Tiuⁿ Io̍k-sêng
 | 這篇文章有漢字的版本。 參考這篇文章的漢字的版本。 |
| Tiuⁿ Io̍k-sêng 張育成 / Yu Chang | |||
|---|---|---|---|
.jpg) | |||
| Hù-pang Hān-chiòng – No. 99 | |||
Lāi-iá-chhiú | |||
| |||
| Chit-gia̍p chho͘-chhù chhut-sài | |||
Bí-kok Chit-pāng: 2019 nî 6 goe̍h 28, tī Cleveland Indians | |||
Tiong-hôa Chit-pāng: 2024 nî 7 goe̍h 12, tī Hù-pang Hān-chiòng | |||
| Chòe-āu Bí-kok Chit-pāng chhut-sài | |||
| 2023 nî 8 goe̍h 6 hō, tī Boston Âng Boe̍h-á | |||
| Bí-kok Chit-pāng sò͘-kì thóng-kè (chì 2023 nî ûi-chí) | |||
| Táⁿ-kek-lu̍t | 0.204 | ||
| An-táⁿ | 121 | ||
| Choân-lûi-táⁿ | 20 | ||
| Táⁿ-tiám | 79 | ||
| Thau-luí | 5 | ||
| Tiong-hôa Chit-pāng sò͘-kì thóng-kè (chì 2025 nî ûi-chí) | |||
| Táⁿ-kek-lu̍t | 0.284 | ||
| An-táⁿ | 105 | ||
| Choân-lûi-táⁿ | 24 | ||
| Táⁿ-tiám | 65 | ||
| Thau-luí | 11 | ||
| Tūi-ngó͘ | |||
| |||
| Seng-gâi cheng-chhái piáu-hiān kah ti̍t-chióng | |||
| |||
| Tit-kàu ê chióng | ||
|---|---|---|
Tāi-piáu  Tiong-hôa Tâi-pak | ||
 Lâm-chú iá-kiû | ||
| A-chiu Iá-kiû Kím-phiau-sài | ||
 | 2015 nî Tâi-tiong | Thoân-tūi |
 | 2019 nî Tâi-tiong | Thoân-tūi |
| A-chiu Chheng-siàu-pāng Kím-phiau-sài | ||
| 2010 nî Bān-kok | Thoân-tūi |
| A-chiu Siàu-pāng Kím-phiau-sài | ||
| 2006 nî Chhian-ia̍p | Thoân-tūi |
Tiuⁿ Io̍k-sêng (張育成; 1995 nî 8 goe̍h 18 ji̍t chhut-sì ) sī Tâi-oân Tâi-tang-koān chhut-sin ê chit-gia̍p iá-kiû soán-chhiú. I sī A-bí-cho̍k lâng, siú-pī ūi-tì sī lāi-iá-chhiú. I hiān-chhú-sî hāu-le̍k Tiong-hôa Chit-pāng ê Hù-pang Hān-chiòng, chìn-chêng bat-tī Bí-kok Iá-kiû Tāi Liân-bêng phah-kòe-kiû, i tī hia teng-lio̍k ê miâ hō-chò Yu Chang.
Tiuⁿ Io̍k-sêng 2013 nî ko-tiong pit-gia̍p liáu-āu hām Bí-kok Iá-kiû Tāi Liân-bêng Cleveland Indians chhiam-iok, khì Bí-kok sió-liân-bêng phah-kiû. Bóe-á tī 2017 nî tē-it pái chhut-hiān tī tāi-liân-bêng 40 lâng miâ-toaⁿ. 2019 nî khai-sí chèng-sek tī tāi-liân-bêng chhut-sài. 2022 nî kiû-kùi in-ūi kiû-thoân kau-e̍k kap sek-chhut téng goân-in, hāu-le̍k kòe 4 ki kiû-tūi. 2023 nî 2 goe̍h hām Boston Âng Boe̍h-á oân-sêng sio̍k-iok. 2024 nî 6 goe̍h, Tiuⁿ Io̍k-sêng tńg-lâi Tâi-oân chham-ka Tiong-hôa Chit-pāng ê soán-siù-hōe, lo̍h-bóe hō͘ Hù-pang Hān-chiòng kéng-tio̍h chiâⁿ-chò hit-pái ê chiōng-goân, pēng-chhiáⁿ í 3-nî-pòaⁿ 9250-bān ka-bêng Hù-pang.
Seng-gâi
[siu-kái | kái goân-sí-bé]Bí-kok Chit-pāng
[siu-kái | kái goân-sí-bé].jpg)
2013 nî 6 goe̍h ko-tiong pit-gia̍p chìn-chêng, tio̍h kah Indians-tūi chhiam--loeh 50-bān Bí-kim chhiam-iok-kim ê Sió-liân-bêng ha̍p-iok[1]. In-ūi Tiuⁿ Io̍k-sêng iu-goân-ū ko-tiong ha̍k-seng ê sin-hūn, ûi-hoán Ha̍k-seng Iá-kiû Liân-bêng ê kui-tēng, tān-sī āu-lâi bô siū-tio̍h chhú-hūn[1][2].
2015 nî 9 goe̍h tāi-piáu Tiong-hôa-tūi chham-ka 2015 nî A-chiu Iá-kiû Kím-phiau-sài, tī tùi-chiàn Tiong-kok-tūi ê pí-sài tang-tiong, 2-kio̍k-hā kòng chhut nn̄g-hun táⁿ-tiám e5 hőng-bú-láng.
2017 nî 11 goe̍h, thâu-chi̍t-pái ji̍p-khì Tāi-liân-bêng kiû-tūi ê 40-lâng miâ-toaⁿ.
.jpg)
2019 nî 6 goe̍h 28, thâu-chi̍t-pái peh ji̍p-khì Tāi-liân-bêng, chiâⁿ-chò tē 16-ūi ji̍p-khì Tāi-liân-bêng ê Tâi-oân soán-chhiú, kâng-chi̍t-ji̍t bīn-tùi Baltimore Orioles tam-jīm sian-hoat peh-hoan saⁿ-lúi-chhiú, sī seng-gâi thâu-chi̍t-tiûⁿ Tāi-liân-bêng chhut-sài, 3 táⁿ-sò͘ bô an-táⁿ[3]. 8 goe̍h 26, bīn-tùi Kham-sat-su-chhī Hông-ka chò sian-hoat chhit-hoan saⁿ-lúi-chhiú, tan-tiûⁿ 3 táⁿ-sò͘ 2 an-táⁿ, phah chhut Tāi-liân-bêng seng-gâi thâu-chi̍t-an, pēng-chhiáⁿ phah chhut thâu-chi̍t-ki saⁿ-lúi an-táⁿ[4]. 9 goe̍h 10, bīn-tùi Lo̍k-sam-ki Thiⁿ-sài chò sian-hoat káu-hoan saⁿ-lúi-chhiú, tan-tiûⁿ 3 táⁿ-sò͘ 1 an-táⁿ, phah chhut Tāi-liân-bêng seng-gâi thâu-chi̍t-ki hőng-bú-láng, ū 3-hun ê táⁿ-tiám.
2021 nî 4 goe̍h 2 hō, khui-bō͘-chiàn bīn-tùi Té-te̍k-lu̍t Hó͘ chiâⁿ-chò thâu-chi̍t-ê tī Bí-kok Chit-pāng Tāi Liân-bêng khui-bō͘-chiàn sian-hoat ê Tâi-oân iá-chhiú, tam-jīm chhit-hoan it-lúi-chhiú, 2 tá-sò͘ bô an-táⁿ. 5 goe̍h 27, bīn-tùi Té-te̍k-lu̍t Hó͘ tam-jīm la̍k-hoan iû-kek-chhiú, tan-tiûⁿ 5 táⁿ-sò͘ 1 an-táⁿ, pēng-chhiáⁿ cháu chhut Tāi-liân-bêng seng-gâi thâu-chi̍t-pái thau-lúi sêng-kong. 6 goe̍h 17, bīn-tùi Baltimore Orioles tam-jīm peh-hoan saⁿ-lúi-chhiú, tan-tiûⁿ 4 táⁿ-sò͘ 2 an-táⁿ, pēng-chhiáⁿ kòng chhut 2-hun táⁿ-tiám ê hőng-bú-láng, sī i Tāi-liân-bêng seng-gâi tē-3-ki hőng-bú-láng, chhiau-kòe Ô͘ Kim-liông, chiâⁿ-chò tī Tāi-liân-bêng kòng siōng chē hőng-bú-láng ê Tâi-oân-lâng, mā sī tī Tāi-liân-bêng phah siōng chē táⁿ-tiám ê Tâi-oân soán-chhiú. 8 goe̍h 14, bīn-tùi Té-te̍k-lu̍t Hó͘ tam-jīm chhit-hoan saⁿ-lúi-chhiú, tan-tiûⁿ 3 táⁿ-sò͘ 2 an-táⁿ, pau-hâm pún-kùi tē-saⁿ-hong, tan-kùi saⁿ-hong mā chhiau-kòe Ô͘ Kim-liông chiâⁿ-chò tan-kùi tī Tāi-liân-bêng siōng chē hong ê Tâi-oân thûi-á-chhiú. 8 goe̍h 25, bīn-tùi Texas Rangers tam-jīm chhit-hoan it-lúi-chhiú, tan-tiûⁿ 4 táⁿ-sò͘ 2 an-táⁿ, pau-hâm pún-kùi tē-sì-hong, tī Tāi-liân-bêng ê chóng an-táⁿ sò͘ chhiau-kòe Lîm Chú-úi, chiâⁿ-chò tī Tāi-liân-bêng phah siōng chē an-táⁿ ê Tâi-oân-lâng, keh-ji̍t koh kòng chi̍t-ki hőng-bú-láng, chiâⁿ-chò thâu-chi̍t-ê tī Tāi-liân-bêng liân-sòa pí-sài kòng chhut hőng-bú-láng ê Tâi-oân kiû-oân. 9 goe̍h 2 hō, tī bīn-tùi Kham-sat-su-chhī Hông-ka ê pí-sài lāi-té, chiap-thè jī-lúi-chhiú chiūⁿ-tiûⁿ, tī 7-kio̍k-siōng kòng chhut seng-gâi Tāi-liân-bêng ê thâu-chi̍t-ki tāi-táⁿ hőng-bú-láng.
2022 nî 5 goe̍h 30, Tiuⁿ Io̍k-sêng hőng kau-e̍k khì Pittsburgh Hái-chha̍t-tūi[5], 6 goe̍h 7 hō, bīn-tùi Té-te̍k-lu̍t Hó͘ tam-jīm chhit-hoan jī-lúi-chhiú, kòng chhut ka-ji̍p Hái-chha̍t-tūi ê thâu-chi̍t-an, thâu-chi̍t-ê táⁿ-tiám[6]. 6 goe̍h 14, bīn-tùi Saint Louis Cardinals tam-jīm chhit-hoan jī-lúi-chhiú, tan-tiûⁿ 4 táⁿ-sò͘ 2 an-táⁿ, kòng-chhut tī Hái-chha̍t-tūi ê thâu-chi̍t-ki hőng-bú-láng, mā sī pún-kùi thâu-chi̍t-ki, kò-jîn Tāi-liân-bêng seng-gâi tē-11-ki[7]. 7 goe̍h 6 hō, Tiuⁿ Io̍k-sêng hőng kau-e̍k khì Tampa Oan Kong-bông-tūi, pēng-chhiáⁿ táⁿ-kek mā lú-lâi-lú-hó, táⁿ-kek-lu̍t ke khah koân, 36-tiûⁿ pí-sài lóng-chóng phah chhut 3-hong. 9 goe̍h 7 hō, ta̍t-sêng seng-gâi 100-an, pēng-chhiáⁿ kòng chhut hit-kùi ê tē-sì-hong, chiâⁿ-chò Tâi-oân iá-kiû sú-siōng tī Tāi-liân-bêng phah chhut siōng chē an-táⁿ ê Tâi-oân soán-chhiú, koh-lâi sī Lîm Chú-úi kah Ô͘ Kim-liông[8]. 9 goe̍h 11, hőng kau-e̍k khì Âng Boe̍h-á-tūi. 11 goe̍h 19, Tiuⁿ Io̍k-sêng chiâⁿ-chò chū-iû kiû-oân[9].
2022 nî 12 goe̍h 31, ETtoday pò-tō Tiuⁿ Io̍k-sêng tī 12 goe̍h 30 thàu-kòe khan-kâu-á kong-si hiòng 2023 nî Sè-kài Iá-kiû Keng-tián-sài Tiong-hôa-tūi chóng-kàu-liān Lîm Ga̍k-pêng piáu-sī, in-ūi 2023 nî kiû-kùi sī i chit-pāng seng-gâi chiâⁿ koan-kiān ê chi̍t-tang, su-iàu choân-sim tâu-ji̍p chhun-hùn chún-pī sin kiû-kùi, oán-siā Tiong-hôa-tūi ê teng-tiàu[10]. Tān-sī Tiuⁿ Io̍k-sêng tī 2019 nî chham-ka A-kím-sài tit-tio̍h thé-io̍k-sú pó͘-chhiong-peng ê chu-keh, pēng-chhiáⁿ tī 2020 nî kiat-sok 12-kang ê pó͘-chhiong peng-e̍k, 2023 nî Keng-tián-sài Tiuⁿ Io̍k-sêng iá tī 5-tang ê lia̍t-koán kî-kan lāi-té[11][12]. 2023 nî 1 goe̍h 3 hō, Tiuⁿ Io̍k-sêng tap-èng ka-ji̍p Tiong-hôa-tūi[13]. 1 goe̍h 13, Tiuⁿ Io̍k-sêng ji̍p-soán Keng-tián-sài Tiong-hôa-tūi 36-lâng chi̍p-hùn miâ-toaⁿ[14]. 2 goe̍h 6 hō, Tiuⁿ Io̍k-sêng ji̍p-soán Keng-tián-sài Tiong-hôa-tūi 30lâng miâ-toaⁿ[15]. 2023 nî 3 goe̍h Keng-tián-sài, Tiuⁿ Io̍k-sêng táⁿ-kek piáu-hiān chiâⁿ hó, seng tī 3 goe̍h 10 hō tùi-chiàn Í-tāi-lī kòng chhut nn̄g-hun hőng-bú-láng, hō͘ nn̄g-tūi pêⁿ-chhiú, lo̍h-bóe í 11 : 7 phah-pāi Í-tāi-lī[16]. Koh tī 3 goe̍h 11, tùi-chiàn Hô-lân-tūi móa-lúi kòng chhut móa-lúi choân-lûi-táⁿ, hō͘ Tiong-hôa-tūi tò-iâⁿ tit-tio̍h tē-jī-sèng[17]. Sui-jiân chòe-āu Tiong-hôa-tūi bô-hoat-tō͘ chìn-kip tē-jī-lûn, Tiuⁿ Io̍k-sêng í chhit-ki an-táⁿ (táⁿ-kek-lu̍t 0.438), chiūⁿ-lúi-lu̍t 0.500, tn̂g-táⁿ-lu̍t 0.938, nn̄g-ki hőng-bú-láng, peh-hun táⁿ-tiám ê sêng-chek tit-tio̍h A-cho͘ ê MVP kah tāi-hōe chòe-ka it-lúi-chhiú[18][19], chiâⁿ-chò Sè-kài Iá-kiû Keng-tián-sài thâu-chi̍t-ê ji̍p-soán choân-bêng-seng-tūi ê Tâi-oân kiû-oân[20].
2023 nî 2 goe̍h 16, Bí-kok Chit-pāng Tāi Liân-bêng Boston Âng Boe̍h-á soan-pò͘ kah Tiuⁿ Io̍k-sêng chhiam--loeh chi̍t-nî ê ha̍p-iok[21]. 2023 nî 8 goe̍h 12, Tiuⁿ Io̍k-sêng tông-ì kè-sio̍k lâu tī Âng Boe̍h-á hē-thóng, ka-ji̍p Sió-liân-bêng 3A ê Worcester Red Sox.
2024 nî 2 goe̍h 20, Tampa Oan Kong-bông soan-pò͘ kah Tiuⁿ Io̍k-sêng chhiam--loeh Sió-liân-bêng ê ha̍p-iok, koh-ū chhun-hùn iau-chhiáⁿ. 2024 nî 6 goe̍h 18, Tiuⁿ Io̍k-sêng soan-pò͘: "Siūⁿ chhù--ah, góa koat-tēng ka-ji̍p 2024 Tiong-hôa Chit-pāng Soán-siù!", chèng-sek soan-pò͘ tâu-ji̍p 2024 nî Tiong-hôa Chit-pāng Soán-siù-hōe[22]. 6 goe̍h 28, tī soán-siù-hōe téng-koân, Tiuⁿ Io̍k-sêng hō͘ Hù-pang Hān-chiòng í thâu-chi̍t-lûn tē-it chí-miâ kéng ji̍p-khì, chiâⁿ-chò hit-nî ê chiōng-goân[23]. 2024 nî 7 goe̍h 11, Tiuⁿ Io̍k-sêng í 3.5 nî chóng-kè-ta̍t 9250-bān (pau-hâm kek-lē chióng-kim), pêng-kin goe̍h-kip chhiau-kòe 220-bān Sin-tâi-phiò ê ha̍p-iok chèng-sek ka-bêng Hù-pang Hān-chiòng, chiâⁿ-chò hit-tang-chūn Tiong-hôa Chit-pāng siōng tōa ê ha̍p-iok[24]. 2024 nî 7 goe̍h 12, tiàm Sin-chng Iá-kiû-tiûⁿ tùi-chiàn Thóng-it 7-ELEVEn Sai, sī i thâu-chi̍t-pái tī Tiong-chit chhut-sài, 9-kio̍k-hā bīn-tùi Phoaⁿ Ui-lûn phah chhut jī-lúi an-táⁿ, sī ka-ji̍p Tiong-chit liáu-āu ê thâu-chi̍t-ki an-táⁿ. 7 goe̍h 16, tī Sin-chng Iá-kiû-tiûⁿ tùi-chiàn Tiong-sìn Hiaⁿ-tī, 4-kio̍k-hā bīn-tùi Chhòa Chê-thiat kòng chhut Tiong-chit seng-gâi ê thâu-chi̍t-hong. 8 goe̍h 21, tī Sin-chng Iá-kiû-tiûⁿ tùi-chiàn Tâi-kǹg Hiông-eng, tī 9-kio̍k-hā nn̄g-lâng chhut-kio̍k ê sî, bīn-tùi N̂g Kûn kòng chhut Tiong-chit seng-gâi thâu-chi̍t-ki chài-kiàn hőng-bú-láng.
Chit-pāng Seng-gâi Sêng-chek
[siu-kái | kái goân-sí-bé]Bí-kok Chit-pāng
[siu-kái | kái goân-sí-bé]| Nî-tō͘ | Kiû-tūi | Chhut-sài | Táⁿ-sò͘ | An-táⁿ | Hőng-bú-láng | Táⁿ-tiám | Thau-luí | Sa̋n-sín | Sì-sí | Lúi-táⁿ-sò͘ | Siang-sat | Táⁿ-kek-lu̍t | Chiōⁿ-lúi-lu̍t | Tn̂g-táⁿ-lu̍t | OPS |
|---|---|---|---|---|---|---|---|---|---|---|---|---|---|---|---|
| 2019 | Cleveland Indians | 28 | 73 | 13 | 1 | 6 | 0 | 22 | 11 | 20 | 4 | 0.178 | 0.286 | 0.274 | 0.560 |
| 2020 | 10 | 11 | 2 | 0 | 1 | 0 | 4 | 2 | 2 | 2 | 0.182 | 0.368 | 0.182 | 0.490 | |
| 2021 | Cleveland Guardians | 89 | 237 | 54 | 9 | 39 | 1 | 69 | 11 | 101 | 4 | 0.228 | 0.267 | 0.426 | 0.693 |
| 2022 | 4 | 10 | 0 | 0 | 0 | 0 | 7 | 0 | 0 | 0 | 0.000 | 0.000 | 0.000 | 0.000 | |
| Pittsburgh Hái-chha̍t | 18 | 42 | 7 | 1 | 2 | 0 | 18 | 4 | 11 | 1 | 0.167 | 0.286 | 0.262 | 0.548 | |
| Tampa Oan Kong-bông | 36 | 98 | 25 | 3 | 12 | 0 | 27 | 7 | 37 | 3 | 0.260 | 0.305 | 0.385 | 0.690 | |
| Boston Âng Boe̍h-á | 11 | 20 | 3 | 0 | 1 | 0 | 7 | 5 | 5 | 1 | 0.150 | 0.346 | 0.250 | 0.596 | |
| 2023 | 39 | 105 | 17 | 6 | 18 | 4 | 34 | 3 | 37 | 2 | 0.162 | 0.200 | 0.352 | 0.552 | |
| Ha̍p-kè | 5-tang | 235 | 594 | 121 | 20 | 79 | 5 | 188 | 43 | 213 | 17 | 0.204 | 0.265 | 0.359 | 0.624 |
Tiong-hôa Chit-pāng
[siu-kái | kái goân-sí-bé]| Nî-tō͘ | Kiû-tūi | Chhut-sài | Táⁿ-sò͘ | An-táⁿ | Hőng-bú-láng | Táⁿ-tiám | Thau-luí | Sa̋n-sín | Sì-sí | Lúi-táⁿ-sò͘ | Siang-sat | Táⁿ-kek-lu̍t | Chiōⁿ-lúi-lu̍t | Tn̂g-táⁿ-lu̍t | OPS |
|---|---|---|---|---|---|---|---|---|---|---|---|---|---|---|---|
| 2024 | Hù-pang Hān-chiòng | 47 | 137 | 37 | 10 | 30 | 4 | 44 | 40 | 74 | 3 | 0.270 | 0.445 | 0.540 | 0.985 |
| 2025 | 65 | 233 | 68 | 14 | 35 | 7 | 36 | 34 | 124 | 9 | 0.292 | 0.385 | 0.532 | 0.917 | |
| Ha̍p-kè | 2-tang | 112 | 370 | 105 | 24 | 65 | 11 | 80 | 74 | 198 | 12 | 0.284 | 0.409 | 0.535 | 0.944 |
Sêng-pāng Kok-chhiú Keng-le̍k
[siu-kái | kái goân-sí-bé]Koh-khòaⁿ
[siu-kái | kái goân-sí-bé]Chham-khó Chu-liāu
[siu-kái | kái goân-sí-bé]- 1 2 "棒協擬對張育成祭處分 網友熱議". 自由時報電子報. 2013-06-08. Goân-pún bāng-ia̍h Pó-chûn tī 2023-01-02. 2023-01-02 khòaⁿ--ê.
- ↑ "亞運棒球／24人名單異動 蕭帛庭替代張育成". ETtoday. 2014-08-08. Goân-pún bāng-ia̍h Pó-chûn tī 2023-01-02. 2023-01-02 khòaⁿ--ê.
- ↑ 吳敏欣 (2019-06-29). "MLB／張育成升大聯盟 教頭：希望幫我們贏幾場". 聯合新聞網. Goân-pún bāng-ia̍h Pó-chûn tī 2019-08-29. 2019-08-29 khòaⁿ--ê.
- ↑ "張育成雙安加碼美技 球迷狂呼「Yuuuu!」 - 自由體育". 自由時報. 2019-08-27. Goân-pún bāng-ia̍h Pó-chûn tī 2019-08-29. 2019-08-29 khòaⁿ--ê.
- ↑ Associated Press. "Pittsburgh Pirates acquire infielder Yu Chang from Cleveland Guardians". ESPN. ESPN. goân-loē-iông tī 2022-06-09 hőng khó͘-pih. 2022-06-08 khòaⁿ--ê.
- ↑ 蘇志畬 (2022-06-08). "張育成首安首打點出爐 終結19打數乾旱高舉雙手慶祝". 聯合報. 聯合線上公司. Goân-pún bāng-ia̍h Pó-chûn tī 2023-03-25. 2022-06-08 khòaⁿ--ê.
- ↑ "Goldschmidt's 3 RBI leads Cards, Pirates' 8th loss in row". ESPN Enterprises, Inc. goân-loē-iông tī 2022-06-15 hőng khó͘-pih. 2022-06-15 khòaⁿ--ê.
- ↑ 蘇志畬 (2022-09-07). "張育成百安達陣制霸全台將 加演本季第4轟". 聯合報. 聯合線上公司. Goân-pún bāng-ia̍h Pó-chûn tī 2022-09-09. 2022-09-07 khòaⁿ--ê.
- ↑ "張育成未獲美職波士頓紅襪隊續約 成為自由球員" (ēng Hôa-gí). 中央社. 2022-11-19. Goân-pún bāng-ia̍h Pó-chûn tī 2022-11-24. 2023-01-01 khòaⁿ--ê.
- ↑ 陳立勳 (2022-12-31). "張育成全力備戰明年球季 婉謝餅總經典賽邀請". ETtoday. Goân-pún bāng-ia̍h Pó-chûn tī 2023-02-16. 2023-02-16 khòaⁿ--ê.
- ↑ "張育成爭議延燒！ 體育署晚間發表聲明". 自由時報. 2023-01-01. Goân-pún bāng-ia̍h Pó-chûn tī 2023-02-16. 2023-02-16 khòaⁿ--ê.
- ↑ 楊啟芳 (2023-01-01). "張育成傳婉拒經典賽惹怒球迷 維基百科一度被改稱逃兵". 中央通訊社. Goân-pún bāng-ia̍h Pó-chûn tī 2023-03-13. 2023-02-16 khòaⁿ--ê.
- ↑ 陳立勳 (2023-01-03). "蔡其昌親邀張育成 為台灣力拚經典賽". ETtoday. Goân-pún bāng-ia̍h Pó-chûn tī 2023-01-03. 2023-01-03 khòaⁿ--ê.
- ↑ 毛琬婷 (2023-01-13). "經典賽中華隊36人集訓名單公布！「無業餘」17人曾旅外包括張育成". 中時新聞網. Goân-pún bāng-ia̍h Pó-chûn tī 2023-03-13. 2023-01-13 khòaⁿ--ê.
- ↑ 羅惠齡 (2023-02-06). "中華隊公布30人名單 林安可等5人被割愛". TSNA. Goân-pún bāng-ia̍h Pó-chûn tī 2023-03-14. 2023-02-16 khòaⁿ--ê.
- ↑ 蘇志畬. "三轟炸翻義大利 中華隊大逆轉狂迎首勝". 聯合新聞網. 聯合線上公司. Goân-pún bāng-ia̍h Pó-chûn tī 2023-04-16. 2023-04-16 khòaⁿ--ê.
- ↑ 歐建智 (2023-03-11). "WBC》張育成逆轉滿貫砲、吳哲源4.1局無失分 中華擊敗荷蘭暫居分組第1". TSNA. Goân-pún bāng-ia̍h Pó-chûn tī 2023-03-11. 2023-03-11 khòaⁿ--ê.
- ↑ Christopher Smith. "Red Sox player named WBC Pool A MVP with 2 homers, 2 doubles, .438 average". Mass Live. Advance Local Media LLC. Goân-pún bāng-ia̍h Pó-chûn tī 2023-03-26. 2023-04-16 khòaⁿ--ê.
- ↑ 謝靜雯. "張育成經典賽2轟打擊率4成38 獲選預賽A組MVP". 中央社. 中央通訊社. Goân-pún bāng-ia̍h Pó-chûn tī 2023-04-16. 2023-04-16 khòaⁿ--ê.
- ↑ 羅志朋. "敬禮！張育成獲經典賽最佳一壘手". 自由體育. 自由時報. Goân-pún bāng-ia̍h Pó-chûn tī 2023-04-20. 2023-04-16 khòaⁿ--ê.
- ↑ "Red Sox agree to one-year contract with infielder Yu Chang". Boston Red Sox. 2023-02-16. Goân-pún bāng-ia̍h Pó-chûn tī 2023-04-02. 2023-02-16 khòaⁿ--ê.
- ↑ "中職》想家了 張育成正式宣布返台投入中職選秀". Yahoo Sports (ēng Hôa-gí). 2024-06-18. Goân-pún bāng-ia̍h Pó-chûn tī 2024-08-10. 2024-08-10 khòaⁿ--ê.
- ↑ "中職選秀／富邦悍將狀元籤正式出爐！ 毫無懸念首輪指名張育成". Yahoo Sports (ēng Hôa-gí). 2024-06-28. Goân-pún bāng-ia̍h Pó-chûn tī 2024-08-10. 2024-08-10 khòaⁿ--ê.
- ↑ NOWnews今日新聞 (2024-07-11). "張育成加入富邦悍將！月薪220萬以上3.5年最高總值9250萬創紀錄 | 運動". NOWnews今日新聞 (ēng Hôa-gí). Goân-pún bāng-ia̍h Pó-chûn tī 2024-08-10. 2024-08-10 khòaⁿ--ê.
Gōa-pō͘ Liân-kiat
[siu-kái | kái goân-sí-bé]
- Tiuⁿ Io̍k-sêng ê Facebook choan-ia̍h
- Tiuⁿ Io̍k-sêng tī Instagram
- Tiuⁿ Io̍k-sêng ê Twitter bāng-ia̍h
- Tâi-oân Pāng-kiû Wiki-koán：張育成(Hôa-gí)
| chêng-jīm: Lîm Chú-úi |
Tiong-hôa Chit-pāng sin-lâng soán-siù chiōng-goân 2024 nî |
kè-jīm: Úi Hông-liōng |
| ||||||||||||||||||||||||||||||||
| ||||||||||||||||||||||||||||||||
| ||||||||||||||||||||||||||||||||