Tiuⁿ Chheng-hong

Tiuⁿ Chheng-hong (張清芳; Stella Chang; 1966 nî 8 go̍eh 31 ji̍t chhut-sì) sī chi̍t-ūi Tâi-oân ê cha-bó͘ hôa-gí koa-chhiú, tiān-sī chú-chhî-jîn kiam ián-goân. I bat tit-tio̍h 2-ê Kim-khek-chióng kah 1-ê Kim-tiáⁿ-chióng. Tiuⁿ Chheng-hong tī 1980 nî-tāi iōng ha̍k-seng koa-chhiú ê sin-hūn lâi chhut-tō, liâm-mi sêng-miâ cháu-âng. Chhut-tō 20 nî í-lâi, i m̄-bat lī-iōng hui-bûn lâi thê-seng ka-kī ê miâ-siaⁿ, sī chi̍t-ūi chiâⁿ sêng-kong-ê gē-jîn. Chêng-kàu-taⁿ, i í-keng hoat-hêng tāi-iok 30-tiuⁿ kò-jîn im-ga̍k choan-chip, tī Tâi-oân kok-lāi ê chóng siau-lō͘ chiū chhiau-kòe 1300-bān tiuⁿ, só͘-í chiah-ē khì hō lâng hō-chòe Tong-hong put-pāi (東方不敗).