Kò-jîn sò͘-ūi chō͘-lí

Kò-jîn sò‧-ūi chō‧-lí (Eng-gí: personal digital assistant, PDA) sī ē-tàng khoè tī chhiú-poâⁿ téng-bīn ê sió-hêng tiān-náu, thâu-khí-seng siat-kè lâi khoán kò-jîn ê chu-liāu, āu--lâi kong-lêng ná lâi ná chē. PDA ki-pún-te̍k ê kong-lêng it-poaⁿ pau-koah hêng-sū-le̍k (date book), thong-sìn-lo̍k (kì chū-chí tiān-oē ê phō·-á), bōe-pān kang-chok lia̍t-toaⁿ, kì-sū-pún, sî-cheng, kè-sǹg-ki. Sin-hêng ê PDA mā ū chiūⁿ Internet ê châi-tiāu (keng-kòe Wi-Fi, chhiú-ki bāng-lō·, WAN, téng-téng). PDA ê hó-chhù chāi-tī ē-sái kā toh-á-téng PC ê chu-liāu khó·-pih khì kàu PDA, thang chah leh kiâⁿ, sú-iōng liáu-āu hit-kóa chu-liāu mā ē-tàng koh-chài hām PC chhiâu tùi-tâng (synchronize).

Siong-koan ê bûn-chiuⁿ

• Palm OS