Star Trek

Star Trek sī Bí-kok-chè ê 1 cho· kho-hoàn sán-phín, pau-koah 6 thò tiān-sī iáⁿ-chi̍p, 10 chhut tiān-iáⁿ, kúi-nā-pah pún siáu-soat, tiān-chú game, kap kî-thaⁿ ê chiu-piⁿ sán-phín, choân hoat-seng tī kāng 1-ê sióng-siōng ê bī-lâi ú-tiū. Gene Roddenberry tī 1960 nî-tāi kò·-bô· chhut chit kui-thò sè-kài ê ki-pún hong-hiòng. Hiān-chú-sî Star Trek ē-sái kóng tī kīn-tāi kho-hoàn le̍k-sú tang-tiong ū it-tēng ê tē-ūi. Kò·-sū it-poaⁿ an-pâi kha-siàu tāi-piáu jîn-lūi chhiau-chhōe, pài-hóng gîn-hô kok-tē ê sin sè-kài, sin bûn-bêng. Jîn-lūi tiāⁿ-tiāⁿ sī poaⁿ koan-kiàn-sèng ê gōa-kau kak-sek, hòa-kái bûn-bêng chi-kan ê chhiong-tu̍t, chhiok-chìn hô-pêng. Roddenberry ê bī-lâi kheng-hiòng lo̍k-koan, tī hit ê sè-kí jîn-lūi lāi-pō· í-keng thiat-té kái-koat iau-gō, sàn-chhiah, chiàn-cheng, téng-téng ê siā-hōe būn-tê.

"Star Trek" chit-ê miâ bô kò·-tēng ê Hôa-gí hoan-e̍k.

Tiān-sī iáⁿ-chi̍p

Star Trek thâu-khí-seng sī 1 chhut tiān-sī iáⁿ-chi̍p, tùi 1966 nî khai-sí hòng-sàng.

• The Original Series (1966-1969)
• The Animated Series (1973-1974)
• (Star Trek: Phase II)
• Star Trek: The Next Generation (1987-1994)
• Star Trek: Deep Space Nine (1993-1999)
• Star Trek: Voyager (1995-2001)
• Star Trek: Enterprise (2001-2005)

Tiān-iáⁿ

• Kin-kù Star Trek: The Original Series:
  • 1979: Star Trek: The Motion Picture
  • 1982: Star Trek II: The Wrath of Khan
  • 1984: Star Trek III: The Search for Spock
  • 1986: Star Trek IV: The Voyage Home
  • 1989: Star Trek V: The Final Frontier
  • 1991: Star Trek VI: The Undiscovered Country
• Star Trek: The Original Series thàu-lām Star Trek: The Next Generation:
  • 1994: Star Trek: Generations
• Kin-kù Star Trek: The Next Generation:
  • 1996: Star Trek: First Contact
  • 1998: Star Trek: Insurrection
  • 2002: Star Trek: Nemesis

Siong-koan ê bûn-chiuⁿ

• He̍k-chheⁿ Liân-pang

Gōa-pō· liân-kiat

• Memory Alpha (Wiki)