Tiong-hôa Bîn-kok liû-bông chèng-hú lūn

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Tiong-hôa Bîn-kok liû-bông chèng-hú lūn (中華民國流亡政府論) sī Tiong-hôa Bîn-kok Chèng-hú thóng-tī Tâi-oân ê chi̍t chióng tē-ūi lūn-su̍t, sī kin-kì Tâi-oân tē-ūi bī-tēng lūn tùi Tiong-hôa Bîn-kok chāi Tâi-oân ê tēng-ūi. Chit-ê koan-tiám jīn-ûi, Tiong-hôa Bîn-kok Chèng-hú tī 1949 nî hō͘ Tiong-kok Kiōng-sán Tóng kek-pāi liáu-āu, ùi Tiong-kok liû-bông Tâi-oân, pēng í si̍t-bîn thé-chè chìn-hêng thóng-tī. Tī 2000 nî kàu 2008 nî Tân Chúi-píⁿ chèng-hú sî-kî, chit-ê koan-tiám khah chió pī mûi-thé koan-chù. Tān-sī tī 2008 nî Má Eng-kiú chèng-hú sî-kî, chit-ê koan-tiám chài-tō͘ heng-khí. Sî-jīm Bîn-chìn-tóng chú-se̍k Chhòa Eng-bûn tī 2010 nî 5 goe̍h 25 hō, tī chi̍t tiûⁿ chō-tâm-hōe siōng piáu-sī: "Tiong-hôa Bîn-kok sī chi̍t ê liû-bông chèng-hú", ín-hoat nâ-iâⁿ ê put-boán. 2016 nî, Chhòa Eng-bûn tāi-piáu Bîn-chìn-tóng iâⁿ-tit chóng-thóng tāi-soán, chò-ûi Tiong-hôa Bîn-kok Chóng-thóng, i m̄-bat koh kè-sio̍k chú-tiuⁿ "Tiong-hôa Bîn-kok sī chi̍t ê liû-bông chèng-hú" ê koan-tiám, m̄-koh mā bô kong-khai hó͘-jīn chit-ê koan-tiám.