Tiong-hôa Ài-kok Tông-sim Hōe

Wikipedia (chū-iû ê pek-kho-choân-su) beh kā lí kóng...

Tiong-hôa Ài-kok Tông-sim Hōe (中華愛國同心會), kán-chheng Ài-kok Tông-sim Hōe (愛國同心會), sī Tâi-oân chi̍t ê thóng-phài cho͘-chit, 1993 nî tī Tâi-pak-chhī sêng-li̍p. 2018 nî teng-kì chù-chheh chò Tiong-hôa Ài-kok Tông-sim Tóng (中華愛國同心黨). Kong-khai chi-chhî Tiong-hôa Jîn-bîn Kiōng-hô-kok í "it-kok lióng-chè" ê hong-sek lâi thóng-it Tâi-oân, pēng hoán-tùi Tiong-hôa Bîn-kok, hoán-tùi Tâi-oân to̍k-li̍p, hoán-tùi Hoat-lûn-kong, chi-chhî Tiong-kok Kiōng-sán Tóng.