Thó-lūn:Jīn-sek-lūn

認識論

認識論是哲學的一个分支，嘛有人講做智識論，認識論所研究的主題是真理佮智識的性質、原頭和界限（人會當了解的界限等等）。

佇一个領域的討論，一直攏致心佇咧分析智識的本質佮智識和一寡相倚的觀念（比論講真理、信篤）中間的關係，有真濟討論佮證成（英語：justification, theory of justification）有底帶，認識論學者會去分析逐項智識主張後壁證成的標準，也就是主張的人伊著有甚物根據才會用得講伊知影某一項事實，一來二去，認識論所問的是親像遮的問題： "你敢有影知影你量講你知影的代誌？"佮"你是按怎知影你知影的代誌的？"

欲研究智識的理論，窮實是有誠濟無仝的步數的，這站仔有一寡新的研究已經共幾若世紀的舊假定捒倒，嘛因為按呢，認識論到今猶原是真活動的學科。

下跤是認識論定定處理的問題：

• 咱人是按怎確實知影一項代誌/物件的？
• 咱人對代誌/物件有佗一寡重耽的思考方式？
• 敢有彼款會當確定思考方式是著或者是毋著的方法？
• 這世間敢有不可知的領域佇咧？若準有，是用啥款形體存在的？