Tiuⁿ Kéng-lâm
| Tiuⁿ Kéng-lâm | |
|---|---|
 Tiuⁿ Kéng-lâm ê hā-ji̍t gê-lâm chhiam-su-hōe | |
| Cha-bó͘ gē-jîn | |
| Goân-bûn miâ | 張景嵐 |
| Eng-bûn miâ | Lan |
| Phian-miâ | Sió-lâm (小嵐) |
| Kok-che̍k |
 Tâi-oân |
| Chhut-sì |
1988 nî 9 goe̍h 3 ji̍t (35 hòe) Tâi-pak-chhī |
| Chit-gia̍p | Model, gē-jîn, ián-oân |
| Kàu-io̍k | Kok-li̍p Tâi-oân Gē-su̍t Tāi-ha̍k |
| Oa̍h-hiáⁿ sî-tāi | 2010 - taⁿ |
Tiuⁿ Kéng-lâm (張景嵐; 1988 nî 9 goe̍h 3 ji̍t chhut-sì ) sī Tâi-oân ê cha-bó͘ gē-jîn, model, kiam ián-oân. I tī 2010 nî chham-ka Pó-le̍k-ta̍t Kong-si só͘ kí-pān ê cháu-chhōe "Peng-hóe-sim-lú-hâi" (冰火心女孩) bí-siàu-lú soán-poa̍t, chhú-tit "Chhong-soat-hē" (蒼雪系) cho͘-pia̍t ê koan-kun; liâm-mi i tiō hām model keng-chè kong-si chhiam-iok, chhut-tō chiâⁿ-chò gē-jîn.
Tiuⁿ Kéng-lâm chū sè-hàn tiō khai-sí ha̍k-si̍p bú-tō kap bí-su̍t téng-téng châi-gē. Chin jia̍t-ài bú-tâi piáu-ián ê i, tī tāi-ha̍k sî-tāi chiū-tho̍k siat-kè kho-hē ê sî-chūn, tiō lī-iōng khò-gōa sî-kan kiam-chit tam-jīm jî-tông châi-gē pan ê sian-siⁿ, kàu-siū bú-tō kap bí-su̍t.[1] I lēng-gōa mā ū chham-ú kok-chióng soán-poa̍t oa̍h-tāng, cheng-chhú ián-chhut ê ki-hōe. Ka-ji̍p model keng-chè kong-si liáu-āu, tî-liáu tī 3C tián-tiûⁿ, ho̍k-chong hoat-piáu-hōe, kap pêng-bīn cha̍p-chì tam-jīm model, i mā siūⁿ-beh tiâu ián-gē-khoan lâi hoat-tián. I bat chham-ú kòe Chong-gē Tāi-ko-tāi (2011), Kok-kong Pang-pang-bâng, Khong-hi Lâi Liáu téng-téng tiān-sī chiat-bo̍k ê lio̍k-iáⁿ.
Chham-khó[siu-kái | kái goân-sí-bé]
- ↑ 3年成宅男新寵！百變張景嵐擁10項才藝原想當老師 Archived 2015-09-24 at the Wayback Machine.
