Thó-lūn:Tēng Ú-hiân

鄧雨賢[kái goân-sí-bé]

鄧雨賢（客話: Then Yí-hièn，1906年龍潭 – 1944年竹東)，日本時代臺灣流行歌的作曲家，佇1933年到1935年中間創作出幾若條出名的歌，包括"望春風"，龍潭鄉為伊立一身銅象紀念。

伊生佇桃仔園龍潭一个客儂庄，老爸是漢學仔先，三歲時規家搬去佇臺北城內，讀艋舺公學校，對臺北師範學校畢業了後，予人派去臺北日新公學校教冊。

24歲去日本留學。

1932年投入流行歌的創作，伊是古倫美亞唱片公司的專任作曲家，伊一生的創作量超過50首，毋過伊的曲攏配河佬話抑是日本話的歌詞，毋捌有客話的。

後來轉去庄跤，新竹芎林教冊。

1944年因為肺病兼心臟病來過身。

戒嚴時代的中華民國官方對伊彼首"四季紅"的歌名有意見，所以有幾若十冬的時間是號做"四季謠"，1980年代開始改轉去原名。

臺灣島外的烏名單社區共"望春風"的意義轉到政治的層次。