Tiong-hôa Jîn-bîn Kiōng-hô-kok Hù-chú-se̍k

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Tiong-hôa Jîn-bîn Kiōng-hô-kok Hù-chú-se̍k (中華人民共和國副主席), kán-chheng Kok-ka Hù-chú-se̍k (國家副主席), sī Tiong-hôa Jîn-bîn Kiōng-hô-kok kok-ka ki-kò͘ lāi-pō͘ nn̄g tōa chit-ūi chi-it, ū chin koân ê êng-ū sèng-chit, hū-chek lé-gî-sèng ê gōa-kau kang-chok, ah kám ū si̍t-khoân ài khòaⁿ tam-jīm-chiá tī Tiong-kok Kiōng-sán Tóng lāi ê tē-ūi kap chit-bū. Chiàu hiān-hêng ê Tiong-hôa Jîn-bîn Kiōng-hô-kok Hiàn-hoat ê kui-tēng, hù-chú-se̍k hia̍p-chō͘ Kok-ka Chú-se̍k kang-chok; siū chú-se̍k ê úi-thok, ē-tàng tāi hêng-sú chú-se̍k ê pō͘-hūn chit-khoân; tī chú-se̍k khoat-ūi ê sî-chūn, iû hù-chú-se̍k kè-jīm chú-se̍k ê chit-ūi; hù-chú-se̍k khoat-ūi ê sî-chūn, iû Choân-kok Jîn-bîn Tāi-piáu Tāi-hōe chìn-hêng pó͘-soán.