Tiong-sìn Hiaⁿ-tī

Tiong-sìn Hiaⁿ-tī
tóng-àn:Cpbl-stats-chinatrust-brothers.png
Só͘-sio̍k liân-bêng	Tiong-hôa Chit-gia̍p Pāng-kiû Tāi Liân-bêng
Kiû-thoân hoat-jîn	Tiong-kok Sìn-thok Io̍k-lo̍k Kó͘-hūn Iú-hān Kong-si
Sêng-li̍p sî-kan	1984-nî
Kiat-sok sî-kan
Le̍k-sú	Hiaⁿ-tī Pn̄g-tiàm Iá-kiû-tūi (1984-nî－1989-nî) Hiaⁿ-tī Chhiūⁿ (1990-nî－2013-nî) Tiong-sìn Hiaⁿ-tī (2014-nî－)
Só͘-chai-tē	Tâi-tiong-chhī
Chú-tiôⁿ	Tâi-tiong Chiu-chè Iá-kiû-tiôⁿ
Tūi-hùn	Khó͘-liān koat sèng-hū, jîn-phín tēng iu-loat (苦練決勝負，人品定優劣)
Ióng-iú-chiá	Tiong-sìn Kim-khòng
Léng-tūi	Lâu Chì-ui
Chóng-kàu-liān	Hirano Keiichi
Siōng-bóe chi̍t-ê léng-tūi	{{{last_leader}}}
Siōng-bóe chi̍t-ê chóng-kàu-liān	{{{last_manager}}}
Liân-bêng koan-kun	{{{league_champs}}}
{{{series}}} koan-kun	{{{series_champs}}}
{{{series2}}} koan-kun	{{{series2_champs}}}
Kùi-koan-kun	20-pái 1992 téng 1992 ē 1993 téng 1994 téng 1994 ē 2001 ē 2002 téng 2002 ē 2003 ē 2009 ē 2010 ē 2014 ē 2015 ē 2016 téng 2019 ē 2020 téng 2021 téng 2022 ē 2024 ē 2025 ē
Nî-tō͘ chóng-koan-kun	10-pái 1992 1993 1994 2001 2002 2003 2010 2021 2022 2024
Tāi-piáu-sek	N̂g-sek
Koaⁿ-hong bāng-chí	www.brothers.tw

Tiong-sìn Hiaⁿ-tī sī Tiong-hôa Chit-pāng ê kiû-tūi chi-it, Chú-tiûⁿ tī Tâi-tiong Chiu-chè Iá-kiû-tiûⁿ. Chiân-sin Hiaⁿ-tī Chhiūⁿ sī Tiong-chit ê chhòng-sí kiû-tūi chi-it. Pau-hâm chiân-sin Heng-tē Chhiūⁿ lóng-chóng ū 20 ê kùi koan-kun, sī choân liân-bêng siōng chē; chóng-koan-kun ū 10 ê, kah Thóng-it Sai pêⁿ chē, kāng-khoán sī choân liân-bêng siōng chē. Sui-jiân Tiong-sìn Keng kah Tiong-sìn Hiaⁿ-tī lóng hőng kiò-chò Tiong-sìn, tān-sī le̍k-sú-siōng Tiong-sìn Keng kah Tiong-sìn Hiaⁿ-tī hōaⁿ-pôaⁿ ê bô-kâng, jî-chhiáⁿ Tiong-sìn Hiaⁿ-tī mā sêng-chiap Hiaⁿ-tī Chhiūⁿ ê le̍k-sú, só͘-í tī Tiong-chit kah koaⁿ-hong kì-lo̍k téng-koân mā-sī kah chiân-sin Hiaⁿ-tī Chhiūⁿ ê tūi-sú sio-chiap.

Le̍k-sú

Hiaⁿ-tī Chhiūⁿ sî-kî ūi-tī Tâi-pak-chhī Khèng-siâⁿ-ke ê siong-phín-pō͘

Hiaⁿ-tī Chhiūⁿ sî-kî ê kiû-tūi bá-suh

Hiaⁿ-tī Chhiūⁿ sî-kî ê pí-sài kiû-saⁿ

Hiaⁿ-tī Pn̄g-tiàm Iá-kiû-tūi (1984-nî－1989-nî)

1984-nî 9-goe̍h 1-hō, jia̍t-ài iá-kiû ê Hiaⁿ-tī Tōa-pn̄g-tiàm Âng--ka 5-hiaⁿ-tī koat-tēng sêng-li̍p "Hiaⁿ-tī Pn̄g-tiàm Iá-kiû-tūi", sī tē-1-tāi Hiaⁿ-tī Chhiūⁿ tūi, kiû-oân lóng-chóng 13 lâng, iû Chan Kì-un tam-jīm chóng-kàu-liān. 1985-nî 3-goe̍h 12, tit-tio̍h Tiong-chèng-poe Sêng-pāng It-cho͘ Kím-phiau-sài koan-kun, chiâⁿ-chò kap-cho͘ sêng-pāng ê tē-10-tūi. Keh-nî tī tē-1-kài Kap-cho͘ Sêng-pāng Liân-sài chhòng-chō 14 liân-sèng ê kì-lo̍k, tit-tio̍h thâu-chi̍t-ê kap-cho͘ sêng-pāng pí-sài koan-kun. 1986-nî 11-goe̍h 1-hō, Hiaⁿ-tī Tōa-pn̄g-tiàm Iá-kiû-tiûⁿ khé-iōng, chiâⁿ-chò tē-1-ki ū ka-kī choan-iōng kiû-tiûⁿ ê kiû-tūi. 1988-nî 9-goe̍h 5-hō, "Chit-pāng Tiû-pī Úi-oân-hōe" khak-tēng Hiaⁿ-tī, Thóng-it, Sam-siong, Bī-choân sī Tiong-hôa Chit-pāng chhòng-sí ê 4-ê kiû-thoân.

Hiaⁿ-tī Chhiūⁿ (1990-nî－2013-nî)

1990-nî－1999-nî

1990-nî 3-goe̍h 17 Tiong-hôa Chit-pāng khai-bō͘-chiàn tī Tâi-pak Chhī-li̍p Iá-kiû-tiûⁿ chìn-hêng, lo̍h-bóe Hiaⁿ-tī Chhiūⁿ í 3:4 phah-su Thóng-it Sai, Tiuⁿ Éng-chhiong chiâⁿ-chò chit-pāng thâu-chi̍t-ê pāi-chiàn tâu-chhiú. 4-goe̍h 5-hō Sam-siong Hó͘ kah Hiaⁿ-tī Chhiūⁿ 4:4 pêⁿ-chhiú, sī Tiong-hôa Chit-pāng le̍k-sú-siōng tē-1-pái hô-kio̍k. 4-goe̍h 29 Liông-Chiūⁿ-chiàn, Tâi-pak kiû-tiûⁿ thâu-chi̍t-pái móa-tiûⁿ (16,000 lâng). 1992-nî Hiaⁿ-tī Chhiūⁿ téng, ē-pòaⁿ-kùi lóng the̍h-tio̍h koan-kun, kin-kì hit-tang-chūn ê kui-tēng, m̄-bián phah kùi-āu-sài chū-tōng tio̍h chiâⁿ-chò Chit-pāng 3-nî ê chóng-koan-kun, 1993-nî koh í 4 sèng 2 pāi phah-iâⁿ Thóng-it Sai, chiâⁿ-chò Chit-pāng 4-nî ê chóng-koan-kun, mā sī Tiong-hôa Chit-pāng thâu-chi̍t-ê jī-liân-pà ê kiû-tūi. 1994-nî Hiaⁿ-tī Chhiūⁿ koh-chi̍t-pái the̍h-tio̍h téng, ē-pòaⁿ-kùi koan-kun, oân-sêng Tiong-hôa Chit-pāng le̍k-sú-siōng thâu-chi̍t-pái ê saⁿ-liân-pà. 1996-nî 8-goe̍h 3-hō, Tân Gī-sìn, Âng It-tiong, Lí Bûn-thoân, Tân E̍k-siông, Ngô͘ Ho̍k-liân 5-ê-lâng tī Tâi-tiong hō͘ o͘-tō khe̍h chhèng ah cháu. Kāng-nî 11-goe̍h kúi-nā ê Tiong-chit kiû-oân thiàu-chô khì Tâi-oân Tōa-liân-bêng.

2000-nî－2013-nî

2001-nî Hiaⁿ-tī Chhiūⁿ tī 1 sèng 3 pāi ê su-bīn chi-hā liân-iâⁿ 3-tiûⁿ, í 4 sèng 3 pāi tò-iâⁿ, tit-tio̍h Chit-pāng 12-nî ê chóng-koan-kun, 2002-nî koh phah-iâⁿ Tiong-sìn Keng the̍h-tio̍h Chit-pāng 13-nî chóng-koan-kun, oân-sêng liân-pà, 2003-nî tī Tâi-oân Tōa-sài í 4 sèng 2 pāi phah iâⁿ Hèng-lông Gû, oân-sêng tūi-sú tē-2-pái ê saⁿ-liân-pà. Tān-sī 2008-nî tī Chóng-koan-kun-sài phah-su Thóng-it Sai, Hiaⁿ-tī Chhiūⁿ tit-tio̍h tūi-sú thâu-1-ê a-kun. 2009-nî 10-goe̍h 24 Tâi-oân Tōa-sài tē-6-tiûⁿ tī Tâi-lâm Iá-kiû-tiûⁿ tùi-chiàn Thóng-it-sai phah kah 17-kio̍k chiah kiat-sok, sī Tiong-hôa Chit-pāng siōng tn̂g ê iân-tn̂g-chiàn, lóng-chóng 6 tiám-cheng 14 hun, tān-sī 10-goe̍h 25 Hiaⁿ-tī phah-su Thóng-it, chiâⁿ-chò le̍k-sú-siōng thâu-chi̍t-ê liân-sòa 2-tang tī Tâi-oân Tōa-sài sit-lī ê kiû-tūi. Tī koan-kun-chiàn kiat-sok liáu-āu, 10-goe̍h 26 sûi po̍k-hoat ké-kiû sū-kiāⁿ, in-ūi chit-pái sia̍p-àn ê kiû-oân lāi-té tāi-pō͘-hūn sī Hiaⁿ-tī Chhiūⁿ ê kiû-oân, só͘-í koh hō-chò "O͘-Chhiūⁿ Sū-kiāⁿ". 2010-nî Hiaⁿ-tī Chhiūⁿ 4 chiàn choân iâⁿ phah iâⁿ Hèng-lông Gû, the̍h-tio̍h tūi-sú tē-7-ê chóng-koan-kun, mā sī Hiaⁿ-tī Chhiūⁿ ê siōng-bóe chi̍t-ê chóng-koàn-kun. 2013-nî 10-goe̍h 19 Hiaⁿ-tī Chhiūⁿ kiû-thoân táng-sū-tiúⁿ Âng Sūi-hô tī kì-chiá-hōe téng-koân soat-bêng, in-ūi keng-êng chit-pāng 24-nî liáu-chîⁿ chhiau-kòe 10-ek kho͘, Hiaⁿ-tī Tōa-pn̄g-tiàm í-keng bô-hoat-tō͘ kè-sio̍k keng-êng, Âng Sūi-hô piáu-sī in thiám--ah, beh hioh-khùn--ah, ē tī nî-té chhōe bé-chhiú. 11-goe̍h 9-hō À-chiu Chit-pāng Tōa-sài kí-pān ê jia̍t-sin-sài tē-2-tiûⁿ, Hiaⁿ-tī Chhiūⁿ kah Thóng-it Sai pêⁿ-chhiú. Chit tiûⁿ pí-sài mā sī Hiaⁿ-tī Chhiūⁿ ê siōng-bóe chi̍t-tiûⁿ chèng-sek pí-sài, sài-āu kiû-bê tìm n̂g-sek sek-tòa hiòng Hiaⁿ-tī Chhiūⁿ sio-sî. 12-goe̍h 3-hō, Hiaⁿ-tī Tōa-pn̄g-tiàm soan-pò͘ beh kā kiû-tūi bē-hō͘ Tiong-sìn Kim-khòng。

Tiong-sìn Hiaⁿ-tī (2014-nî－)

2014-nî－2020-nî: Chiù-chhàm tián-ui, 7 nî 6 a

2015-nî khai-sí, í Tâi-tiong Chiu-chè Iá-kiû-tiûⁿ chò chú-kiû-tiûⁿ.

2014-nî 1-goe̍h Tiong-sìn Kim-khòng kong-pò͘ sin-ê tūi-miâ sī "Tiong-sìn Hiaⁿ-tī", pó-liû goân-pún ê tāi-piáu-sek n̂g-sek kah tāi-piáu tōng-bu̍t chhiūⁿ。10-goe̍h tit-tio̍h í-keng 3-tang m̄-bat the̍h-tio̍h ê kùi-koan-kun, tān-sī lo̍h-bóe tī Tâi-oân Tōa-sài í 1 sèng 4 hū su Lamigo Thô-oân。2015-nî soan-pò͘ jīn-ióng Tâi-tiong Chiu-chè Iá-kiû-tiûⁿ. 10-goe̍h Tiong-sìn Hiaⁿ-tī tī Tâi-oân Tōa-sài tang-tiong, bat tit-tio̍h 3 sèng 1 pāi, tān-sī lo̍h-bóe Lamigo Thô-oân tò-iâⁿ, 2016-nî Chóng-koan-kun-sàií 2 sèng 4 pāi phah-su Gī-tāi Sai-gû, 2017-nî in-ūi Lamigo Thô-oân tit-tio̍h siōng, ē-pòaⁿ-kùi koan-kun, nî-tō͘ tē-3 ê Tiong-sìn Hiaⁿ-tī ē-sái kah nî-tō͘ tē-2-miâ ê Thóng-it Sai chìn-hêng Kùi-āu Thiau-chiàn-sài, lo̍h-bóe í 3 sèng 1 pāi phah-iâⁿ Thóng-it Sai, chìn-ji̍p Tâi-oân Tōa-sài, tān-sī koh í 1 sèng 4 pāi su hō͘ Lamigo Thô-oân, liân-sòa 4 tang tī Tâi-oân Tōa-sài sit-lī. 2018-nî sui-jiân sêng-chek 4-tūi siōng-bái, tān-sī tī soán-siù-hōe soán-tio̍h chiok-chē āu-ji̍t chiâⁿ-chò Tiong-sìn Hiaⁿ-tī chú-le̍k ê kiû-oân, mā-sī Hiaⁿ-tī choán-hêng tiōng-iàu ê chi̍t tang. 2019-nî koh phah ji̍p-khì Tâi-oân Tōa-sài, tān-sī lo̍h-bóe í 1 sèng 4 pāi koh chi̍t-pái su-hō͘ Lamigo Thô-oân. 2020-nî Hiaⁿ-tī tī 2015-nî ê ok-bāng koh chi̍t-pái chhut-hiān, tī Tâi-oân Tōa-sài tit-tio̍h 3:1 thiaⁿ-pâi ê iu-sè liáu-āu, lo̍h-bóe hō͘ Thóng-it Sai péng-pôaⁿ, Tiong-sìn Hiaⁿ-tī tò-su, sī 7-nî í-lâi tē-6-pái tī Tâi-oân Tōa-sài sit-lī.

2021-nî－2022-nî: Cha̍p-nî it-khek, tit-tio̍h jī-liân-pà

2021-nî, Tiong-sìn Hiaⁿ-tī 4-chiàn choân-iâⁿ, phah-iâⁿ Thóng-it 7-ELEVEn Sai, chóng-sǹg-sī the̍h-tio̍h tūi-sú tē-8-ê, 11-nî m̄-bat the̍h-tio̍h ê chóng-koan-kun, mā sī Tiong-sìn Kim-khòng chiap-chhiú liáu-āu ê thâu-chi̍t-ê chóng-koan-kun, kiat-sok "7 nî 6 a" ê chiù-chhàm。2022-nî Tiong-sìn Hiaⁿ-tī koh-chi̍t-pái phah ji̍p-khì Tâi-oân Tōa-sài, pēng-chhiáⁿ 4-chiàn choân-iâⁿ phah-iâⁿ Lo̍k-thian Thô-oân tit-tio̍h chóng-koan-kun, oân-sêng jī-liân-pà. Che mā sī Hiaⁿ-tī Chhiūⁿ tī chóng-koan-kun-sài lāi-té thâu-chi̍t-pái tī chú-tiûⁿ hong-ông。

2023-nî: Ōe-bián sit-lī, bô-iân saⁿ-liân-pà

2023-nî 5-goe̍h 10-hō, Tiong-sìn Hiaⁿ-tī hiông-hiông kā chhōa kiû-tūi the̍h-tio̍h jī-liân-pà ê it-kun chóng-kàu-liān Lîm Ui-chō͘ ōaⁿ-tiāu, kái-chò Phêⁿ Chèng-bín. In-ūi siuⁿ tu̍t-jiân--ah, hō͘ kiû-bê hui-siông ê bô-lí-kái。10-goe̍h 22, Tiong-sìn Hiaⁿ-tī phah-su Lo̍k-thian Thô-oân, khak-tēng bô-hoat-tō͘ phah chóng-koan-kun-sài, bô-iân saⁿ-liân-pà。

2024-nî: Tiōng-hoán êng-iāu, cha̍p-koan ta̍t-sêng

2024-nî 9-goe̍h 21 kàu 9-goe̍h 22, tī Tâi-pak Tōa-kī-tàn kí-pān Chiu Su-chê ín-thè-sài, ka-siōng Gō͘-goe̍h-thiⁿ 9-goe̍h21 sài-āu tī Tōa-kī-tàn piáu-ián, 2 tiûⁿ lóng-ū 4-bān ê koan-chiòng, sī Tōa-kī-tàn tē-it, tē-jī-pái móa-tiûⁿ ê lē-hêng-sài. 10-goe̍h 25 tī Tâi-oân Tōa-sài í 4 sèng 1 pāi phah-iâⁿ Thóng-it 7-ELEVEn Sai, tit-tio̍h tūi-sú tē-10-ê chóng-koan-kun.

Ta̍k-nî Sêng-chek

Ta̍k-nî Téng Ē Pòaⁿ-kùi kah Choân-nî Chiàn-chek

• (Âng chho͘-jī sī liân-bêng le̍k-sú-siōng siōng hó ê sêng-chek)
• (O͘ chho͘-jī sī tūi-sú siōng-hó ê sêng-chek)

Kiû-kùi	Téng-pòaⁿ-kùi					Ē-pòaⁿ-kùi					Choân-nî Chiàn-chek
	Sèng	Pāi	Hô	Sèng-lu̍t	Miâ-chhù	Sèng	Pāi	Hô	Sèng-lu̍t	Miâ-chhù	Sèng	Pāi	Hô	Sèng-lu̍t	Miâ-chhù
Hiaⁿ-tī Chhiūⁿ sî-kî
1990	17	25	3	0.405	3	17	24	4	0.415	4	34	49	7	0.41	4
1991	20	23	2	0.465	3	17	26	2	0.395	4	37	49	4	0.43	4
1992	27	17	1	0.614	1	24	18	3	0.571	1	51	35	4	0.593	1
1993	28	16	1	0.636	1	24	20	1	0.545	2	52	36	2	0.591	2
1994	34	11	0	0.756	1	30	13	2	0.698	1	64	24	2	0.727	1
1995	25	25	0	0.5	4	23	26	1	0.469	3	48	51	1	0.485	4
1996	29	19	2	0.604	2	23	24	3	0.489	5	52	43	5	0.547	4
1997	23	20	5	0.535	3	22	24	2	0.478	5	45	44	7	0.506	3
1998	Tan-it sài-kùi chè										33	69	3	0.324	6
1999	Tan-it sài-kùi chè										37	53	4	0.411	5
2000	21	21	3	0.5	2	17	27	1	0.386	4	38	48	4	0.442	4
2001	17	23	5	0.425	3	27	16	2	0.628	1	44	39	7	0.53	2
2002	25	17	3	0.595	1	28	16	1	0.636	1	53	33	4	0.616	1
2003	27	20	3	0.574	3	36	11	3	0.766	1	63	31	6	0.67	1
2004	26	23	1	0.531	3	28	22	0	0.56	2	54	45	1	0.545	3
2005	25	23	2	0.521	3	22	26	2	0.458	6	47	49	4	0.49	4
2006	20	29	1	0.408	5	20	30	0	0.4	6	40	59	1	0.404	6
2007	24	25	1	0.49	4	25	25	0	0.5	4	49	50	1	0.495	3
2008	24	23	3	0.511	3	28	19	1	0.596	3	52	42	4	0.553	3
2009	21	38	1	0.356	4	33	25	2	0.569	1	54	63	3	0.462	4
2010	25	33	2	0.431	3	36	24	0	0.6	1	61	57	4	0.517	2
2011	28	32	0	0.467	3	32	28	0	0.533	2	60	60	0	0.5	3
2012	26	33	1	0.441	3	34	25	1	0.576	2	60	58	2	0.508	3
2013	26	34	0	0.433	4	29	31	0	0.483	3	55	65	0	0.458	4
Tiong-sìn Hiaⁿ-tī sî-kî
2014	19	40	1	0.322	4	31	26	3	0.544	1	50	66	4	0.431	4
2015	27	33	0	0.45	3	36	23	1	0.61	1	63	56	1	0.529	2
2016	35	23	2	0.603	1	33	27	0	0.55	2	68	50	2	0.576	1
2017	30	27	3	0.526	2	23	37	0	0.383	4	53	64	3	0.453	3
2018	20	40	0	0.333	4	28	31	1	0.475	3	48	71	1	0.403	4
2019	26	32	2	0.448	3	36	24	0	0.6	1	62	56	2	0.525	3
2020	37	23	0	0.617	1	30	28	2	0.517	3	67	51	2	0.568	1
2021	35	24	1	0.593	1	31	25	4	0.554	2	66	49	5	0.574	1
2022	32	26	2	0.552	2	37	21	2	0.628	1	69	47	4	0.595	2
2023	28	28	4	0.5	4	29	30	1	0.492	3	57	58	5	0.496	4
2024	32	28	0	0.533	3	38	22	0	0.633	1	70	50	0	0.583	1

Kùi-āu-sài Chiàn-chek

Kiû-kùi	Kùi-āu-sài			Tâi-oân Tōa-sài
	Tùi-chhiú	Sèng	Pāi	Tùi-chhiú	Sèng	Pāi
Hiaⁿ-tī Chhiūⁿ
1992	Pau-pān téng, ē pòaⁿ-kùi koan-kun, ti̍t-chiap chiâⁿ-chò chóng-koan-kun
1993	bô			Thóng-it Sai	4	2
1994	Pau-pān téng, ē pòaⁿ-kùi koan-kun, ti̍t-chiap chiâⁿ-chò chóng-koan-kun
2001	bô			Thóng-it Sai	4	3
2002	bô			Tiong-sìn Keng	4	0
2003	bô			Heng-lông Gû	4	2
2008	La New Hîm	3	0	Thóng-it 7-ELEVEn Sai	3	4
2009	bô			Thóng-it 7-ELEVEn Sai	3	4
2010	bô			Heng-lông Gû	4	0
Tiong-sìn Hiaⁿ-tī
2014	bô			Lamigo Thô-oân	1	4
2015	bô			Lamigo Thô-oân	3	4
2016	bô			Gī-tāi Sai-gû	2	4
2017	Thóng-it 7-ELEVEn Sai	3	1	Lamigo Thô-oân	1	4
2019	bô			Lamigo Thô-oân	1	4
2020	bô			Thóng-it 7-ELEVEn Sai	3	4
2021	bô			Thóng-it 7-ELEVEn Sai	4	0
2022	Bī-choân Liông	3	1	Lo̍k-thian Thô-oân	4	0
2024	bô			Thóng-it 7-ELEVEn Sai	4	1

Kiû-oân

Tiong-sìn Hiaⁿ-tī hiān-ia̍h sêng-oân
Kiû-oân			Kàu-liān
Tâu-chhiú  11 Lîm Tián-chiong  12 Lîm Hui-sēng  14 Gūi Se̍k-sêng  15 Ông Khái-thêng  18 Nick  19 Tēⁿ Khái-bûn  20 Kang Tiong-sêng  21 Lí Chín-chhiong  24 Tyler  25 Tân Eng-jōe  27 Iû Chùn-iū  30 Sanchez  32 Rodriguez  33 Tēⁿ Hō-kin  35 Tēng Tiâu-chùn  37 Chhî Lúi  41 Lī Io̍k-têng  43 Macuare  46 de Paula  49 Û Khiam  50 Chhòa Chê-tiat  54 Ông E̍k-khái  55 Chan Phín-iûⁿ  56 Tân Pek-kin  58 Lī Gān-chheng  59 Pâng Hō  62 Tân Hó͘  64 N̂g Un-sù  68 Ko Péng-iôⁿ  70 Chhî Ki-lîn  71 Lô͘ Bēng-iông  73 Lâu E̍k-tì  79 Siā Êng-hô  81 Tân Koàn-éng  83 Ngó͘ Li̍p-sîn  84 Chîⁿ Khó-lûn  91 Tiuⁿ Chó͘-un  94 Ngô͘ Chùn-úi 101 Chu Hông-hôa 116 ◎Tân Sèng-khái 117 ◎Tân Goân-ûi	Pō͘-chhiú   0 Lîm-ngô͘ Chìn-úi  44 Ta Chú-kia̍t  48 Tân Thóng-un  52 Ô͘ Bēng-tì  65 Ko Ú-kia̍t  72 Tân Kiú-teng  97 Chhî Phok-úi 115 ◎Ngô͘ Sūi-chhong Lāi-iá-chhiú   4 Tiuⁿ Sū-lûn   6 Iûⁿ Siông-hô   9 Ông Ui-sîn  17 N̂g Têng-sam  28 Tiuⁿ Jîn-úi  29 Tân Chùn-siù  34 Ông Heng-khái  38 Chhòa Sèng-kia̍t  61 Ông Chèng-sūn  66 N̂g Úi-sēng  69 Chhî Siāu-ú  74 Khó͘ Ki-hông  75 Lîm Sūi-kun  90 Kang Khun-ú  96 So͘ Hūi-ta̍t  98 Ga̍k Tong-hôa 119 Koeh Giâm-bûn	Gōa-iá-chhiú  1 Chan Siōng-un  2 Lí Sèng-jū  7 Tiuⁿ Chì-hô 13 Khó͘ Têng-lûn 39 Chiam Chú-hiân 47 Lîm Chì-kong 60 N̂g Kun-lîn 85 Lâu Kùi-goân 88 Sòng Sêng-jōe 89 Si-Kùi Tēng-hôa 92 Ga̍k Chèng-hôa	It-kun chóng-kàu-liān  10 Pêng-iá Hūi-it It-kun kàu-liān   3 Se-tiân Bêng-iong (Táⁿ-kek kàu-liān)   5 Hō͘-têng Chùn-thài (Táⁿ-kek kàu-liān)  22 N̂g Tī-hong (Gōa-iá siú-pī / cháu-lúi kàu-liān)  31 Tân Kang-hô (Siú-se̍k kàu-liān)  40 Ông Kiàn-bîn (Tâu-chhiú kàu-liān)  42 Chhòa Chông-un (Thé-lêng kàu-liān)  45 Ông Chùn-kia̍t (Tâu-pó͘ kàu-liān)  51 Tân Hông-kùi (Thé-lêng kàu-liān)  53 Additon (Tâu-chhiú kàu-liān / lông-tiôⁿ tâu-chhiú chóng-kàm)  63 Phoaⁿ Chì-hong (Lāi-iá siú-pī kàu-liān)  80 James (Chō͘-lí táⁿ-kek kàu-liān)  93 Û Bûn-pin (Gû-tiâu kàu-liān) Jī-kun chóng-kàu-liān  86 Phêⁿ Chèng-bín (Chóng-kàu-liān / lông-tiôⁿ chú-koán) Jī-kun kàu-liān   8 Koeh Hong-chùn (Chō͘-lí táⁿ-kek kàu-liān)  36 Chio̍h Chì-úi (Lāi-iá siú-pī kàu-liān)  57 Tân Hō-jiân (Gōa-iá siú-pī / cháu-lúi kàu-liān)  76 Lîm Bêng-hiàn (Lông-tiôⁿ iá-chhiú chóng-kàm)  77 Tân Tì-hông (Tâu-pó͘ kàu-liān)  78 Lîm Un-ú (Tâu-chhiú kàu-liān)  82 Au Bûn-iông (Táⁿ-kek kàu-liān)  87 Khó͘ Hō-bêng (Táⁿ-kek kàu-liān)  95 Tēⁿ Kî-hông (Ho̍k-kiān tâu-chhiú kàu-liān)  99 Chiu Lúi (Tâu-chhiú kàu-liān)  00 Phêⁿ Sek-éng (Chō͘-lí tâu-chhiú kàu-liān) 120 Lîm Sêng-hian (Chō͘-lí thé-lêng kàu-liān) 122 Ia̍p Phok-bûn (Thé-lêng kàu-liān)
Chù-kha: Ū piau "◎" ê sī chū-chú pôe-hùn soán-chhiú.

Gōa-pō͘ Liân-kiat

• Koaⁿ-hong bāng-chām
• Tiong-sìn Hiaⁿ-tī ê Facebook choan-ia̍h
• Tiong-sìn Hiaⁿ-tī tī Instagram
• Tiong-sìn Hiaⁿ-tī ê Twitter bāng-ia̍h
• Pang-bô͘:Twitch
• YouTube  téng ê Tiong-sìn Hiaⁿ-tī pîn-tō

Tâi-oân Pāng-kiû Wiki-koán：Tiong-sìn Hiaⁿ-tī(Hàn-gí)