Tn̂g-kak-lêng

Wikipedia (chū-iû ê pek-kho-choân-su) beh kā lí kóng...
?Tn̂g-kak-lêng
Seng-bu̍t-ha̍k hun-lūi
Kài: Animalia
Mn̂g: Arthropoda
Kong: Insecta
Bo̍k: Neuroptera
Chhiau-kho: Myrmeleontoidea
Kho: Ascalaphidae
A-kho

Tn̂g-kak-lêng (Hàn-jī: 長角蛉; Eng-gí: owl-fly), koh hō-chò tia̍p-kak-lêng (蝶角蛉), kui-sio̍k-tī me̍h-si̍t-ba̍k (脈翅目; Neuroptera) tn̂g-kak-lêng-kho (長角蛉科; Ascalaphidae).

Tn̂g-kak-lêng seⁿ tit kah chhân-iⁿ chiok sêng--ê, chiâⁿ-chē lâng ē kā ngō·-jīm. I kap chhân-iⁿ siāng bêng-hián bô-kâng ê só·-chāi sī i ê chhio̍k-kak kap bóe-ia̍h-á--ê lūi-sū, seⁿ tit tn̂g-tn̂g, lóng-sī sio̍k-î kún-á-hêng he̍k chhiū-ki-hêng ê chhio̍k-kak. Tn̂g-kak-lêng ji̍t--sî bi̍h-tī chhiū-á-ki hioh-khún, mô·-hóng chò chhiū-á-ki, êng-àm-sî--á chiah poe chhut--lâi chhōe-chia̍h, chit-tiám mā kah chhân-iⁿ bô-kâng.