Thó-lūn:十二新作

《十二新作》是台灣查埔歌手周杰倫的第12張專輯，收錄12首歌曲，2012年12月28日發表。

宣傳

2012年12月5日，專輯《十二新作》首波宣傳主打歌《紅塵客棧》佇Hit FM第一改放送，這首歌的歌詞是由方文山來寫的，周杰倫講這首歌曲是伊逐張專輯攏一定愛有的「周式中國風歌曲」，2007年演唱會的時陣，伊佇《千里之外》前準備了一段絃仔獨奏，啊《紅塵客棧》就是改編這段絃仔獨奏所做的歌曲。

仝一工佇北京音樂廣播《中國歌曲排行榜》第一改放送的是第二波主打歌曲《明明就》，這首歌的歌詞仝款嘛是方文山寫的。

12月24日佇Hit FM記者會中宣佈這張專輯中收錄的12首歌的全部歌曲名，嘛佇仝一个時陣宣佈講這12首歌曲佇專輯發行的前一工12月27日佇Hit FM第一改放送完整版。

「周杰倫十二新作 亞洲數位平台第一名 強烈預購中！」的預購廣告中引用了《紅塵客棧》佮《明明就》佇iTunes Store 台灣/香港/澳門/新加坡/馬來西亞、百度音樂、酷狗音樂、蝦米音樂、音悅Tai中排名第一的數據，共這當做是賣點來宣傳。