Thian-thé

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Thian-thé sī chū-jiân hoat-seng ê bu̍t-lí si̍t-thé, cho͘-ha̍p, ia̍h kò͘-chō, in chhut-hiān tī ē-hêng koan-chhat ê úi-tiū tang-tiong. Khah giâm-keh lâi hun, thian-thé tang-tiong ū chi̍t khoán Eng-gí ēng body ("sin-thé") lâi hō, sī tan-to̍k--ê, bā-bā--ê, liân-sòa--ê si̍t-thé; koh chi̍t khoán sī object ("mi̍h-kiāⁿ"), sī ho̍k-ha̍p--ê, khah bô sio-chiap--ê kò͘-chō, ū khó-lêng hâm chē-ê body, ia̍h sīm-chì sī lēng-gōa ê object chò chhù-kò͘-chō.