Tiong-hôa Sêng-pāng-tūi
 | 這篇文章有漢字兮版本。 參考這篇文章兮漢字版本。 |
| Tiong-hôa Bîn-kok Iá-kiû Tāi-piáu-tūi | |||||
| tóng-àn:Chinese Taipei baseball team logo.svg | |||||
| Kok-ka |  Tiong-hôa Bîn-kok
| ||||
|---|---|---|---|---|---|
| Hia̍p-hōe | Tiong-hôa Bîn-kok Iá-kiû Hia̍p-hōe Tiong-hôa Chit-gia̍p Pāng-kiû Tāi Liân-bêng | ||||
| Liân-ha̍p-hōe | A-chiu Iá-kiû Chóng-hōe Sè-kài Pāng-lúi-kiû Chóng-hōe | ||||
| Chóng-kàu-liān |  Chan Hô-khu
| ||||
| |||||
| WBSC Pâi-miâ | |||||
| Tong-chiân pâi-miâ | 2 (2024 nî 11 goe̍h 28) | ||||
| Siōng-hó pâi-miâ | 1 (2014 nî 12 goe̍h 31) | ||||
| Siōng-bái pâi-miâ | 5 (thâu-chi̍t-pái, 2012 nî 12 goe̍h 31) | ||||
| Sè-kài Iá-kiû Keng-tián-sài | |||||
| Chham-sài chhù-sò͘ | 5 (thâu-chi̍t-pái tī 2006) | ||||
| Siōng-hó sêng-chek | 8 (2013) | ||||
| Sè-kài Iá-kiû 12-kiông Sài | |||||
| Chham-sài chhù-sò͘ | 3 (thâu-chi̍t-pái tī 2015) | ||||
| Siōng-hó sêng-chek |  Koan-kun (2024)
| ||||
| Ò-ūn | |||||
| Chham-sài chhù-sò͘ | 3 (thâu-chi̍t-pái tī 1992) | ||||
| Siōng-hó sêng-chek |  Gîn-pâi (1992)
| ||||
| Sè-kài-poe | |||||
| Chham-sài chhù-sò͘ | 17 (thâu-chi̍t-pái tī 1972) | ||||
| Siōng-hó sêng-chek |  A-kun (1984)
| ||||
| Chiu-chè-poe | |||||
| Chham-sài chhù-sò͘ | 12 (thâu-chi̍t-pái tī 1973) | ||||
| Siōng-hó sêng-chek |  Kùi-kun (1983, 2006)
| ||||
| A-ūn | |||||
| Chham-sài chhù-sò͘ | 7 (thâu-chi̍t-pái tī 1994) | ||||
| Siōng-hó sêng-chek |  Kim-pâi (2006)
| ||||
| A-kím-sài | |||||
| Chham-sài chhù-sò͘ | 30 (thâu-chi̍t-pái tī 1954) | ||||
| Siōng-hó sêng-chek |  Koan-kun (1983 pēng-lia̍t, 1987, 1989 pēng-lia̍t, 2001, 2019)
| ||||
| Ò-ūn chióng-pâi kì-lo̍k | ||
|---|---|---|
| Lâm-chú iá-kiû | ||
 |
1984 nî Lo̍k-sam-ki (sī-hoān hāng-bo̍k) | Thoân-tūi |
 |
1992 nî Barcelona | Thoân-tūi |
Tiong-hôa Bîn-kok Iá-kiû Tāi-piáu-tūi (kán-chheng Tiong-hôa Sêng-pāng-tūi, Tiong-hôa-tūi), sī Tiong-hôa Bîn-kok iá-kiû ūn-tōng ê kok-ka tāi-piáu-tūi; chū 1981 nî khai-sí, kin-kì Lausanne Hia̍p-gī tī kok-chè thé-io̍k sài-sū lāi-té mā hō-chò Tiong-hôa Tâi-pak Iá-kiû Tāi-piáu-tūi (Chinese Taipei Baseball Team)[1].
Tiong-hôa Sêng-pāng-tūi tī 1950 nî-tāi cho͘-sêng, sī A-chiu Iá-kiû Chóng-hōe chhòng-sí hōe-oân, kah Ji̍t-pún-tūi, Hân-kok-tūi chò-hóe hőng hō-chò "A-chiu 3 kiōng"; Tiong-hôa Iá-kiû Tāi-piáu-tūi (pau-koat saⁿ-kip iá-kiû) tn̂g-kî í-lâi mā ūi-tī Sè-kài Pāng-lúi-kiû Chóng-hōe iá-kiû sè-kài pâi-miâ ê thâu-chêng, bo̍k-chiân sī sè-kài tē-jī[2].
Tiong-hôa Sêng-pāng-tūi ê soán-chhiú chó͘-sêng, tû-liáu Tiong-hôa Chit-pāng, gia̍p-î iá-kiû-tūi kiû-oân í-gōa, koh-ū tī Ji̍t-pún Chit-pāng kah Bí-kok Chit-pāng Tāi-liân-bêng, Sió-liân-bêng phah-piàⁿ ê Tâi-oân soán-chhiú. Tiong-hôa Sêng-pāng-tūi ê chó͘-tūi, hùn-liān bat hō͘ Tiong-hôa Bîn-kok Iá-kiû Hia̍p-hōe hū-chek; chū 2017 nî khai-sí, it-kip sài-sū cho͘-tūi, hùn-liān kái hō͘ Tiong-hôa Chit-pāng chiap-chhiú hū-chek[3].
Le̍k-sú
[siu-kái | kái goân-sí-bé]
1951 nî, tē-it-pái keng-kòe Soán-hùn Úi-oân soán-poa̍t soán-chhiú chó͘-sêng "Tâi-oân Liân-tūi", 1 goe̍h 26 hō͘ Tâi-oân-séng Iá-kiû Hia̍p-hōe lí-sū-tióⁿ Chiā Tong-bín chhōa-niá khì kàu Hui-li̍p-pin chìn-hêng iú-gî-sài, sī Tiong-hôa Bîn-kok chiàn-āu thâu-chi̍t-pái chìn-hêng kok-chè kau-liû ê thé-io̍k thoân-thé, si̍t-chè-siōng mā ū kok-ka-tūi ê si̍t-le̍k, tān-sī in-ūi m̄-sī chèng-sek kok-chè-sài, tùi-chhiú mā m̄-sī kok-ka tāi-piáu-tūi, só͘-í sī "Tâi-oân-tūi" èng-chiàn[5][6]:36[7][8].
Chú-iàu Sài-sū
[siu-kái | kái goân-sí-bé]- Iâⁿ siōng-chē — Tiong-hôa Tâi-pak
30：0 
Ìn-tō͘ (Ji̍t-pún, 1987 nî 8 goe̍h 26) - Su siōng-chē — Tiong-hôa Tâi-pak 3：20
Hô-lân (Pe̍k-ní-gī, 1983 nî 7 goe̍h 15)
2009 nî Sè-kài Iá-kiû Keng-tián-sài, Tiong-hôa-tūi í 2 liân-pāi sêng-chek hőng tô-thài, m̄-nā sī pún-kài sài-sū thâu-chi̍t-ê chhut-kio̍k ê kok-ka, mā í 1 : 4 tē-jī-pái tī chèng-sek kok-chè-sài su-hō͘ Tiong-kok. 2013 nî Sè-kài Iá-kiû Keng-tián-sài, in-ūi téng-kài Tiong-hôa-tūi chiàn-chek bô hó, só͘-í chit-kài tio̍h-ài tùi Chu-keh-sài khai-sí phah. Tiong-hôa-tūi tī Chu-keh-sài lāi-té bô sit-hun choân-pō͘ lóng iâⁿ chìn-ji̍p chèng-sài. Chèng-sài ī-sài B-cho͘ lāi ê thâu-nn̄g-chiàn sêng-kong phah-pāi Ò-chiu, Hô-lân, siōng-bóe chi̍t-tiôⁿ sui-jiân í 2:3 su hō͘ Hân-kok, tān-sī in-ūi Hô-lân iâⁿ Hân-kok chiâⁿ chē, iu-goân sī hun-cho͘ tē-1 chìn-ji̍p 8-kiông ho̍k-sài. Ho̍k-sài thâu-chi̍t-chiàn kah Ji̍t-pún phah kah tē-10-kio̍k chiah í 3 : 4 it-hun su-kiû, tē-jī-tiôⁿ hō͘ Kó͘-pa í 14 : 0 thê-chêng tī tē-7-kio̍k khő͘-tó͘, chiâⁿ-chò chit-pái sài-sū ho̍k-sài thâu-chi̍t-ê chhut-kio̍k-ê kok-ka, kah 4-kiông koat-sài bô-iân. 2017 nî Sè-kài Iá-kiû Keng-tián-sài, Tiong-hôa-tūi tùi-chiàn Í-sek-lia̍t, Hô-lân, Hân-kok lóng phah su (0-sèng 3-pāi), chiâⁿ-chò hun-cho͘ siōng-bóe chi̍t-miâ tô-thài, m̄-koh in-ūi āu-chi̍t-kài Keng-tián-sài tùi 16-tūi hùn-tōa kàu 20-tūi, só͘-í tit-tio̍h āu-chi̍t-kài Sè-kài Iá-kiû Keng-tián-sài ê chu-keh. 2023 nî Sè-kài Iá-kiû Keng-tián-sài thâu-chi̍t-chiàn tio̍h í 12 : 5 su hō͘ Pa-ná-ma, sui-jiân āu-lâi phah iâⁿ Hô-lân, Í-tāi-lī, m̄-koh phah-su Kó͘-pa liáu-āu in-ūi sit sioⁿ-chē hun, tī 5-tūi lóng sī 2-sèng 2-pāi ê chōng-hóng, sit-hun-lu̍t 0.886 chiâⁿ-chò A-cho͘ thiām-té, 2026 nî ài tùi Chu-keh-sài khai-sí phah. Tiong-hôa-tūi tī Chu-keh-sài lāi-té í 2-sèng 2-pāi chiâⁿ-chò hun-cho͘ tē-saⁿ chìn-ji̍p hù-ka-sài, lo̍h-bóe tī hù-ka-sài lāi-té í 6 : 3 phah-iâⁿ Se-pan-gâ chìn-ji̍p chèng-sài.
2009 nî, 2023 nî lóng hőng tô-thài, tì-sú sit-khì 2013 nî, 2026 nî chèng-sài ê chu-keh; ài tùi 2012 nî thâu-chi̍t-pái kí-pān ê 2013 nî Keng-tián-sài Chu-keh-sài, 2025 nî kí-pān ê 2026 nî Chu-keh-sài khai-sí phah. 2012 nî 11 goe̍h tī 2013 nî Keng-tián-sài Chu-keh-sài tit-tio̍h tē-4-cho͘ tē-1-miâ, tit-tio̍h 2013 nî Keng-tián-sài chèng-sài ê chu-keh. 2025 nî 2 goe̍h tī 2026 nî Keng-tián-sài Chu-keh-sài tit-tio̍h tē-1-cho͘ tē-3-miâ, phah iâⁿ hù-ka-sài tit-tio̍h 2026 nî Keng-tián-sài chèng-sài chu-keh.
| Chèng-sài | Chu-keh-sài | ||||||||||||
|---|---|---|---|---|---|---|---|---|---|---|---|---|---|
| Nî-hūn | Chú-pān-kok | Hôe-ha̍p | Miâ-chhù | Sèng | Pāi | Tit-hun | Sit-hun | Chú-pān-kok | Sèng | Pāi | Tit-hun | Sit-hun | |
| 2006 nî |  Ji̍t-pún /  Bí-kok/  Pho-to-lī-ko |
Ī-sài | 11 | 1 | 2 | 15 | 19 | Bô kí-hêng | |||||
| 2009 nî | Ji̍t-pún / Bí-kok / Pho-to-lī-ko /  Ka-ná-tāi /  Be̍k-se-ko |
Ī-sài | 14 | 0 | 2 | 1 | 13 | Bô kí-hêng | |||||
| 2013 nî | Ji̍t-pún / Bí-kok / Tiong-hôa Bîn-kok / Pho-to-lī-ko |
Ho̍k-sài | 8 | 2 | 3 | 17 | 25 | Tiong-hôa Bîn-kok |
3 | 0 | 35 | 0 | |
| 2017 nî | Ji̍t-pún / Bí-kok / Be̍k-se-ko /  Hân-kok |
Ī-sài | 14 | 0 | 3 | 20 | 32 | Chū-tōng chìn-kip | |||||
| 2023 nî | Ji̍t-pún / Bí-kok / Tiong-hôa Bîn-kok |
Ī-sài | 17 | 2 | 2 | 26 | 31 | Chū-tōng chìn-kip | |||||
| 2026 nî | Ji̍t-pún / Bí-kok / Pho-to-lī-ko |
Tiong-hôa Bîn-kok |
2 | 2 | 20 | 22 | |||||||
| Ha̍p-kè: 6 / 6 | 5 | 12 | 79 | 120 | 5 | 2 | 55 | 22 | |||||
.jpg)
2015 nî Tē-1-kài Sè-kài Iá-kiû 12-kiông Sài, Tiong-hôa-tūi í 1 : 4 phah-pāi Kó͘-pa, sī 29 nî lâi thâu-chi̍t-pái. (Téng-pái sī 1986 nî Sè-kài-poe)[9] tān-sī iu-goân tī ī-sài hőng tô-thài, lo̍h-bóe sī tē-9-miâ. 2019 nî Sè-kài Iá-kiû 12-kiông Sài, Tiong-hôa-tūi phah ji̍p-khì ho̍k-sài, tī Ji̍t-pún Chhian-ia̍p Hái-iôⁿ Kiû-tiôⁿ tùi-koat Lâm-hân-tūi, Tâi-oân í 7 : 0 phah-pāi Lâm-hân, sī Tâi-oân tī it-kip sài-sū lāi-té iâⁿ Lâm-hân siōng-chē ê chi̍t-chiàn, mā-sī Tâi-oân thâu-chi̍t-pái oân-hong Lâm-hân[10][11]. Chit-pái 12-kiông Tiong-hôa-tūi tī ho̍k-sài lo̍h-bóe sī 2-sèng 3-pāi, tit-tio̍h tē-5-miâ[12], che mā-sī Tiong-hôa-tūi 10-nî í-lâi tī kok-chè it-kip sài-sū lāi-té siōng-hó ê sêng-chek[13]. 2024 nî Sè-kài Iá-kiû 12-kiông Sài, Tâi-oân sêng-kong phah ji̍p-khì koan-kun-sài, lo̍h-bóe Tiong-hôa-tūi tī koan-kun-sài í 4 : 0 phah-pāi Ji̍t-pún-tūi, m̄-nā sī thâu-chi̍t-pái tit-tio̍h 12-kiông koan-kun, mā-sī tūi-sú thâu-chi̍t-pái tit-tio̍h 3-tōa-sài (Ò-ūn, WBC, 12-kiông) ê koan-kun, chhòng-hā Tâi-oân iá-kiû-sú siōng-hó ê kì-lo̍k[14], siāng-sî mā hō͘ Ji̍t-pún tī kok-chè it-kip sài-sū sè-kài koan-kun (2019 nî Sè-kài Iá-kiû 12-kiông Sài koan-kun, 2020 nî Hā-kùi Ò-ūn iá-kiû-sài kim-pâi, 2023 nî Sè-kài Iá-kiû Keng-tián-sài koan-kun) ê saⁿ-liân-pà kah kok-chè-sài 27 liân-sèng ê kì-lo̍k tn̄g-chām, mā-sī Tâi-oân thâu-chi̍t-pái phah iâⁿ choân-chit-gia̍p ê Ji̍t-pún-tūi.
| Sè-kài Iá-kiû 12-kiông Sài | Chham-sài chu-keh | |||||||
|---|---|---|---|---|---|---|---|---|
| Nî-hūn | Hôe-ha̍p | Miâ-chhù | Sèng | Pāi | Tit-hun | Sit-hun | Sè-kài pâi-miâ | |
| 2015 nî | Ī-sài | 9 | 2 | 3 | 27 | 25 | 4 | |
| 2019 nî | Chhiau-kip sûn-khoân-sài | 5 | 4 | 3 | 24 | 15 | 4 | |
| 2024 nî | Koan-kun-chiàn |  1 |
6 | 3 | 40 | 23 | 5 | |
| Ha̍p-kè: 3/3 | 12 | 9 | 91 | 63 | ||||
Hā-kùi Ò-ūn (Hui tēng-kî kí-pān)
[siu-kái | kái goân-sí-bé]1984 nî Lo̍k-sam-ki Ò-ūn, iá-kiû thâu-chi̍t-pái chiâⁿ-chò sī-hoān hāng-bo̍k, Tiong-hôa-tūi tit-tio̍h tâng-pâi. 1992 nî Barcelona Ò-ūn, iá-kiû hāng-bo̍k thâu-chi̍t-pái chiâⁿ-chò chèng-sek hāng-bo̍k, Tiong-hôa-tūi tit-tio̍h gîn-pâi. Sī Tâi-oân tī Ò-ūn iá-kiû hāng-bo̍k siōng-hó ê sêng-chek. Tiong-hôa-tūi í 2007 nî A-kím-sài tē-saⁿ-miâ ê chu-keh, chham-ka Ò-ūn Iá-kiû Chòe-chiong Chu-keh Pâi-miâ-sài (koh hō-chò "Peh Chhióⁿ Saⁿ Chu-keh-sài") tit-tio̍h kùi-kun, chìn-ji̍p 2008 nî Pak-kiaⁿ Ò-ūn. 2008 nî Pak-kiaⁿ Ò-ūn, Tiong-hôa-tūi tī chhái-iōng tu̍t-phòa kiong-kio̍k-chè ê iân-tn̂g-sài (12-kio̍k) lāi-té í 7 : 8 thâu-chi̍t-pái su hō͘ Tiong-kok.
- 1984 nî:
Sī-hoān-sài tâng-pâi - 1988 nî: Sī-hoān-sài tē-peh-miâ (Ī-sài B-cho͘ tē-sì)
- 1992 nî:
Gîn-pâi - 1996 nî: Bô chìn-kip chèng-sài
- 2000 nî: Bô chìn-kip chèng-sài
- 2004 nî: Tē-gō͘-miâ
- 2008 nî: Tē-gō͘-miâ
- 2020 nî: Bô chìn-kip chèng-sài
| Hā-kùi Ò-ūn | Chu-keh-sài | |||||||||||||
|---|---|---|---|---|---|---|---|---|---|---|---|---|---|---|
| Nî-hūn | Chú-pān-kok | Hôe-ha̍p | Miâ-chhù | Sèng | Pāi | Tit-hun | Sit-hun | Sài-sū | Miâ-chhù | Sèng | Pāi | Tit-hun | Sit-hun | |
| 1984 | Bí-kok |
Koat-sài |  3 (sī-hoān-sài) |
3 | 2 | 28 | 15 | |||||||
| 1988 | Hân-kok |
Ī-sài | 8 (sī-hoān-sài) | 0 | 3 | 4 | 12 | |||||||
| 1992 |  Se-pan-gâ |
Koat-sài |  2 |
6 | 3 | 67 | 34 | |||||||
| 1996 | Bí-kok |
|||||||||||||
| 2000 |  Ò-chiu |
|||||||||||||
| 2004 |  Hi-lia̍p |
Ī-sài | 5 | 3 | 4 | 24 | 28 | A-kím-sài |  2 |
2 | 1 | 12 | 14 | |
| 2008 |  Tiong-kok |
Ī-sài | 5 | 2 | 5 | 29 | 33 | Chòe-chiong Chu-keh-sài[lower-alpha 1] | 3 | 5 | 2 | 38 | 14 | |
| 2020 | Ji̍t-pún
|
Chòe-chiong Chu-keh-sài[lower-alpha 2] | Khì-sài | – | – | – | – | |||||||
| Ha̍p-kè: 3 / 6 | 14 | 17 | 152 | 122 | ||||||||||
- ↑ Í 2007 nî A-chiu Iá-kiû Kím-phiau-sài kùi-kun tit-tio̍h Chòe-chiong Chu-keh-sài ê chham-sài chu-keh.
- ↑ Í 2019 nî A-chiu Iá-kiû Kím-phiau-sài koan-kun tit-tio̍h Chòe-chiong Chu-keh-sài ê chham-sài chu-keh.
Sè-kài-poe Iá-kiû-sài (Í thêng-pān)
[siu-kái | kái goân-sí-bé]1984 nî Sè-kài-poe, Tiong-hôa-tūi í 6 : 1 phah-pāi Bí-kok-tūi, sī Tâi-oân thâu-chi̍t-pái tī chèng-sek kok-chè-sài phah-pāi Bí-kok, lo̍h-bóe tit-tio̍h a-kun. 2001 nî Sè-kài-poe Iá-kiû-sài, sī Sè-kài-poe thâu-chi̍t-pái tī Tâi-oân kí-hêng, lóng-chóng ū 16-tūi chham-sài, sī hit-tang-chūn Tâi-oân iá-kiû sú-siōng kui-bô͘ siōng-tōa ê kok-chè-sài. Kî-tiong Tâi-Bí-chiàn, hiān-tiôⁿ ū 25,000-ê koan-chiòng, sī Tâi-oân iá-kiû hit-tang-chūn tan-tiôⁿ siōng-chē lâng ji̍p-tiôⁿ ê kì-lo̍k. Pún-kài Sè-kài-poe in-ūi liân-sòa phah-pāi Ji̍t, Hân 2-tūi, ū A-chiu koan-kun ê siōng-teng ì-gī, mā-sī Tâi-oân tī Sè-kài-poe sú-siōng tē-3-pái tit-tio̍h tē-3-miâ. Mā in-ūi chit-pái sài-sū ê sêng-kong, khip-ín kiû-bê tńg-khì-kàu kiû-tiôⁿ chi-chhî Tâi-oân kok-lāi ê chit-gia̍p iá-kiû sài-sū[15]. 2007 nî Sè-kài-poe Iá-kiû-sài, Sè-kài-poe koh-chi̍t-pái tī Tâi-oân kí-hêng, lóng-chóng ū 16-tūi chham-sài, Tiong-hôa-tūi tī ī-sài tē-5-tiôⁿ í 5 : 9 su hō͘ Be̍k-se-ko, tī tē-7-tiôⁿ í 7 : 10 su hō͘ Bí-kok, koh tī ho̍k-sài liân-sòa su hō͘ Hô-lân, Hân-kok, Be̍k-se-ko, kan-na tit-tio̍h tē-8-miâ.
|
|
Chiu-chè-poe Iá-kiû-sài (Í thêng-pān)
[siu-kái | kái goân-sí-bé]
1983 nî Chiu-chè-poe, Tiong-hôa-tūi í 13 : 1 phah iâⁿ Kó͘-pa-tūi, sī thâu-chi̍t-pái phah-pāi sè-kài iá-kiû kiông-khoân Kó͘-pa. 1977 nî Ī-sài kah Ka-ná-tāi, Pho-to-lī-ko pēng-lia̍t tē-la̍k-miâ, ka-sài phah iâⁿ Ka-ná-tāi, su hō͘ Pho-to-lī-ko bô chìn-kip ho̍k-sài.
|
|
U-23 Sè-kài-poe Iá-kiû-sài (Pún-té sī 21U Sè-kài-poe)
[siu-kái | kái goân-sí-bé]2014 nî 21U Sè-kài-poe Iá-kiû-sài，Tiong-hôa-tūi tī koan-kun-sài í 9 : 0 oân-hong Ji̍t-pún, sī sêng-pāng tūi-sú thâu-chi̍t-pái tī chèng-sek sè-kài-sèng pí-sài lāi-té tit-tio̍h koan-kun. 2016 nî U-23 Sè-kài-poe Iá-kiû-sài, Tiong-hôa-tūi tī ī-sài hőng tô-thài liáu-āu pâi-miâ sī tē-7-miâ.
- 2014 nî (21U):
Koan-kun - 2016 nî: Tē-chhit-miâ
- 2018 nî: Tē-gō͘-miâ
- 2021 nî: Tē-la̍k-miâ
- 2022 nî:
Kùi-kun - 2024 nî: Tē-peh-miâ
Chhù-iàu Sài-sū
[siu-kái | kái goân-sí-bé]2015 nî tī Hân-kok Kong-chiu kí-pān ê Sè-kài Tāi-ha̍k Ūn-tōng-hōe, Tiong-hôa-tūi kah Ji̍t-pún pēng-lia̍t kim-pâi (in-ūi lo̍h-hō͘ chhú-siau kim-pâi-chiàn), sī sêng-pāng tūi-sú thâu-chi̍t-pái tī sè-kài-sèng chong-ha̍p ūn-tōng pí-sài lāi-té tit-tio̍h kim-pâi. 2017 nî Hā-kùi Sè-kài Tāi-ha̍k Ūn-tōng-hōe iá-kiû pí-sài, Tiong-hôa-tūi tī ī-sài í 3 : 4 su hō͘ Hoat-kok, 11 : 0 phah iâⁿ chia̍t-khek, 3 : 6 su hō͘ Lâm-hân phah su nn̄g-tiôⁿ koan-kiān pí-sài liáu-āu bô-hoat-tō͘ chìn-kip ho̍k-sài, tī 5-8 miâ pâi-miâ-chiàn lāi-té 11 : 1, 15 : 0 phah iâⁿ Be̍k-se-ko kah Lō͘-se-a liáu-āu tit-tio̍h tē-5-miâ[16].
- 2002 nî: Tē-sì-miâ
- 2004 nî: Tē-sì-miâ
- 2006 nî:
A-kun - 2008 nî: Kùi-kun
- 2010 nî: Tē-la̍k-miâ
- 2018 nî: A-kun
A-chiu Sài-sū
[siu-kái | kái goân-sí-bé]2006 nî Tō͘-ha A-ūn, 5chiàn choân-iâⁿ, phah-pāi Hân-kok, Thài-kok, Tiong-kok, Hui-li̍p-pin kah Ji̍t-pún, lo̍h-bóe tit-tio̍h kim-pâi, sī Tiong-hôa-tūi tī A-ūn kā iá-kiû tòng-chò chèng-sek hāng-bo̍k liáu-āu thâu-chi̍t-pái tit-tio̍h kim-pâi. 2018 nî Jakarta A-ūn, tī ī-sài tē-it-tiôⁿ sài-sū tùi-chiàn Hân-kok, í 2 : 1 phah iâⁿ, mā-sī 2006 nî Tō͘-ha A-ūn liáu-āu keh 12-tang koh-chi̍t-pái tī kok-chè-sài lāi-té phah-pāi iû chit-pāng soán-chhiú cho͘-sêng ê Hân-kok-tūi, jî-chhiáⁿ chit-pái Tiong-hôa-tūi koh-sī gia̍p-î kiû-oân cho͘-sêng ê[17], pún-kài A-ūn lo̍h-bóe tit-tio̍h tâng-pâi[18].
in-ūi iá-kiû hō͘ Ò-ūn tùi 28-hāng kò͘-tēng hāng-bo̍k lāi-té thâi-tiāu, A-ūn mā siū-tio̍h éng-hióng, 2010 nî Kńg-chiu A-ūn liáu-āu iá-kiû chiâⁿ-chò hui-tēng-kî kí-pān ê hāng-bo̍k, 2014 nî Jîn-chhoan A-ūn ê iá-kiû hāng-bo̍k sī chú-pān-tē ka-tī kéng ê hāng-bo̍k chi-it.
- 1990 nî:
Sī-hoān-sài kim-pâi - 1994 nî:
Tâng-pâi - 1998 nî: Tâng-pâi
- 2002 nî:
Gîn-pâi - 2006 nî: Kim-pâi
- 2010 nî: Gîn-pâi
- 2014 nî: Gîn-pâi
- 2018 nî: Tâng-pâi
- 2022 nî: Gîn-pâi
1954 nî 12 goe̍h 18 kàu 24, Hui-li̍p-pin kí-pān thâu-chi̍t-kài A-kím-sài, che sī Tiong-hôa Bîn-kok Iá-kiû Tāi-piáu-tūi thâu-chi̍t-pái chham-ka kok-chè-sài. Chit-kài ê sài-sū kàn-na ū 4-tūi chham-sài, sī Tiong-hôa Bîn-kok, Ji̍t-pún, Hân-kok, Hui-li̍p-pin, chit 4-tūi mā-sī tī hit-nî gō͘ goe̍h sêng-li̍p ê A-chiu Iá-kiû Chóng-hōe ê chhòng-sí hōe-oân-kok. Tān-sī Tiong-hôa Bîn-kok ê thâu-chi̍t-tiôⁿ kok-chè-sài lo̍h-bóe í 3-chiàn lóng su thiām-té ê sêng-chek kiat-sok. 1955 nî, tī tē-2-kài A-kím-sài lāi-té, Tiong-hôa Bîn-kok í 3-sèng 3-pāi ê sêng-chek tit-tio̍h tē-2-miâ. 1983 nî kah Ji̍t-pún, Hân-kok pēng-lia̍t koan-kun. 1985 nî kah Hân-kok pēng-lia̍t a-kun. 1989 nî kah Ji̍t-pún, Hân-kok pēng-lia̍t koan-kun. 2012 nî A-kím-sài, Tiong-hôa-tūi í 7 : 0 phah iâⁿ Hân-kok-tūi, sī kú-tn̂g-lâi Tiong-hôa Sêng-pāng-tūi iâⁿ Hân-kok-tūi siōng-chē ê chi̍t-tiôⁿ[19][20]. 2019 nî A-chiu Iá-kiû Kím-phiau-sài ê koat-sài, Tiong-hôa-tūi í 5 : 4 phah-pāi Ji̍t-pún-tūi, mā-sī 2001 nî A-kím-sài liáu-āu keh 18-tang koh-chi̍t-pái tī A-kím-sài phah-pāi Ji̍t-pún-tūi, pēng-chhiáⁿ tit-tio̍h tūi-sú tē-5-koan.
Chū-chiông iá-kiû hō͘ Ò-ūn tùi kò͘-tēng hāng-bo̍k thâi-tiāu liáu-āu, kok-kok tùi chú-pān A-kím-sài bô-siáⁿ hèng-chhù, tī 2009 nî liáu-āu chiâⁿ-chò hui-tēng-kî kí-pān ê sài-sū.
|
|
2017 nî A-chiu Chit-pāng Koan-kun Cheng-pà-sài, Tiong-hôa-tūi tī ī-sài í 0 : 1 su-hō͘ Hân-kok, 2 : 8 su hō͘ Ji̍t-pún, tī tē-it-kài sài-sū lāi-té tit-tio̍h tē-3-miâ, Ông Phek-iông, Chu Io̍k-hiân tit-tio̍h tāi-hōe ê chòe-ka-cha̍p-jîn[21][22].
Tang-a Ūn-tōng-hōe (Í thêng-pān)
[siu-kái | kái goân-sí-bé]2013 nî Thian-chin Tang-a-ūn ī-sài, sui-jiân Tiong-hôa-tūi bat iōng 11：0 khő͘-tó͘ Ji̍t-pún (7-kio̍k); tān-sī tī tu̍t-phòa kiong-kio̍k-chè ê iân-tn̂g-sài (10-kio̍k) lāi-té í 3 : 4 tē-saⁿ-pái su hō͘ Tiong-kok.
- 2013 nî:
Tâng-pâi
Kiû-saⁿ
[siu-kái | kái goân-sí-bé]| 1984 chìn-chêng | 1984～1999 nî | 1999～2003 nî | |||
|---|---|---|---|---|---|
        Kheh-tiôⁿ |
   Chú-tiôⁿ |
 Kheh-tiôⁿ |
Chú-tiôⁿ |
 Kheh-tiôⁿ |
Chú-tiôⁿ |
| 2003～2012 nî | 2012～2016 nî, 2018～2023 nî | 2017 nî: Keng-tián-sài | |||
 Kheh-tiôⁿ |
 Chú-tiôⁿ |
 Kheh-tiôⁿ |
Chú-tiôⁿ |
Kheh-tiôⁿ |
Chú-tiôⁿ |
| 2017 nî: A-koan-sài | 2024 nî: 12-kiông Sài～ | ||||
    Kheh-tiôⁿ |
  Chú-tiôⁿ |
  Kheh-tiôⁿ |
Chú-tiôⁿ | ||
Siong-koan Bûn-chioⁿ
[siu-kái | kái goân-sí-bé]- Tiong-hôa Tâi-pak Lú-chú Iá-kiû Tāi-piáu-tūi
- Tiong-hôa Bîn-kok Iá-kiû Hia̍p-hōe
- Tâi-oân Iá-kiû-sú
- Tiong-hôa Tâi-pak
- Sè-kài Pāng-lúi-kiû Liân-bêng
- Kok-chè Iá-kiû Chóng-hōe Sè-kài Pâi-miâ
- Koan-kun Chi Lō͘ Team Taiwan (12-kiông tiān-iáⁿ)
Chham-khó Chu-liāu
[siu-kái | kái goân-sí-bé]- ↑ "奧會會籍問題（台灣棒球維基館）". Goân-pún bāng-ia̍h Pó-chûn tī 2007-11-02. 2006-08-29 khòaⁿ--ê.
- ↑ 鍾東穎 (2024年11月28日). "最新世界排名！中華隊12強賽奪冠獨佔第2 日媒關注：逼近世界第1". NOWnews 今日新聞. Archived from the original on 2024-12-07. 2024-11-28 khòaⁿ--ê.
- ↑ "重要國際棒賽國家隊 體育署：中華職棒組訓". Goân-pún bāng-ia̍h Pó-chûn tī 2017-12-01. 2017-11-20 khòaⁿ--ê.
- ↑ "台灣棒球隊第一屆菲島遠征代表出賽的嘉農畢業生合影。". 《數位典藏與數位學習聯合目錄》.
- ↑ 謝仕淵 (2017-11-10). "第二章 四零到六零年代". 新版 臺灣棒球一百年. 玉山社. ISBN 9789862941744.
- ↑ 王御風、蔡博任 (2014-08-01). 圖解台灣棒球史. 好讀. ISBN 9789861783260.
- ↑ "台省棒球隊，遠征菲律賓". 正氣中華報. 1951-01-26.
- ↑ 謝東閔先生全集. 二. 國史館. 2005-03. p. 159. ISBN 9789860006568.
- ↑ 台灣隊投打俱佳 4比1擊敗古巴奪29年來首勝 Archived 2016-03-13 at the Wayback Machine.，蘋果日報，2015-11-14
- ↑ 12強／對韓勝差最大一戰 球迷沸騰 Archived 2019-11-13 at the Wayback Machine.，聯合新聞網，2019-11-13
- ↑ 精彩片段：2019 WBSC 十二強大賽 中華 v.s 韓國 Archived 2019-11-14 at the Wayback Machine.，WBSC，2019-11-12
- ↑ 12強中華隊擊敗澳洲獲第5名 用勝利畫句點 Archived 2019-11-16 at the Wayback Machine.，中央通訊社，2019-11-16
- ↑ 第五名是史上最強！球迷搬「台灣一級賽事」戰績 Archived 2022-07-05 at the Wayback Machine.，中央通訊社，2019-11-16
- ↑ 12強賽／見證歷史！中華隊奪冠中止日本27連勝 三大賽首度稱霸 Archived 2025-01-25 at the Wayback Machine.，聯合新聞網，2024-11-24
- ↑ "世棒中華摘銅 古巴七連霸". 聯合報. 2001年11月19日. Goân-pún bāng-ia̍h Pó-chûn tī 2007-11-16. 2001-11-19 khòaⁿ--ê.
- ↑ "棒球／只奪第五名 教頭郭李：回去再練". Goân-pún bāng-ia̍h Pó-chûn tī 2017-12-01. 2017-11-21 khòaⁿ--ê.
- ↑ 就是要贏韓國 台韓大戰棒球2：1勝 Archived 2018-09-02 at the Wayback Machine.，2018-08-26
- ↑ 中華隊8局扣倒大陸 收亞運隊史第三面銅牌 Archived 2018-09-02 at the Wayback Machine.，聯合新聞網，2018-09-01
- ↑ "亞錦賽／18歲小將曾仁和領軍 中華隊完封韓國". 今日新聞網. 2012年12月2日. Goân-pún bāng-ia̍h Pó-chûn tī 2013-06-02. 2012-12-02 khòaⁿ--ê.
- ↑ "棒球亞錦賽 中華隊7:0完封韓國". 原住民族電視台. 2012年12月3日. Goân-pún bāng-ia̍h Pó-chûn tī 2013-05-30. 2012-12-03 khòaⁿ--ê.
- ↑ "亞冠賽／中職2：8輸日本 投打技不如人遭淘汰". Goân-pún bāng-ia̍h Pó-chûn tī 2017-12-01. 2017-11-20 khòaⁿ--ê.
- ↑ "亞冠賽／台灣第三名作收 朱育賢、王柏融獲最佳九人". Goân-pún bāng-ia̍h Pó-chûn tī 2017-11-20. 2017-11-20 khòaⁿ--ê.
Gōa-pō͘ Liân-kiat
[siu-kái | kái goân-sí-bé]
- (Hàn-gí)Tiong-hôa Bîn-kok Iá-kiû Hia̍p-hōeArchived 2006-02-03 at the Wayback Machine.
- Tâi-oân Pāng-kiû Wiki-koán：中華隊(Hàn-gí)