Tiong-goân phó͘-tō͘

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē

Kū-le̍k 7 goe̍h 15 sī tiong-goân phó·-tō·, it-poaⁿ mā tiāⁿ-tiāⁿ kā kiò-chò chhit-goe̍h-poàⁿ. Tâi-oân thoân-thóng kū-le̍k ê 7 goe̍h sī kúi-goe̍h, 15 chit-kang ài pài hó-hiaⁿ-tī. Chit-ê phó͘-tō͘ ê lē sī ùi hu̍t-kàu ê Ullambana lâi-·ê, chóng-·sī tī Tâi-oân bîn-kan phó͘-tō͘ khah bô hu̍t-kàu ê khì-bī.

Iân-iû[siu-kái]

Phó͘-tō͘ ê iân-iû ū chin chōe kóng-hoat kap thoân-soat, chú-iàu sī kā Pu̍t soeh û-lân-pûn keng ê lōe-iông the̍h-lâi ka-iû-thiam-chhò͘. Chı̍t-ê kóng-hoat sī án-ne:

MaudgalyayanaPu̍t ê mn̂g-seng, i siōng-gâu tián sîn-thong. Ū-chı̍t-jı̍t i ê sîn-hûn chhut-thé, khì kàu se-thian, khoàⁿ-tio̍h i kòe-sin ê lāu-pē tī hia khā-khí, i kám-kak chin móa-ì. Sòa-·lâi i koh khì kàu tē-ga̍k, bô tiuⁿ-tî soah khoàⁿ-tio̍h in lāu-bú tūi-lo̍h ngō͘-kúi-tō teh siū-khó͘, koh iau koh koâⁿ, chhōe bô mı̍h-kiāⁿ thang chia̍h mā chhōe bô saⁿ thang chhēng. Kò͘-kaⁿ-ê kā kóng, in lāu-bú chāi-siⁿ siūⁿ am-tham, chhut-ke-lâng lâi kā pun, i lóng m̄ pun-·lâng, chit-má èng-kai chò ngō͘-kúi, éng-oán bô-hoat-tō͘ chia̍h-pá-chhēng-sio. Maudgalyayana khoàⁿ-liáu put-jím-sim, tō tián i ê sîn-thong, piàn-chhut 1-tè-toh ê chiú-chhài hō͘ chia̍h. In lāu-bú beh khì chia̍h ê sî, nâ-âu-kóng soah kui-ê kiu-·khí·lâi, bô-hoat-tō kā chhài thun-lo̍h-pak. Maudgalyayana koh piàn-chhut 1-su saⁿ hō͘ chhēng, in lāu-bú chı̍t-chhun-chhiú bak-tio̍h saⁿ, saⁿ soah sio-·khí·lâi. Bô-tā-ôa, Maudgalyayana tńg-khì mn̄g Pu̍t kóng, ài choáⁿ-iūⁿ chiah ōe-tàng kiù in lāu-bú. Pu̍t kóng, sîn-thong put-te̍k gia̍p-le̍k, ài cha̍p-hong chiòng-seng tâng-chê hoat-goān chiah ū hoat-tō͘. Tō kà i tī 7 goe̍h 15 hit-kang, chhiáⁿ cha̍p-hong chiòng-seng pī-pān pe̍h-pn̄g, ngó͘-kó, hiuⁿ-chek, sóe kha-chhiú-bīn chúi, téng-téng, kiòng-iáng cha̍p-hong tāi-tek chiòng-cheng, chò kong-tek hō͘ 7-sè lāi ê pē-bú, án-ne chiah ōe-tàng sūn-soah kiù-tio̍h Maudgalyayana ê lāu-bú.

Chit-ê pò͘-si hō͘ chhut-ke-lâng ê chô-hoat, chiah tauh-tauh-á piàn chò chè-pài hó-hiaⁿ-tī.

Kok-tē ê lē[siu-kái]

Chúi-teng[siu-kái]

Pian-chi̍p tiong Chit pha iáu-bōe ū lâng siá. Chhiáⁿ tàu pó͘-chhiong lōe-iông.

Chhiúⁿ-ko͘[siu-kái]

Pian-chi̍p tiong Chit pha iáu-bōe ū lâng siá. Chhiáⁿ tàu pó͘-chhiong lōe-iông.

Pài Tē-ki-chú[siu-kái]

Pian-chi̍p tiong Chit pha iáu-bōe ū lâng siá. Chhiáⁿ tàu pó͘-chhiong lōe-iông.

Goā-pō· liân-kiat[siu-kái]