Tiuⁿ E̍k (iá-kiû)
 | 這篇文章有漢字的版本。 參考這篇文章的漢字的版本。 |
| Tiuⁿ E̍k 張奕 | |||
|---|---|---|---|
 2023 nî 4 goe̍h ê Tiuⁿ E̍k | |||
| Hù-pang Hān-chiòng – No. 19 | |||
Tâu-chhiú | |||
| |||
| Chit-gia̍p chho͘-chhù chhut-sài | |||
Ji̍t-pún Chit-pāng: 2019 nî 5 goe̍h 16, tī O͘-le̍k-sū Béng-gû | |||
Tiong-hôa Chit-pāng: 2024 nî 7 goe̍h 14, tī Hù-pang Hān-chiòng | |||
| Chòe-āu Ji̍t-pún Chit-pāng chhut-sài | |||
| 2023 nî 5 goe̍h 2 hō, tī Kî-gio̍k Se-bú Sai | |||
| Ji̍t-pún Chit-pāng sò͘-kì thóng-kè (chì 2023 nî ûi-chí) | |||
| Sèng-tâu — pāi-tâu | 4–9 | ||
| Tiong-kè — kiù-oān | 3–0 | ||
| Sa̋n-sín — sì-bái | 101–38 | ||
| Hông-gū-lu̍t | 5.32 | ||
| Tiong-hôa Chit-pāng sò͘-kì thóng-kè (chì 2025 nî ûi-chí) | |||
| Sèng-tâu — pāi-tâu | 6–12 | ||
| Tiong-kè — kiù-oān | 8–8 | ||
| Sa̋n-sín — sì-bái | 84–22 | ||
| Hông-gū-lu̍t | 5.03 | ||
| Tūi-ngó͘ | |||
| |||
| Seng-gâi cheng-chhái piáu-hiān kah ti̍t-chióng | |||
|
Tiong-hôa Chit-pāng
Kok-chè-sài
| |||
| Tit-kàu ê chióng | ||
|---|---|---|
Tāi-piáu  Tiong-hôa Tâi-pak | ||
| Lâm-chú iá-kiû | ||
| Sè-kài Iá-kiû 12-kiông Sài | ||
 | 2024 nî Tang-kiaⁿ | Thoân-tūi |
| Ji̍t-bûn siá-hoat | |
|---|---|
| Ji̍t-bûn | 張 奕 |
| Kana | ちょう やく |
| Hepburn-sek Lô-má-jī | Chō Yaku |
Tiuⁿ E̍k (Chang Yi, 1994 nî 2 goe̍h 26 chhut-sì ) sī Tâi-oân ê chit-gia̍p iá-kiû soán-chhiú, chit-má tī Tiong-hôa Chit-pāng Hù-pang Hān-chiòng hāu-le̍k, siú-pī ūi-tì sī tâu-chhiú, bat hāu-le̍k kòe Ji̍t-pún Chit-pāng Kî-gio̍k Se-bú Sai, O͘-le̍k-sū Béng-gû. Chêng Ji̍t-pún Chit-pāng kiû-oân Iûⁿ Tāi-kong sī i ê pió-hiaⁿ.
Seng-gâi
[siu-kái | kái goân-sí-bé]Tiuⁿ E̍k sī Hoa-liân-koān Bān-êng-hiong chhut-sin ê goân-chū-bîn iá-kiû-oân, a-pah sī Seediq-cho̍k lâng, a-bú sī Tâi-tang Amis-cho̍k lâng[1]. In-ūi hiòng-óng pió-hiaⁿ Iûⁿ Tāi-kong, kok-tiong pit-gia̍p liáu-āu khì Ji̍t-pún liû-ha̍k, kāng-khoán tha̍k Hok-kng Tē-it Ko-téng Ha̍k-hāu, tī iá-kiû-tūi tam-jīm chiàⁿ-gōa-iá-chhiú kiam tâu-chhiú. Ko-tiong saⁿ-nî ê sî tāi-piáu ha̍k-hāu chham-ka Tē-94-kài Choân-kok Ko-téng Ha̍k-hāu Iá-kiû Kím-phiau-sài Hok-kng tē-khu soán-poa̍t tāi-hōe, koan-kun-chiàn bīn-tùi I-chú-khah (
O͘-le̍k-sū Sî-kî
[siu-kái | kái goân-sí-bé]2016 nî, Tiuⁿ E̍k í gōa-iá-chhiú ê sin-hūn pò-miâ 10 goe̍h ê Ji̍t-pún Chit-pāng soán-siù-hōe, tī io̍k-sêng soán-chhiú soán-siù ê thâu-chi̍t-lûn hō͘ O͘-le̍k-sū kéng tio̍h, chhiam-iok-kim Ji̍t-phiò 300-bān kho͘.
2018 nî kiû-kùi in-ūi tī jī-kun ê táⁿ-kek piáu-hiān it-ti̍t lóng bô-hó, 6 goe̍h kàu-liān kiàn-gī i choán-jīm tâu-chhiú. In-ūi ko-tiong sî-tāi bat tam-jīm tâu-chhiú, só͘-í ōaⁿ--kòe-lâi mā bē chheⁿ-hūn, 8 goe̍h tī jī-kun thâu-chi̍t-pái teng-pán tio̍h tâu-chhut 148km/h ê kiû-sok, kāng-nî tī jī-kun koh tâu-chhut 151km/h ê kiû-sok. 2018 nî tī jī-kun lóng-chóng chhut-sài 5-tiûⁿ, 5-kio̍k, hông-gū-lu̍t 1.80.
2019 nî kiû-kùi chèng-sek kái teng-lo̍k chò tâu-chhiú. 3, 4 goe̍h jī-kun chhut-sài 5-tiûⁿ, sêng-chek 1-sèng 1-pāi, hông-gū-lu̍t 2.19. Kiû-thoân tī 5 goe̍h 1 hō kā i kái-chò chi-phòe-hā soán-chhiú, pōe-hō ōaⁿ-chò 98. 5 goe̍h 16 tī kheh-tiûⁿ tùi-chiàn Chhian-ia̍p Lot-theh Hái-iûⁿ oân-sêng seng-gâi it-kun chho͘-teng-pán, tiong-kè 0.2-kio̍k bô sit-hun, tān-sī 5 goe̍h hā-pòaⁿ tio̍h hőng pàng lo̍h-khì jī-kun, 7 goe̍h khai-sí tī jī-kun hiòng sian-hoat tâu-chhiú ê hong-hiòng tiâu-chéng. 8 goe̍h 8 hō, tī Pak-hái-tō A-sá-hi-khá-oah (
Se-bú Sai Sî-kî
[siu-kái | kái goân-sí-bé]2022 nî kùi-āu, Se-bú Sai Sim Iú-chài (森 友哉) hêng-sú chū-iû kiû-oân khoân-lī choán-tūi kàu O͘-le̍k-sū, Se-bú Sai kā Tiuⁿ E̍k kéng-cháu chò pó͘-siông[2].
2023 nî-té, kùi-āu hō͘ Se-bú Sai khǹg tī chiàn-le̍k-gōa.
Tiong-hôa Chit-pāng Sî-kî
[siu-kái | kái goân-sí-bé]2024 nî, tńg-lâi Tâi-oân kah Tâi-kǹg Hiông-eng chhiam--loeh liān-si̍p-seng ha̍p-iok, kāng-nî ê Kùi-tiong Soán-siù tī tē-jī-lûn hō͘ Hù-pang Hān-chiòng kéng tio̍h, lo̍h-bóe í chóng-kè-ta̍t 1,314-bān ê 2.5-nî ha̍p-iok ka-bêng.
Kok-chè Sài-sū
[siu-kái | kái goân-sí-bé]2019 nî 11 goe̍h 6 hō Sè-kài Iá-kiû 12-kiông Sài, Tiong-hôa-tūi tī Tâi-tiong Chiu-chè Iá-kiû-tiûⁿ tùi-koat Venezuela, tam-jīm sian-hoat tâu-chhiú, chú-tâu 7-kio̍k lóng-chóng tâu-chhut 6-pái sa̋n-sín; hőng khà-chhut 4-ki an-táⁿ, bô sit-hun, lo̍h-bóe Tiong-hôa-tūi í 3 : 0 tit-tio̍h ī-sài jī-liân-sèng[3]. 11 goe̍h 12 ho̍k-sài tē-jī-tiûⁿ, tī Chhian-ia̍p Hái-iûⁿ Kiû-tiûⁿ sian-hoat tùi-koat Lâm-hân-tūi, chú-tâu 6.2-kio̍k iōng 112-kiû bô sit-hun, lo̍h-bóe Tiong-hôa-tūi í 7 : 0 phah-pāi Lâm-hân, tit-tio̍h ho̍k-sài ê thâu-chi̍t-sèng[4], Tiuⁿ E̍k mā phah-phòa Ōtani Shōhei pó-chhî ê Sè-kài Iá-kiû 12-kiông Sài sian-hoat tâu-chhiú liân-sio̍k kio̍k-sò͘ bô sit-hun ê kì-lo̍k (goân kì-lo̍k sī 13-kio̍k), sī Sè-kài Iá-kiû 12-kiông Sài liân-sio̍k kio̍k-sò͘ bô sit-hun ê kì-lo̍k pó-chhî-jîn (13.2-kio̍k). Tī 2019 nî 12-kiông kiat-sok liáu-āu, hőng kéng chò choân-bêng-seng sè-kài-tūi ê sian-hoat tâu-chhiú[5]. 2024 nî 12-kiông sài-sū, í hō͘-oān tâu-chhiú ê sin-hūn teng-pán, lóng-chóng 5-tiûⁿ 8-kio̍k bô sit-hun; 2-kài sài sū lóng-chóng tâu 7-tiûⁿ (kî-tiong 2-tiûⁿ sian-hoat), 5-sèng 0-pāi, 21.2-kio̍k bô sit-hun, tû-liáu bô sit-hun ê kì-lo̍k kè-sio̍k pó-chhî í-gōa, mā chiâⁿ-chò 12-kiông sài-sū thâu-chi̍t-ūi ta̍t-sêng 5-sèng ê tâu-chhiú.
Sêng-pāng Kok-chhiú Keng-le̍k
[siu-kái | kái goân-sí-bé]Chit-pāng Seng-gâi Sêng-chek
[siu-kái | kái goân-sí-bé]Ji̍t-pún Chit-pāng
[siu-kái | kái goân-sí-bé]| Nî-tō͘ | Kiû-tūi | Chhut-sài | Sian-hoat | Sèng-tâu | Pāi-tâu | Tiong-kè | Kiù-oān | Oân-tâu | Oân-hong | Sa̋n-sín | Sì-sí | Chek-sit | Tâu-kiû kio̍k-sò͘ | Chū-chek-hun-lu̍t | Hőng chiūⁿ-lúi-lu̍t |
|---|---|---|---|---|---|---|---|---|---|---|---|---|---|---|---|
| 2019 | O͘-le̍k-sū | 8 | 6 | 2 | 4 | 0 | 0 | 0 | 0 | 17 | 10 | 18 | 27.1 | 5.93 | 1.65 |
| 2020 | 13 | 9 | 2 | 4 | 0 | 0 | 0 | 0 | 46 | 18 | 23 | 48.0 | 4.31 | 1.38 | |
| 2021 | 8 | 1 | 0 | 1 | 3 | 0 | 0 | 0 | 15 | 2 | 15 | 10.1 | 13.06 | 2.23 | |
| 2022 | 15 | 0 | 0 | 0 | 0 | 0 | 0 | 0 | 20 | 12 | 6 | 22.2 | 2.38 | 1.46 | |
| 2023 | Se-bú | 5 | 0 | 0 | 0 | 0 | 0 | 0 | 0 | 3 | 1 | 5 | 5 | 9.00 | 2.20 |
| Ha̍p-kè | 5-tang | 49 | 16 | 4 | 9 | 3 | 0 | 0 | 0 | 101 | 43 | 69 | 113.1 | 5.32 | 1.57 |
Tiong-hôa Chit-pāng
[siu-kái | kái goân-sí-bé]| Nî-tō͘ | Kiû-tūi | Chhut-sài | Sian-hoat | Sèng-tâu | Pāi-tâu | Tiong-kè | Kiù-oān | Oân-tâu | Oân-hong | Sa̋n-sín | Sì-sí | Chek-sit | Tâu-kiû kio̍k-sò͘ | Chū-chek-hun-lu̍t | Hőng chiūⁿ-lúi-lu̍t |
|---|---|---|---|---|---|---|---|---|---|---|---|---|---|---|---|
| 2024 | Hù-pang Hān-chiòng | 24 | 0 | 2 | 3 | 7 | 0 | 0 | 0 | 23 | 8 | 11 | 23.1 | 4.24 | 1.46 |
| 2025 | 33 | 7 | 4 | 9 | 1 | 8 | 0 | 0 | 61 | 16 | 35 | 59.0 | 5.34 | 1.51 | |
| Ha̍p-kè | 2-tang | 57 | 7 | 6 | 12 | 8 | 8 | 0 | 0 | 84 | 24 | 46 | 82.1 | 5.03 | 1.49 |
Pōe-hō
[siu-kái | kái goân-sí-bé]- 122 (2017 nî－2019 nî)
- 98 (2019 nî－2022 nî)
- 47 (2023 nî)
- 19 (2019 nî Sè-kài Iá-kiû 12-kiông Sài, 2024 nî Sè-kài Iá-kiû 12-kiông Sài, 2024 nî－)
Chham-khó Chu-liāu
[siu-kái | kái goân-sí-bé]- ↑ "太魯閣族張奕首先發 如勝投可留名青史". 聯合新聞網. 2019-08-08. goân-loē-iông tī 2019-11-09 hőng khó͘-pih.
- ↑ "森友哉轉戰歐力士 西武補償人選挑走張奕". 自由時報電子報. 2022-12-15. Goân-pún bāng-ia̍h Pó-chûn tī 2022-12-18. 2022-12-15 khòaⁿ--ê.
- ↑ 吳清正 (2019-11-07). "張奕7局0失分 敵方教頭也服氣". 台中: 自由時報. Goân-pún bāng-ia̍h Pó-chûn tī 2019-11-12. 2019-11-12 khòaⁿ--ê.
- ↑ 林宥辰 (2019-11-12). "力投112球！ 張奕再次無失分". 自由時報. goân-loē-iông tī 2020-08-05 hőng khó͘-pih.
- ↑ 倪婉君 (2019-11-17). "個人獎項出爐！ 張奕、王威晨雙雙得獎". 自由時報. Goân-pún bāng-ia̍h Pó-chûn tī 2021-03-01. 2019-11-18 khòaⁿ--ê.
Gōa-pō͘ Liân-kiat
[siu-kái | kái goân-sí-bé]- Kò-jîn nî-tō͘-pia̍t sêng-chek Tiuⁿ E̍kArchived 2021-12-11 at the Wayback Machine. (Ji̍t-pún-gí)
- Soán-chhiú bêng-kàm 98 Tiuⁿ E̍kArchived 2021-06-30 at the Wayback Machine. (Ji̍t-pún-gí)
- Tâi-oân Pāng-kiû Wiki-koán：Tiuⁿ E̍k(Hôa-gí)
- Tiuⁿ E̍k tī Instagram
| ||||||||||||||||||||||||||||||||
| ||||||||||||||||||||||||||||||||
| ||||||||||||||||||||||||||||||||