Thian-tin cho͘-kài
Thian-tin cho͘-kài (天津租界) sī 1860 nî kàu 1945 nî kî-kan, Eng-kok, Hoat-kok, Bí-kok, Tek-kok, Ì-tāi-lī, Lō͘-se-a, Ji̍t-pún, Ò-tē-lī kap Pí-lī-sî téng kok thàu-kòe chhiam-tēng tiâu-iok kap hia̍p-gī, tī Tiong-kok Thian-tin Lāu-siâⁿ tang-lâm-pêng hiòng Hái-hô lióng-hōaⁿ siong-kè siat-li̍p ê cho͘-kài-tē, ū hêng-chèng chū-tī-khoân kap tī-gōa-hoat-khoân. In-ūi chêng-āu ū 9 ê kok-ka tī Thian-tin oe̍h-tēng cho͘-kài, só͘-í koh hō-chò Káu-kok cho͘-kài (九國租界).