Thó-lūn:Tâi-oân bûn-ha̍k

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

臺灣文學[kái goân-sú-bé]

臺灣文學的發祖一般是講佇日本殖民的1920年代的臺灣新文學運動,這个運動的性質和傳統的舊文學較無相仝,對日本時代新文學運動開始,臺灣的作家就一直共怹建立起來的文學號做臺灣文學。

後來因為政治環境,特別是國民政府統治臺灣了後,臺灣文學這个名詞就一直有爭議,親像1970年代的鄉土文學盤話的時,就有人厚操煩,講鄉土文學分離主義相黏蒂帶,嘛有人講鄉土文學佮中國共產黨統一之下的文學穿仝領褲,是工農兵文藝,嘛閣有人刁持共鬱拗,號做"邊疆文學"。

一直到1980年代起初,臺灣的作家總算是成功共臺灣文學爭取著地位,公開提倡佇臺灣產生的文學就是臺灣文學,一來二去,見若認同臺灣的人,用臺灣人的觀點,來寫出疼痛臺灣,佮臺灣有關係的文學作品,攏會使叫做臺灣文學。

若看臺灣文學使用的文字,有漢字文言文,河佬日本華語等等,有的寫漢字,有的用羅馬字,sam-téng-jī-hō,算是臺灣文學的特色。

若對歷史來看,臺灣文學是較晏發祖的文學,佮先進國家比起來,毋但比日本慢起行真濟,甚至嘛比中國五四運動的新文學較慢幾若冬,因為臺灣文學發祖較晏,所以自然就繼承其他文學的性質佮成績,歐洲美洲文學對伊有影響,日本佮中國文學嘛對伊有真濟影響。

日本時代,賴和共臺灣文學號做"世界主義下跤的臺灣新文學",若這个時代的作家鍾肇政客語: Chûng Seu-chṳn)是講:"臺灣文學是臺灣本土的文學,是臺灣人的文學,是世界文學的一支"。

相關的文章[kái goân-sú-bé]