Amir

Emir (A-la-pek-gí: أمير‎‎ ʾAmīr [ʔaˈmiːr]) sī A-la-pek kok-ka kap Afghanistan chi̍t khoán hôa-cho̍k hâm-thâu. Emir chit jī pún-sin ū "chí-hui-koaⁿ", "chiong-kun", ia̍h "chhin-ông" ê ì-sù. Lú-sèng ê hêng-sek sī kiò Emira (أميرة ʾAmīrah).

Emir chhōa-thâu ê chèng-tī si̍t-thé, thang kiò-chò Emir-kok (Eng-gí: emirate), A-la-pek Liân-ha̍p Thâu-lâng-kok chiō sī chē-ê Emir-kok liân-ha̍p--khí-lâi ê liân-pang kok-ka; Kuwait kap Qatar mā sī Emir-kok ê hêng-sek.