Thó-lūn:Lio̍k-sù sū-kiāⁿ

六四事件

六四事件也叫做天安門事件，廣義來講就是八九民運抑八九學運，是1989年時候中國人民佇天安門廣場的抗議運動。狹義來講是佇1989年6月3日半暝遘6月4日天光時中國政府派部隊佮警察鎮壓的代誌。

1989年4月15日，中共中央原來的總書記胡耀邦過身，真濟大學生佮北京市民佇天安門廣場悼念伊，以後發展成要求政府控制通貨膨脹，處理失業，貪污腐敗，政府問責制度，新聞自由，結社自由，民主等等問題的抗議運動。有1,000,000人遘天安門廣場的抗議。中共中央總書記趙紫陽欲想佮抗議者談判解決問題。

遘仝年5月，北京學生開始絕食，全國有400寡城市也開始發動抗議支持in。中共中央軍委主席鄧小平佮國務院總理李鵬主張鎮壓，受遘國家主席楊尚昆、中共元老陳雲佮李先念的支持。5月20日，李鵬宣佈北京戒嚴，調派中國人民解放軍300,000來北京鎮壓，佇1989年6月3日半暝遘6月4日天光時控制了天安門廣場。反對鎮壓的總書記趙紫陽佇6月的中共13屆4中全會下臺，由江澤民繼任。

因為中國官方拒絕透露死亡閣較濟的資料，遘今仔日死亡人數猶不詳，估計攏總有百幾人遘幾萬人。