Tiān-khì chó͘-khòng

Wikipedia (chū-iû ê pek-kho-choân-su) beh kā lí kóng...

Tiān-khì chó͘-khòng (電氣阻抗, electrical impedance) mā kán-chheng chò chó͘-khòng (impedance), sī ēng lâi tō͘ khoàⁿ chó͘-tòng chiàⁿ-hiân (sinusoidal) tiān-liû (electric current) ê le̍k-liōng ū joā kiông. Chó͘-khòng ê koan-liām tō sī kā Ohm tēng-lu̍t khok-chhiong, ēng tī AC tiān-lō͘ hun-sek. Tiān-lō͘ (electric circuit) ê chó͘-khòng ē-tàng sī ho̍k-cha̍p-sò͘, che kap tiān-chó͘ (electrical resistance) bô kâng. 1886 nî 7--goe̍h Oliver Heaviside chhòng-chō chó͘-khòng chit ê su̍t-gí.