Siáu-soat

Siáu-soat sī bûn-ha̍k ê 1-khoán piáu-hiān khoán-sek.

Siáu-soat ê loē-iông lâi kóng, hām sûi-pit, phêng-lūn kap le̍k-sú bô kâng, siáu-soat bô tō-sī ēng chōng-khang ê kò͘-sū lâi piáu-hiān, bô tō-sī kā sū-si̍t-siōng ū ê kò͘-sū kā kái-pian; nā chhiú-lō͘ lâi kóng, khah chē sī ēng sàn-bûn ê khoán-sek, sui-bóng mā ū siáu-soat chok-phín hō͘ chi̍t-koá ha̍k-chiá jīn-ûi khah oá tī si ê hêng-thé. (Pí-lūn Zhivago Sian-siⁿ).

Siáu-soat tī Eng-gí hō-chò novel, chit-ê jī hām Se-pan-gâ-gí ê novela kap Hoat-gí ê nouvelle kâng gí-goân, goân-té tī Latin-gí lóng-sī "sin ê siau-sit (ia̍h kò͘-sū)" ê ì-sù.

Siáu-soat nā chiàu tn̂g-té, thang hun-chò tn̂g-phiⁿ siáu-soat, tiong-phiⁿ siáu-soat, té-phiⁿ siáu-soat kap ke̍k-té-phiⁿ siáu-soat. Nā chiàu loē-iông ê pō͘-lūi, siōng-bô ū ē-bīn chit-kúi-lūi:

• Kho-ha̍k siáu-soat (science fiction)
• Kî-hàm siáu-soat (fantasy)
• Hoān-choē siáu-soat
• Ài-chêng siáu-soat
• Khióng-pò͘ siáu-soat
• Kàn-tia̍p siáu-soat
• Le̍k-sú siáu-soat
• Bú-kiap siáu-soat
• Chhui-lí siáu-soat