Tiân-cheng

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
?Tiân-cheng
Seng-bu̍t-ha̍k hun-lūi
Kài: Plantae
Mn̂g: Magnoliophyta
Kong: Magnoliopsida
Bo̍k: Fabales
Kho: Fabaceae
A-kho: Faboideae
Cho̍k: Robinieae
Sio̍k: Sesbania
Chéng: S. cannabina
Ha̍k-miâ
Sesbania cannabina
Tiân-cheng ê hoe

Tiân-cheng (Hàn-jī: 田菁, ha̍k-miâ: Sesbania cannabina) kui-sio̍k-tī tāu-kho, sī chi̍t-nî-seng chháu-pún he̍k to-nî-seng bo̍k-pún si̍t-bu̍t. Goân-pún seⁿ tī jia̍t-tāi kap a-jia̍t-tāi, ū ê kóng sī Egypt, Tâi-oân tī 1930 nî-tāi ín-chìn chai-poê, sī chhân--lin tiāⁿ-khoàiⁿ ê le̍k-pûi si̍t-bu̍t. I hun-pō· tī pêⁿ-tē kàu kē-hái-poa̍t ê soaⁿ-khu, seng-tióng tī khòng-khoah ê pha-hng-tē. I kah-ì kui-kang ū-ji̍t ê khoân-kéng, hoe-kî sī 6 goe̍h kàu 12 goe̍h.

Hêng-thài[siu-kái | kái goân-sú-bé]

Keng ê ki-pō· bo̍k-chit-hoà, iù-ki seⁿ tn̂g-mo·. Koân tāi-iok 1 kàu 2 kong-chhioh.

Hio̍h-á sī it-hoê ngó·-sò· ú-chōng ho̍k-hio̍h, tn̂g 12 kàu 15 kong-hun, sió-hio̍h tn̂g 4 kàu 8 mm, tn̂g thó-îⁿ-hêng, thâu-chêng hit-toan tūn-tūn, ki-pō· chhoa̍h-chhoa̍h. Sió-hio̍h sò·-liōng tāi-hūn chhiau-koè 20 tùi.

Hoe n̂g-sek, ô·-tia̍p-hêng hoe-koan, 1 lúi kàu 3 lúi seⁿ tī hio̍h-á ê koh-ē-lang (e̍k-seng), chóng-chōng hoe-sū.

Koé-chíngeh-kó (莢果), tn̂g-tn̂g ti̍t-ti̍t.