Tiong-hôa Kiōng-hô-kok
Tiong-hôa Kiōng-hô-kok Jîn-bîn Kek-bēng Chèng-hú (中華共和國人民革命政府) sī 1933 nî Hok-kiàn sū-piàn kî-kan, iû Tân Bêng-chhu kap Lí Chè-chhim téng Tiong-kok Kok-bîn Tóng lāi-pō͘ hoán-tùi Chiúⁿ Kài-se̍k ê chó-phài kap Cha̍p-káu-lō͘-kun tī Hok-kiàn kiàn-li̍p ê chèng-koân; chêng-āu chóng-kiōng 53 kang, chòe-āu pī Kok-bîn Chèng-hú pêng-tēng. Tiong-hôa Jîn-bîn Kiōng-hô-kok hō-chò Hok-kiàn Jîn-bîn Chèng-hú (福建人民政府) ia̍h Hok-kiàn Jîn-bîn Kek-bēng Chèng-hú (福建人民革命政府). Tiong-hôa Kiōng-hô-kok chèng-hú chú-sek sī Lí Chè-chhim, chip-chèng-tóng sī Seng-sán Jîn-bîn Tóng. Kek-bēng Chèng-hú kā Hok-kiàn pun chò 4 ê séng (Bân-hái, Iân-kiàn, Heng-choân kap Liông-teng) kap 2 ê te̍k-pia̍t-chhī (Hok-chiu kap Ē-mn̂g). Chit-ê chèng-koân bô tit-tio̍h jīm-hô kok-ka ê sêng-jīm.