Í-tāi-lī

Í-tāi-lī Kiōng-hô-kok (以大利-), kū-miâ Ì-kok (意國), Taī-gī-kok (大義國) (Italia, Italia-gú: Repubblica Italiana) sī tī Au-chiu lâm-pêng ê kok-ka. I thó͘-tē chú-iàu sī iû Tē-tiong-hái tiong-ng chi̍t-ê hêng-chōng ná-chhiūⁿ tn̂g-tháng-hia ê poàn-tó kap hū-kīn ê tó-sū cho͘-sêng. Kî-tiong siōng-toā ê tó-sū sī Sicilia kap Sardegna. Piⁿ-á ê kok-ka ū Hoat-kok, Sūi-se, Tang-kok, kap Slovenia. Ū nn̄g-ê kok-ka, San Marino kap Vaticano, oân-choân hō͘ Italia pau tī lāi-té.

Italia ū chham-ka Au-chiu Liân-bêng, mā ū iōng euro.

Ki-pún-chu-liāu

• Koaⁿ-hong gí-giân: Italia-gú
• Siú-to͘: Lô-má (Roma)
• Chóng-thóng: Giorgio Napolitano
• Chhoā-thâu ê pō͘-tiúⁿ: Enrico Letta
• Biān-chek: 301,230 km²
• Jîn-kháu:
  • 57,998,353
  • Bi̍t-tō͘: 197/km²
• Keh-piah-kok: Hoat-kok, Sūi-se, Slovenia kap Tang-kok
• Ûi tiâu ê kok-ka: San Marino kap Vaticano