He̍k-chheⁿ

Thài-iông-hē ê he̍k-chhēⁿ (IAU, 2006), chiàu toā-sè pí-lē oē, siōng téng-koân sī ji̍t-thaû ê chi̍t-su̍t-á-kiáⁿ

He̍k-chheⁿ (planet) sī tī kúi-tō leh se̍h chheⁿ ê chheⁿ-thé, m̄-koh i pún-sin m̄ sī chheⁿ, mā m̄ sī tn̂g-boé-chheⁿ. He̍k-chheⁿ mā ū lâng kóng chò hêng-seng, hêng-chheⁿ, hêng-chhiⁿ, he̍k-chhiⁿ.

Hi-lia̍p-gí kā he̍k-chheⁿ hō-chò πλανήτης, planētēs, ì-sù sī tī thiⁿ-téng pha-pha-chaú ê lô-hàn-kha-á.

He̍k-chheⁿ ê tēng-gī chāi-lâi lóng ū cheng-gī, ū-ê thian-bûn-ha̍k-ka kiàn-gī Mê-ông-chheⁿ mài sǹg chò thài-iông-hē ê he̍k-chheⁿ, ū-ê kóng ài koh cheng-ka kaù 15, 20, sīm-chì koh-khah chē. Kok-chè Thian-bûn Chó͘-ha̍p (International Astronomical Union) tī 2006 nî koat-gī kā Mê-ông-chheⁿ lia̍t chò é-he̍k-chheⁿ, khiā kóng lán khiā ê thài-iông-hē (solar system) ū 8 lia̍p he̍k-chheⁿ.

Thài-iông-hē í-goā ū chheⁿ-hē (star system) ū ke̍k-té-chiu-kî he̍k-chheⁿ.

Thài-iông-hē

Jīn-tēng ê he̍k-chheⁿ

Chiàu Kok-chè Thian-bûn Chó͘-ha̍p 2006 nî ê koat-gī, thài-iông-hē ū 8 lia̍p he̍k-chheⁿ. Kap Ji̍t-thaû khah oá--ê pâi tāi-seng:

1. Chúi-chheⁿ (thian-bûn hû-hō (astronomical symbol) ☿)
2. Kim-chheⁿ (♀)
3. Tē-kiû (♁) - 1 lia̍p oē-chheⁿ Goe̍h-niû (Luna, Moon)
4. Hoé-chheⁿ (♂) - 2 lia̍p oē-chheⁿ Deimos, Phobos
5. Bo̍k-chheⁿ (♃) - 63 lia̍p oē-chheⁿ
6. Thó·-chheⁿ (♄) - 56 lia̍p oē-chheⁿ
7. Thiⁿ-ông-chheⁿ (Thiⁿ-ông-chheⁿ ê thian-bûn hû-hō; siòng-miā hû-hō ♅) - 27 lia̍p oē-chheⁿ
8. Hái-ông-chheⁿ (♆) - 13 lia̍p oē-chheⁿ

Lēng-goā, Mê-ông-chheⁿ (♇) goân-té lia̍t chò he̍k-chheⁿ, 2006 nî kap 2003 UB₃₁₃ chò-hoé lia̍t chò é-he̍k-chheⁿ, i ū 3 lia̍p oē-chheⁿ (Charon, Nix, Hydra).

Goā-pō͘ liân-kiat

• NinePlanets.org - tour of the solar system
• International Astronomical Union
• Solar System Live (an interactive orrery)
• Solar System Viewer (animation)
• Pictures of the solar system
• Renderings of the planets
• NASA Planet Quest
• Working definition of "planet" from IAU WGESP — the lower bound remained a matter of consensus in February 2003
• Dan Green's page on planet classification
• Gravity Rules: The Nature and Meaning of Planethood; S. Alan Stern; March 22, 2004
• On the status of Pluto; IAU, February 3, 1999