Thó-lūn:Kok-chè Chhiah Si̍p-jī kap Âng Goe̍h-bâi ūn-tōng

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

國際赤十字佮紅月眉運動[kái goân-sú-bé]

國際赤十字佮紅月眉運動是一个以拯救人類性命佮健康做目標的運動。雖罔這是一个規模蓋大的組織,毋過伊屬佇民間的營為,並無受著政府的控制。赤十字有一个出佇國際法的特殊工課,伊是唯一一个有國際法交仗任務的民間團體。這个國際運動有分做三个系項:

國際赤十字會(ICRC)的標頭。
  • 國際赤十字會(ICRC)是1863年佇瑞士日內瓦(Genève)建立的,伊的工課,是受國際法交杖,來保護戰爭受傷者的性命佮尊嚴。
  • 國際赤十字佮紅月眉協會聯盟(IFRC)是佇1919年起基的,目的是欲確實國際赤十字佮紅月眉會當相佮合作,佇大規模的的緊急事件當中,通做伙營為救助的任務,這个組織的秘書長處嘛仝款設佇瑞士的日內瓦。
  • 通世界的國家攏差不多有赤十字紅月眉協會,186个國家的赤十字佮紅月眉協會有得著國際赤十字會的承認,接納怹做國際赤十字佮紅月眉協會聯盟的會員,逐个協會佇怹本國做工,順趁國際的的人道法律佮這个國際運動的規定,若有必要,隨个國家本身的協會嘛會用得從事國際人道法律無直接講著抑運動無直接授權的工課,比論"英國赤十字協會"佇公共事件組織自願的救護車中華民國赤十字會支援緣血的工課等等。

因為十字佮月眉牽涉著基督教伊斯蘭教的意涵,日內瓦公約三个附加協議內底的協議III(2005年)有擬定採用附加的判認標頭,取紅水晶代表赤十字,避開宗教的含意可能造成的問題。

Flag of the Red Cross.svgFlag of the Red Crescent.svg Flag of the Red Crystal.svg
赤十字運動的三个國際標頭:
赤十字紅月眉紅水晶