok kap Liân-ha̍p Ông-kok ê kong-si lo̍h-chhiú khai-hoat hiah-ê guano (chiáu-sái-pûi) chu-goân.

Ki-pún chu-liāu

• Ūi-tì: 0°13′ N 176°31′ W
• Hêng-chèng tan-ūi: Bí-kok Hî kap Iá-seng-bu̍t Ho̍k-bū-chhù
• Bīn-chek: 1.64 km²
• Jîn-kháu: 0

Gōa-pō͘ liân-kiat

• Baker Island National Wildlife Refuge (Eng-bûn)

United States